ప|| వట్టియాసలకు లోనై వదలక తిరిగాడేవు |
బట్టబయలు యీసంసారంబని గుట్టుదెలియలేవు ప్రాణీ ||
చ|| చాలనమ్మి యీసంసారమునకు సోలిసోలి తిరిగేవు |
బాలయవ్వన ప్రౌఢలభ్రమ బడి లోలుడవై తిరిగేవు |
మేలుదెలియ కతికాముకుండవై మీదెరుగక తిరిగేవు |
మాలెమీద పరువెందాకా నీమచ్చిక విడువగలేవు ||
చ|| మానితముగ దురన్నపానముల మత్తుడవై వుండేవు |
నానావిధముల దుష్కర్మంబులు నానాటికి నాటించేవు |
మేనిలోని యేగురు నార్గురును మిత్రులనుచు నమ్మేవు |
ఆనందంబున నాకర్మమునకు అధిపతులని తెలియగలేవు ||
చ|| పామరివై దుర్వ్యాపారమునకు పలుమారును బొయ్యేవు |
వేమరు దుర్జనసంగాతంబులు విశ్రామమనుచు నుండేవు |
ప్రేమతో హరిదాసులపై సంప్రీతి నిలుపగాలేవు |
తామసమతివయి వేంకటనాథునితత్త్వ మెరుగగాలేవు ||
pa|| vaTTiyAsalaku lOnai vadalaka tirigADEvu |
baTTabayalu yIsaMsAraMbani guTTudeliyalEvu prANI ||
ca|| cAlanammi yIsaMsAramunaku sOlisOli tirigEvu |
bAlayavvana prauDhalaBrama baDi lOluDavai tirigEvu |
mEludeliya katikAmukuMDavai mIderugaka tirigEvu |
mAlemIda paruveMdAkA nImaccika viDuvagalEvu ||
ca|| mAnitamuga durannapAnamula mattuDavai vuMDEvu |
nAnAvidhamula duShkarmaMbulu nAnATiki nATiMcEvu |
mEnilOni yEguru nArgurunu mitrulanucu nammEvu |
AnaMdaMbuna nAkarmamunaku adhipatulani teliyagalEvu ||
ca|| pAmarivai durvyApAramunaku palumArunu boyyEvu |
vEmaru durjanasaMgAtaMbulu viSrAmamanucu nuMDEvu |
prEmatO haridAsulapai saMprIti nilupagAlEvu |
tAmasamativayi vEMkaTanAthunitattva merugagAlEvu ||
