ప|| వెర్రివాడు వెర్రిగాడు విష్ణుదాస్యము లేక | విర్రవీగేయహంకారి వెర్రివాడు ||
చ|| నాలుకపై శ్రీహరినామమిట్టే వుండుగాను | జోలితో మరచిననీచుడే వెర్రివాడు |
అలరియీజగమెల్లా హరిరూపై వుండగాను | వాలి తలపోయనివాడు వెర్రివాడు ||
చ|| కూరిమి బ్రహ్మాండాలు కుక్షినున్న హరికంటే | కోరివేరె కలడనేకుమతి వెర్రివాడు |
చేరి తనయాత్మలోన శ్రీరమణుడుండగాను | దూరమై తిరుగువాడే దొడ్డ వెర్రివాడు ||
చ|| సారపు శ్రీవేంకటేశు శరణాగతి వుండగా | సారె గర్మములంటేడి జడుడు వెర్రివాడు |
చేరువ నాతనిముద్ర చెల్లుబడి నుండగా | మోరతోపైవున్నవాడే ముందు వెర్రివాడు ||
pa|| verrivADu verrigADu viShNudAsyamu lEka | virravIgEyahaMkAri verrivADu ||
ca|| nAlukapai SrIharinAmamiTTE vuMDugAnu | jOlitO maracinanIcuDE verrivADu |
alariyIjagamellA harirUpai vuMDagAnu | vAli talapOyanivADu verrivADu ||
ca|| kUrimi brahmAMDAlu kukShinunna harikaMTE | kOrivEre kalaDanEkumati verrivADu |
cEri tanayAtmalOna SrIramaNuDuMDagAnu | dUramai tiruguvADE doDDa verrivADu ||
ca|| sArapu SrIvEMkaTESu SaraNAgati vuMDagA | sAre garmamulaMTEDi jaDuDu verrivADu |
cEruva nAtanimudra cellubaDi nuMDagA | mOratOpaivunnavADE muMdu verrivADu ||
