ప|| వినుడిదె రఘుపతి విజయములు | పనుపడి రాక్ష బాధలుడిగెను ||
చ|| కులగిరులదరెను కుంభినివడకెను | ఇల రాముడు రథమెక్కినను |
కలగె వారిధులు కంపించె జగములు | బలు విలునమ్ములు పట్టినను ||
చ|| పిడుగులు దొరిగెను పెనుగాలి విసరె | తొడిబడ బాణము దొడిగినను |
ముడివడె దిక్కులు మొగ్గె దిగ్గజములు | యెడవక రావణునేసినను ||
చ|| చుక్కలు దుల్లెను స్రుక్కె భూతములు | తొక్కి యసురతల దుంచినను |
గక్కున శ్రీ వేంకటగిరి నిలువగ | అక్కజమగు శుభమందరి కొదవె ||
pa|| vinuDide raGupati vijayamulu | panupaDi rAkSha bAdhaluDigenu ||
ca|| kulagiruladarenu kuMBinivaDakenu | ila rAmuDu rathamekkinanu |
kalage vAridhulu kaMpiMce jagamulu | balu vilunammulu paTTinanu ||
ca|| piDugulu dorigenu penugAli visare | toDibaDa bANamu doDiginanu |
muDivaDe dikkulu mogge diggajamulu | yeDavaka rAvaNunEsinanu ||
ca|| cukkalu dullenu srukke BUtamulu | tokki yasuratala duMcinanu |
gakkuna SrI vEMkaTagiri niluvaga | akkajamagu SuBamaMdari kodave ||
