ప|| సతతవిరక్తుడు సంసారిగాడు | రతిసమ్మదుడు విరక్తుడు నితడె ||
చ|| నిత్యుడైనవాడు నిఖిలలోకముల- | బ్రత్యక్ష విభవసంపన్నుడు గాడు |
నిత్యుడు నితడే నిరుమానుడైన- | ప్రత్యక్ష విభవ సంపన్నుడితడె ||
చ|| యోగియైనవాడు నొనర నేకాలము | భోగియై భోగిపై భోగింపలేడు |
యోగియు నితడే వుడుగక భోగిపై | భోగించునటువంటి పురుషుండు నితడే ||
చ|| దేవుడైనవాడు దెలుప లోకముల | దేవతారాధ్యుడై దీపింపలేడు |
దేవుడు నితడే దివిజవంద్యుడైన | శ్రీ వేంకటగిరి దేవుండితడె ||
pa|| satataviraktuDu saMsArigADu | ratisammaduDu viraktuDu nitaDe ||
ca|| nityuDainavADu niKilalOkamula- | bratyakSha viBavasaMpannuDu gADu |
nityuDu nitaDE nirumAnuDaina- | pratyakSha viBava saMpannuDitaDe ||
ca|| yOgiyainavADu nonara nEkAlamu | BOgiyai BOgipai BOgiMpalEDu |
yOgiyu nitaDE vuDugaka BOgipai | BOgiMcunaTuvaMTi puruShuMDu nitaDE ||
ca|| dEvuDainavADu delupa lOkamula | dEvatArAdhyuDai dIpiMpalEDu |
dEvuDu nitaDE divijavaMdyuDaina | SrI vEMkaTagiri dEvuMDitaDe ||
