ప|| కలలోని సుఖమే కలియుగమా- వెన్న | కలిలో నెక్కడిదె కలియుగమా ||
చ|| కడిగడి గండమై కాలము గడిపేవు | కడుగ గడుగ రొంపి కలియుగమా |
బడలికె వాపవు పరమేదొ చూపవు | గడిచీటియును నీవు కలియుగమా ||
చ|| కరపేవు కరతలే మరపేవు మమతలే | కరకర విడువవు కలియుగమా |
తెరచీర మరగింతే తెరువేల మూసేవు | గరుసేల దాటేవో కలియుగమా ||
చ|| కానిదె మెచ్చేవు కపటాలే యిచ్చేవు | కానీలే కానీలే కలియుగమా |
పైనిదే వేంకటపతి దాసులుండగ | కానవా నీవిదేమి కలియుగమా ||
pa|| kalalOni suKamE kaliyugamA- venna | kalilO nekkaDide kaliyugamA ||
ca|| kaDigaDi gaMDamai kAlamu gaDipEvu | kaDuga gaDuga roMpi kaliyugamA |
baDalike vApavu paramEdo cUpavu | gaDicITiyunu nIvu kaliyugamA ||
ca|| karapEvu karatalE marapEvu mamatalE | karakara viDuvavu kaliyugamA |
teracIra maragiMtE teruvEla mUsEvu | garusEla dATEvO kaliyugamA ||
ca|| kAnide meccEvu kapaTAlE yiccEvu | kAnIlE kAnIlE kaliyugamA |
painidE vEMkaTapati dAsuluMDaga | kAnavA nIvidEmi kaliyugamA ||
