ప|| నీకేల భయము నీకునీకే యులికేవు | చేకొన్న నీచేతలందు జెరిగున్నావా ||
చ|| చనువు సేసుక ఆపె సారె నీమోము చూచితే | చెనక జాలక యేల సిగ్గుపడేవు |
కనుగొనబోతే నందు కళలింతే వుండేనవి | వెనుకొని కాంతలెల్లా వేలుకాడేరా ||
చ|| మచ్చిక చేసుక ఆపెమాటలు నిన్నాడించితే | కొచ్చికొచ్చి నీవేల కొంక జూచేవు |
కచ్చుపెట్టి తోచేవి కల్లనిజములేకాక | అచ్చమై పొందిన సతులంటుకున్నారా ||
చ|| చుట్టముసేసుక యింతి సొరిది నిన్నుగూడితే | యిట్టె శ్రీ వేంకటేశ నీవేల మొక్కేవు |
గుట్టునను కొనగోళ్ళ గురుతులుండీ గాక | ముట్టిన కాంతలు మేన మూగుకున్నారా ||
pa|| nIkEla Bayamu nIkunIkE yulikEvu | cEkonna nIcEtalaMdu jerigunnAvA ||
ca|| canuvu sEsuka Ape sAre nImOmu cUcitE | cenaka jAlaka yEla siggupaDEvu |
kanugonabOtE naMdu kaLaliMtE vuMDEnavi | venukoni kAMtalellA vElukADErA ||
ca|| maccika cEsuka ApemATalu ninnADiMcitE | koccikocci nIvEla koMka jUcEvu |
kaccupeTTi tOcEvi kallanijamulEkAka | accamai poMdina satulaMTukunnArA ||
ca|| cuTTamusEsuka yiMti soridi ninnugUDitE | yiTTe SrI vEMkaTESa nIvEla mokkEvu |
guTTunanu konagOLLa gurutuluMDI gAka | muTTina kAMtalu mEna mUgukunnArA ||
