Nootulu davvagabotae - నూతులు దవ్వగబోతే

నూతులు దవ్వగబోతే (రాగం:సామంతం)(తాళం :)

నూతులు దవ్వగబోతే బేతాళములు పుట్టె
కాతాళపులోకులాల కంటిరా యీసుద్దులు

మీఱినపుత్రకామేష్టి మించి లంకకు బై వచ్చె
ఆఱడి రామావతార మసురబాధ
తూఱి సీతపెండ్లి హరుదొడ్డ వింటిపండుగాయ
పాఱి పాఱి నమ్మనెటువలెవచ్చు వీరిని

చూడ కేకయరాజ్యము చుప్పనాతిపాపమాయ
వేడుక మాయామృగమువేటాయను
వాడికె సుగ్రీవుమేలు వాలికి గండాన వచ్చె
యీడుగానిరాచపుట్టు యెట్టు నమ్మవచ్చును

వుమ్మడి గోతులకూట ముదధికి గట్లు వచ్చె
తమ్మువిబుద్ది రావణుతల వోయను
పమ్మి శ్రీ వేంకటేశునిపట్టానకే యింతానాయ
యిమ్ముల నిట్టిదేవర నెట్టు నమ్మవచ్చును

Nootulu davvagabotae (Raagam:Saamamtam ) (Taalam: )

Nootulu davvagabotae baetaalamulu putte
Kaataalapulokulaala kamtiraa yeesuddulu

Mee~rinaputrakaamaeshti mimchi lamkaku bai vachche
Aa~radi raamaavataara masurabaadha
Too~ri seetapemdli harudodda vimtipamdugaaya
Paa~ri paa~ri nammanetuvalevachchu veerini

Chooda kaekayaraajyamu chuppanaatipaapamaaya
Vaeduka maayaamrgamuvaetaayanu
Vaadike sugreevumaelu vaaliki gamdaana vachche
Yeedugaaniraachaputtu yettu nammavachchunu

Vummadi gotulakoota mudadhiki gatlu vachche
Tammuvibuddi raavanutala voyanu
Pammi Sree vaemkataesunipattaanakae yimtaanaaya
Yimmula nittidaevara nettu nammavachchunu

Read More

nErupari nanukOnu - నేరుపరి ననుకోను

నేరుపరి ననుకోను (రాగం: ) (తాళం : )

ప|| నేరుపరి ననుకోను నెరజాణ ననుకోను | యీరీతి నాహావ భావాలింతెఱగడా ||

చ|| మలసి తనతో నేను మాటలాడనని దూరి | నెలవుల నవ్వితేనే సేన మాటలే |
పిలిపించనని తాను బిగువులు నెరపీని | తలుపు దెరచితేనే తగుసన్న గాదా ||

చ|| దగ్గర గూచుండనంటా తమకించి నంతలోనె | సిగ్గువడి వుండితేనే చేరి వుండుటే |
వొగ్గి తన్ను జూడనంటా వొరట్లు వట్టీని | అగ్గమై యెదుట నుంటే అన్నియును గాదా ||

చ|| ముందు కౌగిలించనంటూ మొనలెల్ల జూపీని | ఇందమని విడేమిచ్చుటదియే అది |
అందపు శ్రీ వేంకటేశుడలమేలుమంగ నేను | పొందితిమిద్దరమివి పోదులెల్లా గావా ||

nErupari nanukOnu (Raagam: ) (Taalam: )

pa|| nErupari nanukOnu nerajANa nanukOnu | yIrIti nAhAva BAvAliMterxagaDA ||

ca|| malasi tanatO nEnu mATalADanani dUri | nelavula navvitEnE sEna mATalE |
pilipiMcanani tAnu biguvulu nerapIni | talupu deracitEnE tagusanna gAdA ||

ca|| daggara gUcuMDanaMTA tamakiMci naMtalOne | sigguvaDi vuMDitEnE cEri vuMDuTE |
voggi tannu jUDanaMTA voraTlu vaTTIni | aggamai yeduTa nuMTE anniyunu gAdA ||

ca|| muMdu kaugiliMcanaMTU monalella jUpIni | iMdamani viDEmiccuTadiyE adi |
aMdapu SrI vEMkaTESuDalamElumaMga nEnu | poMditimiddaramivi pOdulellA gAvA ||

Read More

nErpukaMTe bennidhi - నేర్పుకంటె బెన్నిధి

నేర్పుకంటె బెన్నిధి (రాగం: ) (తాళం : )

ప|| నేర్పుకంటె బెన్నిధి గద్దా | ఓర్పుకంటె సుఖమొకటి గద్దా ||

చ|| కరుణకు నెక్కుడు గతి యిక గద్దా | సరసత కెక్కుడు సరిగద్దా |
గురుమతి జిత్తము కూరిమి నిలిపిన | నెరవుకంటె విధమిక గద్దా ||

చ|| కలిమికంటె జీకటి మరి కద్దా | బలిమి కంటె నాపద గద్దా |
గెలుపు(గ) దెలెసి లంకించిన మతితో | జెలగుకంటె నిజనీతి యిక గద్దా ||

చ|| పాయము కంటె నపాయము గద్దా | కాయపు రోతకు గడ గద్దా |
పాయక వేంకట పతికృప గోరిన | యీ యభిమతమున కెదురిక గద్దా ||

nErpukaMTe bennidhi (Raagam: ) (Taalam: )

pa|| nErpukaMTe bennidhi gaddA | OrpukaMTe suKamokaTi gaddA ||

ca|| karuNaku nekkuDu gati yika gaddA | sarasata kekkuDu sarigaddA |
gurumati jittamu kUrimi nilipina | neravukaMTe vidhamika gaddA ||

ca|| kalimikaMTe jIkaTi mari kaddA | balimi kaMTe nApada gaddA |
gelupu(ga) delesi laMkiMcina matitO | jelagukaMTe nijanIti yika gaddA ||

ca|| pAyamu kaMTe napAyamu gaddA | kAyapu rOtaku gaDa gaddA |
pAyaka vEMkaTa patikRupa gOrina | yI yaBimatamuna kedurika gaddA ||

Read More

nEla minnu nokkaTainanIbaMTu - నేల మిన్ను నొక్కటైననీబంటు

నేల మిన్ను నొక్కటైననీబంటు (రాగం: ) (తాళం : )

ప|| నేల మిన్ను నొక్కటైననీబంటు వొక్క- | వేలనే యక్షుని దెగవేసెగా నీబంటు ||

చ|| ఉంగర మెగరవేసి యుదధిలో బడకుండ | నింగికి జెయిజాచి నీబంటు |
చంగున జలధిదాటి జంబుమాలి నిలమీద | కుంగదొక్కి పదముల గుమ్మెగా నీబంటు ||

చ|| వెట్టగా రావణు రొమ్మువిరుగ జేతనే గుద్దె | నిట్టతాడువంటివాడు నీబంటు |
దిట్టయై మందులకొండ తేజమున నడురేయి | పట్టపగలు దెచ్చె బాపురే నీబంటు ||

చ|| అలరనన్నియు జేసి అజునిపట్టానకు | నిలుచున్నాడదివో నీబంటు |
బలువేంకటేశ ఈ పవననందనుడు | కలిగి లోకములెల్ల గాచెగా నీబంటు ||

nEla minnu nokkaTainanIbaMTu (Raagam: ) (Taalam: )

pa|| nEla minnu nokkaTainanIbaMTu vokka- | vElanE yakShuni degavEsegA nIbaMTu ||

ca|| uMgara megaravEsi yudadhilO baDakuMDa | niMgiki jeyijAci nIbaMTu |
caMguna jaladhidATi jaMbumAli nilamIda | kuMgadokki padamula gummegA nIbaMTu ||

ca|| veTTagA rAvaNu rommuviruga jEtanE gudde | niTTatADuvaMTivADu nIbaMTu |
diTTayai maMdulakoMDa tEjamuna naDurEyi | paTTapagalu decce bApurE nIbaMTu ||

ca|| alarananniyu jEsi ajunipaTTAnaku | nilucunnADadivO nIbaMTu |
baluvEMkaTESa I pavananaMdanuDu | kaligi lOkamulella gAcegA nIbaMTu ||

Read More

nE nEmisEyudunu - నే నేమిసేయుదును

నే నేమిసేయుదును (రాగం: ) (తాళం : )

ప|| నే నేమిసేయుదును నీవు నాలోపలనుండి | శ్రీనాథుడవు నీచేత ఇంతేకాక ||

చ|| తనువేమిసేయును తనువులోపలయున్న- | చెనటియింద్రియములచేతలుగాక |
మనసేమిసేయును మనసులోపలనున్న- | నినుపుగోర్కులు చేసేనేరములుగాక ||

చ|| జీవుడేమిసేయును జీవునిబొదుగుకున్న- | భావపుప్రకృతి చేసేపాపముగాక |
చేవదేర బుట్టు వేమిసేయు ముంచుకొన్నట్టి- | దైవపుమాయలోనిధర్మ మింతేకాక ||

చ| కాలమేమిసేయును గక్కన శ్రీవేంకటేశు- | డేలి మన్నించేమన్నన యిదియేకాక |
యేల యేల దూర నింక నెవ్వరు నేమిసేతురు | మేలిమి నిను దలచి మెచ్చుటేకాక ||

nE nEmisEyudunu (Raagam: ) (Taalam: )

pa|| nE nEmisEyudunu nIvu nAlOpalanuMDi | SrInAthuDavu nIcEta iMtEkAka ||

ca|| tanuvEmisEyunu tanuvulOpalayunna- | cenaTiyiMdriyamulacEtalugAka |
manasEmisEyunu manasulOpalanunna- | ninupugOrkulu cEsEnEramulugAka ||

ca|| jIvuDEmisEyunu jIvunibodugukunna- | BAvapuprakRuti cEsEpApamugAka |
cEvadEra buTTu vEmisEyu muMcukonnaTTi- | daivapumAyalOnidharma miMtEkAka ||

ca| kAlamEmisEyunu gakkana SrIvEMkaTESu- | DEli manniMcEmannana yidiyEkAka |
yEla yEla dUra niMka nevvaru nEmisEturu | mElimi ninu dalaci meccuTEkAka ||

Read More

Nae nokkada laekumditae - నే నొక్కడ లేకుండితే

నే నొక్కడ లేకుండితే (రాగం:భౌళిరామక్రియ) (తాళం : )

నే నొక్కడ లేకుండితే నీకృపకు బాత్ర మేది
పూని నావల్లనే కీర్తి బొందేవు నీవు

అతి మూడులలోన నగ్రేసరుడ నేను
ప్రతిలేనిఘనగర్వపర్వతమను
తతి బంచేంద్రియములధనవంతుడను నేను
వెతకి నావంటివాని విడువగ జెల్లునా

మహిలో సంసారపుసామ్రాజ్యమేలేవాడ నేను
యిహమున గర్మవహికెక్కితి నేను
బహుయోనికూపసంపద దేలేవాడ నేను
వహించుక నావంటివాని దేనోపేవా

భావించి నావంటినీచు బట్టి కాచినప్పుడుగా
యేవంక నీకీర్తి గడువెంతురు భువి
నావల్ల నీకు బుణ్యము నీవల్లనే బ్రదుకుదు
శ్రీవేంకటేశుడ యింత చేరె జుమ్మీ మేలు

Nae nokkada (Raagam:Bhauliraamakriya ) (Taalam: )

Nae nokkada laekumditae neekrpaku baatra maedi
Pooni naavallanae keerti bomdaevu neevu

Ati moodulalona nagraesaruda naenu
Pratilaenighanagarvaparvatamanu
Tati bamchaemdriyamuladhanavamtudanu naenu
Vetaki naavamtivaani viduvaga jellunaa

Mahilo samsaarapusaamraajyamaelaevaada naenu
Yihamuna garmavahikekkiti naenu
Bahuyonikoopasampada daelaevaada naenu
Vahimchuka naavamtivaani daenopaevaa

Bhaavimchi naavamtineechu batti kaachinappudugaa
Yaevamka neekeerti gaduvemturu bhuvi
Naavalla neeku bunyamu neevallanae bradukudu
Sreevaemkataesuda yimta chaere jummee maelu

Read More

nEneMtavADanu ninnaDigi - నేనెంతవాడను నిన్నడిగి

నేనెంతవాడను నిన్నడిగి (రాగం: ) (తాళం : )

ప|| నేనెంతవాడను నిన్నడిగి నంటే | వీనుల నీకథలెల్లా వినుటేగా ||

చ|| అలిగిన అలుగక అన్యులు మరిదూరి | పలికినను మారు పలుకక వాదు |
తలచిన కలుగకసరి కొట్టినను గాని | మూలుగనివాడే గదా ముక్తికి నర్హుడు ||

చ|| నగినను తానగక నాతులెవ్వరైన | తగిలి పెసగిన తగులక |
వగచినా వగవక వ్రతము చేరిచె మంటే | మొగమోడకున్నవాడే ముక్తికి నర్హుడు ||

చ|| విరిచినా విరువక విష్ణుభక్తియె దాటున | వెరపించిన మరి వెడవక |
నెరవై శ్రీ వేంకటేశ నీ పాదములె నమ్మి | మెరుగు లేనివాడె ముక్తికి నర్హుడు ||

nEneMtavADanu ninnaDigi (Raagam: ) (Taalam: )

pa|| nEneMtavADanu ninnaDigi naMTE | vInula nIkathalellA vinuTEgA ||

ca|| aligina alugaka anyulu maridUri | palikinanu mAru palukaka vAdu |
talacina kalugakasari koTTinanu gAni | mUluganivADE gadA muktiki narhuDu ||

ca|| naginanu tAnagaka nAtulevvaraina | tagili pesagina tagulaka |
vagacinA vagavaka vratamu cErice maMTE | mogamODakunnavADE muktiki narhuDu ||

ca|| viricinA viruvaka viShNuBaktiye dATuna | verapiMcina mari veDavaka |
neravai SrI vEMkaTESa nI pAdamule nammi | merugu lEnivADe muktiki narhuDu ||

Read More

nEneMduvOye tAneMduvOyI - నేనెందువోయె తానెందువోయీ

నేనెందువోయె తానెందువోయీ (రాగం: ) (తాళం : )

నేనెందువోయె తానెందువోయీ రానీలే రానీలే రానీలే ||
మీనైన నాటి తన మిడుకెల్ల దిగవలె కానీలె కానీలె కానీలె ||
తలచూపేనాటి తలపెల్ల దిగవలె తలచనీ తలచనీ తలచనీవే ||
కిరికియైననాటి తన కిటుకెల్లదిగవలె తిరుగనీ తిరుగనీ తిరుగనీవే||
హరియైననాటి అదటెల్ల దిగవలె జరగనీ జరగనీ జరగనీవే||
వడుగైననాటి(తన) వస విడువంగవలె తడవకు తడవకు తడవకువే||
కలుషించే నాటి కడమెల్ల దిగవలె అలుగనీ అలుగనీ అలుగనీవే||
సతిబాసేనాటి చలమెల్ల దిగవలె తతిగానీ తతిగానీ తతిగానీలే||
ముసలైన నాటి ముసుపెల్ల దిగవలె విసుగనీ విసుగనీ విసుగనీవే||
మానైననాటి (తన) మదమెల్ల దిగవలె పోనీవే పోనీవే పోనీవే||
కలికైన నాటి గజరెల్ల దిగవలె చెలగనీ చెలగనీ చెలగనీవే||
వేడుకతో నాటి వేంకటపతి నన్ను కూడనీ కూడనీ కూడనీవే||

nEneMduvOye tAneMduvOyI (Raagam: ) (Taalam: )

nEneMduvOye tAneMduvOyI rAnIlE rAnIlE rAnIlE
mInaina nATi tana miDukella digavale kAnIle kAnIle kAnIle
talachUpEnATi talapella digavale talachanI talachanI talachanIvE
kirikiyainanATi tana kiTukelladigavale tiruganI tiruganI tiruganIvE
hariyainanATi adaTella digavale jaraganI jaraganI jaraganIvE
vaDugainanATi(tana) vasa viDuvaMgavale taDavaku taDavaku taDavakuvE
kalushiMchE nATi kaDamella digavale aluganI aluganI aluganIvE
satibAsEnATi chalamella digavale tatigAnI tatigAnI tatigAnIlE
musalaina nATi musupella digavale visuganI visuganI visuganIvE
mAnainanATi (tana) madamella digavale pOnIvE pOnIvE pOnIvE
kalikaina nATi gajarella digavale chelaganI chelaganI chelaganIvE
vEDukatO nATi vEMkaTapati nannu kUDanI kUDanI kUDanIvE

Get this widget | Track details | eSnips Social DNA

Read More

nEneMta nIveMta - నేనెంత నీవెంత

నేనెంత నీవెంత (రాగం: ) (తాళం : )

ప|| నేనెంత నీవెంత నిక్కె మా యిది | కానీ లేరా యిది యొక్క కాకు నేనే జాడలా ||

చ|| కోరివేడి తగిలిన గోపసతు లుండ గాను | అరయ నాకొంగు పట్టే వలసితినా |
మేరతో బెండ్లాడిన రుక్మిణిదేవి వుండగాను | యేరా నాతో నవ్వేవు యెగసక్కెమా ||

చ|| చనవిచ్చి మన్నించిన సత్యభామ వుండగాను | చెనకేవు నే నీకు జిక్కితినా |
పనివడి తెచ్చుకొన్న పదారువేలుండగాను | నను జెక్కు నొక్కేవు నాటకములా ||

చ|| గందమిచ్చి మెప్పించిన కలికి యొకతె యుండ | అంది నను గాగిలించే వాగడములా |
కందున శ్రీ వేంకటేశ కలసితి విటు నన్ను | చిందేవు మోహము నాపై చిత్తమింత వచ్చెనా ||

nEneMta nIveMta (Raagam: ) (Taalam: )

pa|| nEneMta nIveMta nikke mA yidi | kAnI lErA yidi yokka kAku nEnE jADalA ||

ca|| kOrivEDi tagilina gOpasatu luMDa gAnu | araya nAkoMgu paTTE valasitinA |
mEratO beMDlADina rukmiNidEvi vuMDagAnu | yErA nAtO navvEvu yegasakkemA ||

ca|| canavicci manniMcina satyaBAma vuMDagAnu | cenakEvu nE nIku jikkitinA |
panivaDi teccukonna padAruvEluMDagAnu | nanu jekku nokkEvu nATakamulA ||

ca|| gaMdamicci meppiMcina kaliki yokate yuMDa | aMdi nanu gAgiliMcE vAgaDamulA |
kaMduna SrI vEMkaTESa kalasiti viTu nannu | ciMdEvu mOhamu nApai cittamiMta vaccenA ||

Read More

nEneMta cinnanainA - నేనెంత చిన్ననైనా

నేనెంత చిన్ననైనా (రాగం: ) (తాళం : )

ప|| నేనెంత చిన్ననైనా నీకే సులభము గాని | పూని నా సరివారికి బొడవే సుమ్మీ ||

చ|| యిచ్చకపు పతివి నీవేమన్నా నితవే నాకు | కొచ్చికొచ్చి తిట్టినాను కోపమున్నదా |
తెచ్చుకొన్న నీసతులు తేనె మాటాడినాను | మచ్చరములై పెరిగి మర్మములు నాటురా ||

చ|| నీటున బ్రాణవిభుడ నీవేమి సేసినా | వాటమై మొక్కుదు గాక వాసి వట్టేనా |
పాతకపు సవతులు నయగారాలు సేసినా | యీటెల పోట్లే కాక యింతకోపేనా ||

చ|| చేరినిన్ను నేలినట్టి శ్రీ వేంకటేశ నీవు | యేరీతి నుండినాను యెరవున్నదా |
సారెకు నీవు ముట్టిన సవతులు వద్దనున్నా | నీరసమె రేగు గాని యీయకోలు గాదురా ||

nEneMta cinnanainA (Raagam: ) (Taalam: )

pa|| nEneMta cinnanainA nIkE sulaBamu gAni | pUni nA sarivAriki boDavE summI ||

ca|| yiccakapu pativi nIvEmannA nitavE nAku | koccikocci tiTTinAnu kOpamunnadA |
teccukonna nIsatulu tEne mATADinAnu | maccaramulai perigi marmamulu nATurA ||

ca|| nITuna brANaviBuDa nIvEmi sEsinA | vATamai mokkudu gAka vAsi vaTTEnA |
pAtakapu savatulu nayagArAlu sEsinA | yITela pOTlE kAka yiMtakOpEnA ||

ca|| cErininnu nElinaTTi SrI vEMkaTESa nIvu | yErIti nuMDinAnu yeravunnadA |
sAreku nIvu muTTina savatulu vaddanunnA | nIrasame rEgu gAni yIyakOlu gAdurA ||

Read More

Naenae brahmamu - నేనే బ్రహ్మము

నేనే బ్రహ్మము (రాగం: ) (తాళం : )

నేనే బ్రహ్మము కోనేరము॥ నేము
కామించిన స్వతంత్రము గడు లేదుగాన

క్షణములోపలనె సర్వజీవావస్థలూను
గణుతించేవా డొకడు గలడు వేరే
అణుమహత్త్వములందు నంతర్యామైనవాని
ప్రణుతించి దాసులమై బ్రదికేముగాని

పనిగొని యేలుటకు బ్రహ్మాదిదేవతల
గనిపించేవా డోకడు గలడు వేరే
ననిచి సిరుల లక్ష్మీనాథుడైనవాని
అనులవారము నేము బ్రదికేముగాని

సతతరక్షకుడయి శంఖచక్రధరుడయి
గతి శ్రీవేంకటపతి గలడు వేరే
అతనిమఱగు చొచ్చి యానందపరవశాన
బ్రతిలేక యిందరిలో బ్రదికేము గాని

Naenae brahmamu (Raagam:muKaari ) (Taalam: )

Naenae brahmamu konaeramu naemu
Kaamimchina svatamtramu gadu laedugaana

Kshanamulopalane sarvajeevaavasthaloonu
Ganutimchaevaa dokadu galadu vaerae
Anumahattvamulamdu namtaryaamainavaani
Pranutimchi daasulamai bradikaemugaani

Panigoni yaelutaku brahmaadidaevatala
Ganipimchaevaa dokadu galadu vaerae
Nanichi sirula lakshmeenaathudainavaani
Anulavaaramu naemu bradikaemugaani

Satatarakshakudayi samkhachakradharudayi
Gati sreevaemkatapati galadu vaerae
Atanima~ragu chochchi yaanamdaparavasaana
Bratilaeka yimdarilo bradikaemu gaani

Read More

Nae nanagaa nemtavaada - నే ననగా నెంతవాడ

నే ననగా నెంతవాడ (రాగం:దేసాళం) (తాళం : )

నే ననగా నెంతవాడ నెయ్యపుజీవులలోన
యీనెపాన రక్షించీ నీశ్వరుడేకాక

యెవ్వరు బుద్దిచెప్పిరి యిలపై జీమలకెల్లా
నెవ్వగ బుట్టల గొల్చు నించుకొమ్మని
అవ్వల సంసారభ్రాంతి అనాదినుండియు లోలో
దవ్వించి తలకెత్తేయంతర్యామేకాని

చెట్టుల కెవ్వరు బుద్దిచెప్పేరు తతికాలాన
బుట్టి కాచి పూచి నిండా బొదలుమని
గుట్టుతో జైతన్యమై గుణములన్నిటికిని
తిట్టపెట్టి రచించినదేవు డింతేకాక

బుద్దు లెవ్వరు చెప్పిరి పుట్టినట్టిమెకాలకు
తిద్ది చన్ను దాగి పూరి దినుమని
పొద్దువొద్దు లోన నుండి భోగములు మఱపిన
నిద్దపుశ్రీవేంకటాద్రినిలయుండేకాక

Nae nanagaa nemtavaada (Raagam: ) (Taalam: )

Nae nanagaa nemtavaada neyyapujeevulalona
Yeenepaana rakshimchee neesvarudaekaaka

Yevvaru buddicheppiri yilapai jeemalakellaa
Nevvaga buttala golchu nimchukommani
Avvala samsaarabhraamti anaadinumdiyu lolo
Davvimchi talakettaeyamtaryaamaekaani

Chettula kevvaru buddicheppaeru tatikaalaana
Butti kaachi poochi nimdaa bodalumani
Guttuto jaitanyamai gunamulannitikini
Tittapetti rachimchinadaevu dimtaekaaka

Buddu levvaru cheppiri puttinattimekaalaku
Tiddi channu daagi poori dinumani
Podduvoddu lona numdi bhogamulu ma~rapina
Niddapusreevaemkataadrinilayumdaekaaka

Read More

Naedu dappimchukomtaenu - నేడు దప్పించుకొంటేను

నేడు దప్పించుకొంటేను (రాగం:పాడి ) (తాళం : )

నేడు దప్పించుకొంటేను నేరుపున్నదా
పేడుక భోగించుతానే పెనగ జోటున్నదా.

తనువు మోచిననాడే తప్పులెల్లా జేసితిని
వెనక మంచితనాలు వెదక నేది
ననిచి సంసారినైననాడే నిష్టూరానకెల్ల
మునుప నే గురియైతి మొరగ జోటున్నదా.

సిరులు చేకొన్ననాడే సిలుగెల్లా గట్టుకొంటి
తరగాతిపను లింక దడవనేల
నరలోకముచొచ్చిననాడే పుణ్యపాపముల
పొరుగుకు వచ్చితిని బుద్దు లింక నేల

వూపిరిమోచిననాడే వొట్టికొంటి నాసలెల్లా
మాపుదాకా వేసరిన మాన బొయ్యీనా
యేపున శ్రీవేంకటేశుడింతలో నన్ను గావగా
పైపై గెలిచితిగాక పంతమాడగలనా.

Naedu dappimchukomtaenu (Raagam:Paadi ) (Taalam: )

Naedu dappimchukomtaenu naerupunnadaa
Paeduka bhogimchutaanae penaga jotunnadaa.

Tanuvu mochinanaadae tappulellaa jaesitini
Venaka mamchitanaalu vedaka naedi
Nanichi samsaarinainanaadae nishtooraanakella
Munupa nae guriyaiti moraga jotunnadaa.

Sirulu chaekonnanaadae silugellaa gattukomti
Taragaatipanu limka dadavanaela
Naralokamuchochchinanaadae punyapaapamula
Poruguku vachchitini buddu limka naela

Voopirimochinanaadae vottikomti naasalellaa
Maapudaakaa vaesarina maana boyyeenaa
Yaepuna sreevaemkataesudimtalo nannu gaavagaa
Paipai gelichitigaaka pamtamaadagalanaa.

Read More

nEricibradikEvAru nIdAsulu - నేరిచిబ్రదికేవారు నీదాసులు

నేరిచిబ్రదికేవారు నీదాసులు (రాగం: ) (తాళం : )

ప|| నేరిచిబ్రదికేవారు నీదాసులు | నేరమి బాసినవారు నీదాసులు ||

చ|| కామము గ్రోధము రెంటీ గాదని విడిచి మంచి- | నేమము పట్టినవారే నీదాసులు |
దోమటి బాపపుణ్యాల దుంచివేసి చూడగానే | నీమాయ గెలిచినవారు నీదాసులు ||

చ|| కిక్కిరించినయాసల గిందవేసి మోక్షము | నిక్కినిక్కి చూచేవారు నీదాసులు |
వెక్కసపుభక్తితోడ వెఱపు మఱపు లేక | నెక్కొన్నమహిమవారు నీదాసులు ||

చ|| అట్టె వేదశాస్త్రముల అర్థము దేటపఱచి | నెట్టుకొని మించినవారు నీదాసులు |
యిట్టె శ్రీవేంకటేశ యితరమార్గములెల్లా | నెట్టువడ దోసినవారు నీదాసులు ||

nEricibradikEvAru nIdAsulu (Raagam: ) (Taalam: )

pa|| nEricibradikEvAru nIdAsulu | nErami bAsinavAru nIdAsulu ||

ca|| kAmamu grOdhamu reMTI gAdani viDici maMci- | nEmamu paTTinavArE nIdAsulu |
dOmaTi bApapuNyAla duMcivEsi cUDagAnE | nImAya gelicinavAru nIdAsulu ||

ca|| kikkiriMcinayAsala giMdavEsi mOkShamu | nikkinikki cUcEvAru nIdAsulu |
vekkasapuBaktitODa verxapu marxapu lEka | nekkonnamahimavAru nIdAsulu ||

ca|| aTTe vEdaSAstramula arthamu dETaparxaci | neTTukoni miMcinavAru nIdAsulu |
yiTTe SrIvEMkaTESa yitaramArgamulellA | neTTuvaDa dOsinavAru nIdAsulu ||

Read More

neyyani pOsukOrAdu - నెయ్యని పోసుకోరాదు

నెయ్యని పోసుకోరాదు (రాగం: ) (తాళం : )

ప|| నెయ్యని పోసుకోరాదు నీళ్ళని చల్లగరాదు | చెయ్యార గంటిమి నేడు చేరి నీతో పొందుట |

చ|| ప్రేమము చాలాజేసి పెక్కు సతులతోను | మోము చూడ సిగ్గుపడి ముసుగుతో నున్నదాన |
జామువోయి వచ్చినీవు సరసములాడేవు | యేమని నేనియ్యకుందు నేటిజన్మమయ్య ||

చ|| పలుమారు నీతోనవ్వి పరాకై వుండిన నీతో | పలుకగ సిగ్గుపడి భావింపుచు నున్నదాన |
కలగన్నట్లా వచ్చి కందువలంటేవు నన్ను | బలిమి యేమున్నది నాబదుకు నీ చేతిది ||

చ|| మచ్చికతో నిన్నుగూడి మన్నించిన నీతోను | పచ్చిసేయ సిగ్గుపడి వదరక వున్నదాన
యెచ్చుగా శ్రీ వేంకటేశ యిట్టెనన్ను నేలితివి | విచ్చన విడాయ నా విభవము లెల్లను ||

neyyani pOsukOrAdu (Raagam: ) (Taalam: )

pa|| neyyani pOsukOrAdu nILLani callagarAdu | ceyyAra gaMTimi nEDu cEri nItO poMduTa |

ca|| prEmamu cAlAjEsi pekku satulatOnu | mOmu cUDa siggupaDi musugutO nunnadAna |
jAmuvOyi vaccinIvu sarasamulADEvu | yEmani nEniyyakuMdu nETijanmamayya ||

ca|| palumAru nItOnavvi parAkai vuMDina nItO | palukaga siggupaDi BAviMpucu nunnadAna |
kalagannaTlA vacci kaMduvalaMTEvu nannu | balimi yEmunnadi nAbaduku nI cEtidi ||

ca|| maccikatO ninnugUDi manniMcina nItOnu | paccisEya siggupaDi vadaraka vunnadAna
yeccugA SrI vEMkaTESa yiTTenannu nElitivi | viccana viDAya nA viBavamu lellanu ||

Read More

neyyamulalO nEreLLO - నెయ్యములలో నేరెళ్ళో

నెయ్యములలో నేరెళ్ళో (రాగం: ) (తాళం : )

ప|| నెయ్యములలో నేరెళ్ళో | వొయ్యన వూరెడి వువ్విళ్ళో ||

చ|| పలచని చెమటల బాహుమూలముల | చెలములలోనా జెలువములే |
ధళధళమను ముత్యపు జెరగు సురటి | దులిపేటి నీళ్ళ తుంపిళ్ళో ||

చ|| తొటతొత గన్నుల దొరిగేటినీళ్ళ | చిటిపొటి యలుకలు చిరునగవే |
వట ఫలంబు నీ వన్నెల మోవికి | గుటుకల లోనా గుక్కిళ్ళో ||

చ|| గరిగరికల వేంకటపతి కౌగిట | పరిమళములలో బచ్చనలు |
మరునివింటి కమ్మనియంప విరుల | గురితాకులినుప గుగ్గిళ్ళో ||

neyyamulalO nEreLLO (Raagam: ) (Taalam: )

pa|| neyyamulalO nEreLLO | voyyana vUreDi vuvviLLO ||

ca|| palacani cemaTala bAhumUlamula | celamulalOnA jeluvamulE |
dhaLadhaLamanu mutyapu jeragu suraTi | dulipETi nILLa tuMpiLLO ||

ca|| toTatota gannula dorigETinILLa | ciTipoTi yalukalu cirunagavE |
vaTa PalaMbu nI vannela mOviki | guTukala lOnA gukkiLLO ||

ca|| garigarikala vEMkaTapati kaugiTa | parimaLamulalO baccanalu |
maruniviMTi kammaniyaMpa virula | guritAkulinupa guggiLLO ||

Read More

neravAdi sAhasulu - నెరవాది సాహసులు

నెరవాది సాహసులు(రాగం: ) (తాళం : )

ప|| నెరవాది సాహసులు నిత్యశూరులు | దురిత విదూరులు ధృవాదులు ||

చ|| తక్కక శ్రీహరిభక్తితపాలుసేసి యెక్కిరి | చక్కగా వైకుంఠము సనకాదులు |
వొక్కట విష్ణుకథలు వోడసేసుక దాటిరి | పెక్కు సంసారజలధి భీష్మాదులు ||

చ|| కడువిరక్తి యనేటి కత్తులనే నరకిరి | నడుమ భవపాశముల నారదాదులు |
బడినే హరిదాసులపౌజులు గూడుకొనిరి | నుడివడ కిహమందే శుకాదులు ||

చ|| పరమశాంతములనే పట్టపేనుగులమీద || వరుసల నేగేరు వ్యాసాదులు |
సిరుల శ్రీవేంకటేశు జేరి సుఖము బొందిరి | బెరసి దాస్యమున విభీషణాదులు ||

neravAdi sAhasulu (Raagam: ) (Taalam: )

pa|| neravAdi sAhasulu nityaSUrulu | durita vidUrulu dhRuvAdulu ||

ca|| takkaka SrIhariBaktitapAlusEsi yekkiri | cakkagA vaikuMThamu sanakAdulu |
vokkaTa viShNukathalu vODasEsuka dATiri | pekku saMsArajaladhi BIShmAdulu ||

ca|| kaDuvirakti yanETi kattulanE narakiri | naDuma BavapASamula nAradAdulu |
baDinE haridAsulapaujulu gUDukoniri | nuDivaDa kihamaMdE SukAdulu ||

ca|| paramaSAMtamulanE paTTapEnugulamIda || varusala nEgEru vyAsAdulu |
sirula SrIvEMkaTESu jEri suKamu boMdiri | berasi dAsyamuna viBIShaNAdulu ||

Read More

nelata cakkadanamE - నెలత చక్కదనమే

నెలత చక్కదనమే (రాగం: ) (తాళం : )

ప|| నెలత చక్కదనమే నిండు బండారము నీకు | గలిగె గనకలక్ష్మీ కాంతుడవైతివి ||

చ|| పడతి నెమ్మోమునకు బంగారు కళలుదేరీ | వెడలే సెలవి నవ్వే వెండిగనులు |
అడియాలమగు మోవినదె పగడపుదీగె | నిడువాలుదనమే నీలముల రాశి ||

చ|| తరుణి పాదపు గోళ్ళు తళుకుల వజ్రములు | పరగు జేతిగోళ్ళె పద్మరాగాలు |
అంది కన్నుల తేటలాణి ముత్తెపు సరులు | సరి బచ్చల కొండలు చనుమొనలు ||

చ|| చెలితేనె మాటలు జిగి బుష్యరాగాలు | వలపు తెరసిగ్గులు వైడూర్యాలు |
తొలకు ననురాగాలే దొడ్డ గోమేధికాలు | కలసితీకెను శ్రీవేంకటేశు కౌగిటను ||

nelata cakkadanamE (Raagam: ) (Taalam: )

pa|| nelata cakkadanamE niMDu baMDAramu nIku | galige ganakalakShmI kAMtuDavaitivi ||

ca|| paDati nemmOmunaku baMgAru kaLaludErI | veDalE selavi navvE veMDiganulu |
aDiyAlamagu mOvinade pagaDapudIge | niDuvAludanamE nIlamula rASi ||

ca|| taruNi pAdapu gOLLu taLukula vajramulu | paragu jEtigOLLe padmarAgAlu |
aMdi kannula tETalANi muttepu sarulu | sari baccala koMDalu canumonalu ||

ca|| celitEne mATalu jigi buShyarAgAlu | valapu terasiggulu vaiDUryAlu |
tolaku nanurAgAlE doDDa gOmEdhikAlu | kalasitIkenu SrIvEMkaTESu kaugiTanu ||

Read More

nelamUDu SOBanAlu - నెలమూడు శోభనాలు

నెలమూడు శోభనాలు (రాగం: ) (తాళం : )

ప|| నెలమూడు శోభనాలు నీకు నతనికిదగు | కలకాలమును నిచ్చకల్యాణమమ్మా ||

చ|| రామనామమతనిది రామవు నీవైతేను | చామన వర్ణమతడు చామవు నీవు |
వామనుడందురతని వామనయనవు నీవు | ప్రేమపుమీ యిద్దరికి పేరుబలమొకటే ||

చ|| హరి పేరాతనికి హరిణేక్షణవు నీవు | కరిగాచెదాను నీవు కరియానవు |
సరి జలధిశాయి జలధికన్యవు నీవు | బెరసి మీయిద్దరికి బేరుబలమొకటే ||

చ|| జలజ నాభుడతడు జలజముఖివి నీవు | అలమేలుమంగవు నిన్నెలమెదాను |
ఇలలో శ్రీవేంకటేశుడిటు నిన్నురానమోచె | పిలిచి పేరుచెప్పెబేరుబలమొకటే ||

nelamUDu SOBanAlu (Raagam: ) (Taalam: )

pa|| nelamUDu SOBanAlu nIku natanikidagu | kalakAlamunu niccakalyANamammA ||

ca|| rAmanAmamatanidi rAmavu nIvaitEnu | cAmana varNamataDu cAmavu nIvu |
vAmanuDaMduratani vAmanayanavu nIvu | prEmapumI yiddariki pErubalamokaTE ||

ca|| hari pErAtaniki hariNEkShaNavu nIvu | karigAcedAnu nIvu kariyAnavu |
sari jaladhiSAyi jaladhikanyavu nIvu | berasi mIyiddariki bErubalamokaTE ||

ca|| jalaja nABuDataDu jalajamuKivi nIvu | alamElumaMgavu ninnelamedAnu |
ilalO SrIvEMkaTESuDiTu ninnurAnamOce | pilici pEruceppebErubalamokaTE ||

Read More

nIyaMtaTivArevvaru nIku - నీయంతటివారెవ్వరు నీకు

నీయంతటివారెవ్వరు నీకు (రాగం: ) (తాళం : )

ప|| నీయంతటివారెవ్వరు నీకు నెదురేది యెందు | చాయల నీసుద్ది విని శరణంటినేను ||

చ|| కావలెనంటే దొల్లి కంభము చించుకవెళ్ళి | కైవశమై ప్రహ్లాదు గావవా నీవు |
తేవలనంటె బ్రహ్మదేవునికి వేదములు | సోవల సముద్రమయిన చొచ్చి తేవానీవు ||

చ|| పట్టియెత్తవలెనంటే బాతాళాన బడ్డకొండ | తట్టియెత్తి పాలవెల్లి దచ్చవా నీవు |
మట్టుపెట్టవలె నంటే మరిభూమి చాపగాగ | చుట్టుకపోతే దెచ్చి సొంపుగ నిలుపవా ||

చ|| పక్షపామయ్యేనంటే బాండవుల గెలుపించి | యోక్షితి నేలించి చనవియ్యవా నీవు |
రక్షించేనంటే గాచరావ శ్రీవేంకటాద్రి బ్ర- | త్యక్షమై మావంటివారి దగ గరుణించవా ||

nIyaMtaTivArevvaru nIku (Raagam: ) (Taalam: )

pa|| nIyaMtaTivArevvaru nIku nedurEdi yeMdu | cAyala nIsuddi vini SaraNaMTinEnu ||

ca|| kAvalenaMTE dolli kaMBamu ciMcukaveLLi | kaivaSamai prahlAdu gAvavA nIvu |
tEvalanaMTe brahmadEvuniki vEdamulu | sOvala samudramayina cocci tEvAnIvu ||

ca|| paTTiyettavalenaMTE bAtALAna baDDakoMDa | taTTiyetti pAlavelli daccavA nIvu |
maTTupeTTavale naMTE mariBUmi cApagAga | cuTTukapOtE decci soMpuga nilupavA ||

ca|| pakShapAmayyEnaMTE bAMDavula gelupiMci | yOkShiti nEliMci canaviyyavA nIvu |
rakShiMcEnaMTE gAcarAva SrIvEMkaTAdri bra- | tyakShamai mAvaMTivAri daga garuNiMcavA ||

Read More