ప|| శోభనమే శోభనమే వై- | భవముల పావన మూర్తికి ||
చ|| అరుదుగ మును నరకాసురుడు | సిరులతో జెరలు దెచ్చిన సతుల |
పరువపు వయసుల బదారు వేలను | సొరిది బెండ్లాడిన సుముఖునికి ||
చ|| చెందిన వేడుక శిశుపాలుడు | అంది పెండ్లాడగ నవగళించి |
విందువలెనె తా విచ్చేసి రుకుమిణి | సందడి బెండ్లాడిన సరసునుకి ||
చ|| దేవదానవుల ధీరతను | దావతిపడి వార్థి దరుపగను |
శ్రీ వనితామణి జెలగి పెండ్లాడిన | శ్రీ వేంకటగిరి శ్రీనిధికి ||
pa|| SOBanamE SOBanamE vai- | Bavamula pAvana mUrtiki ||
ca|| aruduga munu narakAsuruDu | sirulatO jeralu deccina satula |
paruvapu vayasula badAru vElanu | soridi beMDlADina sumuKuniki ||
ca|| ceMdina vEDuka SiSupAluDu | aMdi peMDlADaga navagaLiMci |
viMduvalene tA viccEsi rukumiNi | saMdaDi beMDlADina sarasunuki ||
ca|| dEvadAnavula dhIratanu | dAvatipaDi vArthi darupaganu |
SrI vanitAmaNi jelagi peMDlADina | SrI vEMkaTagiri SrInidhiki ||
