అదె చూడరయ్య పెద్ద హనుమంతుని
గుదిగొని దేవతలు కొనియాడేరయ్య
ఉదయాస్తశైలములు ఒకజంగగా చాచె
అదివో ధృవమండల మందె శిరసు
చదివె సూర్యుని వెంట సారె మొగము ద్రిప్పుచు
ఎదుట ఈతని మహిమ యేమని చెప్పేమయ్య ||
దండిగా బ్రహ్మాండము దాక తోకమీదికెత్తె
మెండగు దిక్కుల నిండా మేను వెంచెను
గుండు గూడ రాకాసుల కొట్టగ చేతుల చాచె
అండ ఈతని ప్రతాప మరుదరుదయ్యా ||
దిక్కులు పిక్కటిల్ల్లగ దేహరోమములు పెంచె
పక్కన లోకములకు ప్రాణమై నిల్చె
ఇక్కడా శ్రీవెంకటేశు హితవరి బంటాయ
మిక్కిలి ఈతని లావు మేలు మేలయ్య ||
ade chUDarayya pedda hanumaMtuni
gudigoni dEVatalu koniyADErayya
udayAstaSailamulu okajaMgagA chAche
adivO dhRvamaMDala maMde Sirasu
chadive sUryuni veMTa sAre mogamu drippuchu
eduTa Itani mahima yEmani cheppEmayya ||
daMDigA brahmAMDamu dAka tOkamIdikette
meMDagu dikkula niMDA mEnu veMchenu
guMDu gUDa rAkAsula koTTaga chEtula chAche
aMDa Itani pratApa marudarudayyA ||
dikkulu pikkaTilllaga dEharOmamulu peMche
pakkana lOkamulaku prANamai nilche
ikkaDA SrIveMkaTESu hitavari baMTAya
mikkili Itani lAvu mElu mElayya ||
