అన్ని సింగారాలు నీకె అమరుగాక
యన్నిటా దేవతలు నిన్నిందుకే మెచ్చేరు ||
చందురుని వంటిమోము జలజాలే కన్నులట
యిందిర నీకే తగు నీకొత్తలు
గొంది నొకటొకటికి( గూడవందు రివి నీకు
పొందై పాలవెల్లి తోడబుట్లే కావా ||
ముక్కు సంపెంగవంటిది ముంగురులు తేంట్లట
ఇక్కువలు నీకే తగు నీ కొత్తలు
అక్కున వరలక్ష్మివి హరి వసంతమాధవు(
డెక్కడా మీ కిద్దరికి యెనయికే కాదా ||
ధర నడుము సింహము తగు గజగమనాలు
తిరమై శ్రీవేంకటేశుదేవి నీకే పో
నరసింహుడై యుండి కరిగాచినట్టివాని-
సురత మందితిగాన చుట్టమువేకావా ||
anni simgArAlu nIke amarugAka
yanniTA dEvatalu ninniMdukE mechchEru ||
chaMduruni vaMTimOmu jalajAlE kannulaTa
yiMdira nIkE tagu nIkottalu
goMdi nokaTokaTiki( gUDavaMdu rivi nIku
poMdai pAlavelli tODabuTlE kAvA ||
mukku saMpeMgavaMTidi muMgurulu tEMTlaTa
ikkuvalu nIkE tagu nI kottalu
akkuna varalakshmivi hari vasaMtamAdhavu(
DekkaDA mI kiddariki yenayikE kAdA ||
dhara naDumu siMhamu tagu gajagamanAlu
tiramai SrIvEMkaTESudEvi nIkE pO
narasiMhuDai yuMDi karigAchinaTTivAni-
surata maMditigAna chuTTamuvEkAvA ||
