eMtachuTTamO nIkunidivO - ఎంతచుట్టమో నీకునిదివో

ఎంతచుట్టమో నీకునిదివో (రాగం: ) (తాళం : )

ఎంతచుట్టమో నీకునిదివో ఆపె
సంతసపు వలపుల జడిసీ నాపె ||

తేనెగారే పెదవుల తేటమాటలాడీ నాపె
నానబెట్టి సెలవుల నవ్వీనాపె
సానబెట్టిన చూపులు జరిపించీ నీపైనానాపె
మోనముతో దొమ్ములను మొక్కినాపె ||

నిండుజెక్కుటద్దముల నీడలు చూపీనాపె
గండు దుమ్మిద కొప్పుతోగదిమీనాపె
కొండలవంటి చన్నులకొనలు దాకించీ నాపె
మెండుజిగురుచేతుల మెచ్చు మెచ్చీ నాపె ||

ఆయపు మెఋగు మేన ఆసలురేచీ నాపె
పాయపు సిగ్గులచేత భ్రమించీ నాపె
మోయరాని పిరుదుల మురిపెము చూసీనాపె
యీ యెడ శ్రీవేంకటేశ యెనసె నిన్నాపె ||

eMtachuTTamO nIkunidivO (Raagam: ) (Taalam: )

eMtachuTTamO nIkunidivO Ape
saMtasapu valapula jaDisI nApe ||

tEnegArE pedavula tETamATalADI nApe
nAnabeTTi selavula navvInApe
sAnabeTTina chUpulu jaripiMchI nIpainAnApe
mOnamutO dommulanu mokkinApe ||

niMDujekkuTaddamula nIDalu chUpInApe
gaMDu dummida kopputOgadimInApe
koMDalavaMTi channulakonalu dAkiMchI nApe
meMDujiguruchEtula mechchu mechchI nApe ||

Ayapu meRugu mEna AsalurEchI nApe
pAyapu siggulachEta bhramiMchI nApe
mOyarAni pirudula muripemu chUsInApe
yI yeDa SrIvEMkaTESa yenase ninnApe ||

eMta vanikOkAni - ఎంత వనికోకాని

ఎంత వనికోకాని (రాగం: ) (తాళం : )

ఎంత వనికోకాని యెఋగనేను
చెంతనే తెలుసుకో నేజెప్పితి నీ సుద్దులు ||

వదలే జారు దురుము వైపుగా ముడుచు కొంటా
కదలు గన్నుల చూపు కాడి పారగా
మదమువలెనే పెంజెమటలు చెక్కులగార
వెదకీ నెవ్వతో నిన్ను వీదుల వీదులను ||

అడచి చన్నులపై బయ్యద బిగిఇంచుకొంటా
కడలేని నిట్టూర్పులు కడుమగాను
తడబడ బెదవుల తమ్మబేంట్లు రాలగా
అడిగీ నీ వున్నచోటు అంగనల నెల్లాను ||

వుక్కుమీరి కరముల వొడిమీద బెట్టుకొని
మిక్కిలి నీ కాపెపొందు మీ దెత్తగా
ఇక్కడ శ్రీవేంకటేశ యిటు నన్ను గూడేవు
చొక్కుచు నీ మేడ దిక్కే చూచీ దానదివో ||

eMta vanikOkAni (Raagam: ) (Taalam: )

eMta vanikOkAni yeRuganEnu
cheMtanE telusukO nEjeppiti nI suddulu ||

vadalE jAru durumu vaipugA muDuchu koMTA
kadalu gannula chUpu kADi pAragA
madamuvalenE peMjemaTalu chekkulagAra
vedakI nevvatO ninnu vIdula vIdulanu ||

aDachi channulapai bayyada bigiiMchukoMTA
kaDalEni niTTUrpulu kaDumagAnu
taDabaDa bedavula tammabEMTlu rAlagA
aDigI nI vunnachOTu aMganala nellAnu ||

vukkumIri karamula voDimIda beTTukoni
mikkili nI kApepoMdu mI dettagA
ikkaDa SrIvEMkaTESa yiTu nannu gUDEvu
chokkuchu nI mEDa dikkE chUchI dAnadivO ||

eMta lEdu cittamA - ఎంత లేదు చిత్తమా

ఎంత లేదు (రాగం: ) (తాళం : )

ప|| ఎంత లేదు చిత్తమా యీతలేల మోతలేల | వంతులకు బారనేల వగరించనేలా ||

చ|| దక్కనివి గోరనేల తట్టుముట్టు పడనేల | చిక్కి నంతకే సంతసించ రాదా |
ఒక్కమాటే వుప్పుదిని వుపదాప మందనేల | చక్క జూడ దగినంతే చవి గొనరాదా ||

చ|| పారి పారి వేడ నేల బడలిక పడనేల | మీరిదైన మిచ్చినంతే మెచ్చరాదా |
వీరిడై పొడవెక్కి విరుగ బడగనేల | చేరి యుండినంతకే చేచాచరాదా ||

చ|| జీవులుగొలువనేల సిలుగుల బడనేల | శ్రీవేంకటేశుడాత్మ జిక్కి వుండగా |
దావతి పడగనేల దప్పుల బొరలనేల | కైవశమైనందుకే గతి గూడ రాదా ||

eMta lEdu (Raagam: ) (Taalam: )

pa|| eMta lEdu cittamA yItalEla mOtalEla | vaMtulaku bAranEla vagariMcanElA ||

ca|| dakkanivi gOranEla taTTumuTTu paDanEla | cikki naMtakE saMtasiMca rAdA |
okkamATE vuppudini vupadApa maMdanEla | cakka jUDa daginaMtE cavi gonarAdA ||

ca|| pAri pAri vEDa nEla baDalika paDanEla | mIridaina miccinaMtE meccarAdA |
vIriDai poDavekki viruga baDaganEla | cEri yuMDinaMtakE cEcAcarAdA ||

ca|| jIvulugoluvanEla silugula baDanEla | SrIvEMkaTESuDAtma jikki vuMDagA |
dAvati paDaganEla dappula boralanEla | kaivaSamainaMdukE gati gUDa rAdA ||

eMta mIdu kaTTenO - ఎంత మీదు కట్టెనో

ఎంత మీదు (రాగం: ) (తాళం : )

ప|| ఎంత మీదు కట్టెనో యింతి నీకు జవ్వనము | కాంతుడవేమి సేసితో కానుకలంపె చెలి ||

చ|| నిద్దరించవలసినా నీ కౌగిటనే కాని | వొద్ద నిన్ను బాసి వొంటినొల్లదు చెలి |
కొద్దిగా మాటాడినాను కోరి నీతోనే కాని | ముద్దరించి పరులతో మోసమే చెలి ||

చ|| ఆరగించవలసినా అటు నీ పొత్తునగాని | వూరకే వేరెయైతే నొల్లదు చెలి |
సారె విడెమిచ్చినాను సగమాకు నీకియ్యక | చేరి వేరే తమ్ములము చేయదు చెలి ||

చ|| కొమ్మ పయ్యద గప్పినా గూడ నీతోగాని | వుమ్మడి దనంతనైతే నొల్లదు చెలి |
యిమ్ముల శ్రీ వేంకటేశ యింతలో గూడితిగాని | బమ్మర వెట్టినా నీకు బాయదు చెలి ||

eMta mIdu (Raagam: ) (Taalam: )

pa|| eMta mIdu kaTTenO yiMti nIku javvanamu | kAMtuDavEmi sEsitO kAnukalaMpe celi ||

ca|| niddariMcavalasinA nI kaugiTanE kAni | vodda ninnu bAsi voMTinolladu celi |
koddigA mATADinAnu kOri nItOnE kAni | muddariMci parulatO mOsamE celi ||

ca|| AragiMcavalasinA aTu nI pottunagAni | vUrakE vEreyaitE nolladu celi |
sAre viDemiccinAnu sagamAku nIkiyyaka | cEri vErE tammulamu cEyadu celi ||

ca|| komma payyada gappinA gUDa nItOgAni | vummaDi danaMtanaitE nolladu celi |
yimmula SrI vEMkaTESa yiMtalO gUDitigAni | bammara veTTinA nIku bAyadu celi ||

eMta mAnumanna - ఎంత మానుమన్న

ఎంత మానుమన్న (రాగం: ) (తాళం : )

ప|| ఎంత మానుమన్న జింతలేల మానునే | పంతపుమనసు హరిపై నుంటేగాక ||

చ|| తీరనిబంధాలు నేడే తెగుమంటే నేలతెగు | భారపుమమత బెడబాసినగాక |
వూరటగా మమత నేనొల్లనంటే నేలమాను | వోరుపుతో లంపటము లొల్లకుంటేగాక

చ|| వేకపుగోపము నేడే విడుమంటే నేలవిడు | తోకచిచ్చయినయాస దుంచినగాక |
ఆకట నానేలమాను అన్నిటాను యిందరికి | మాకుపడి తత్తరము మరచుంటేగాక ||

చ|| పెట్టనిది దైవమిట్టే పెట్టుమంటె నేలపెట్టు | యిట్టే వేంకటపతి యిచ్చినగాక |
యిట్టునిట్టు నీతడు దానిందరికి నేలయిచ్చు | వొట్టినవిరక్తి నేమీ నొల్లకుంటేగాక ||

eMta mAnumanna (Raagam: ) (Taalam: )

pa|| eMta mAnumanna jiMtalEla mAnunE | paMtapumanasu haripai nuMTEgAka ||

ca|| tIranibaMdhAlu nEDE tegumaMTE nElategu | BArapumamata beDabAsinagAka |
vUraTagA mamata nEnollanaMTE nElamAnu | vOruputO laMpaTamu lollakuMTEgAka

ca|| vEkapugOpamu nEDE viDumaMTE nElaviDu | tOkaciccayinayAsa duMcinagAka |
AkaTa nAnElamAnu anniTAnu yiMdariki | mAkupaDi tattaramu maracuMTEgAka ||

ca|| peTTanidi daivamiTTE peTTumaMTe nElapeTTu | yiTTE vEMkaTapati yiccinagAka |
yiTTuniTTu nItaDu dAniMdariki nElayiccu | voTTinavirakti nEmI nollakuMTEgAka ||

eMta BaktavatsaluDa - ఎంత భక్తవత్సలుడ

ఎంత భక్తవత్సలుడ (రాగం: ) (తాళం : )

ప|| ఎంత భక్తవత్సలుడ విట్టుండవలదా | వింతలు నీసుద్దులెల్లా వినబోతే నిట్టివే ||

చ|| యిల నసురారియనేయీబిరుదు చెల్లె నీకు | బలివిభీషణాదులపాలికే చెల్లదు |
కెలసి అవులే నీవు గెలుతు వెందరినైనా | తలచి చూడ నీదాసుల కోడుదువు ||

చ|| ఇందరపాలిటికిని యీశ్వరుడ వేలికవు | పందవై యర్జునుబండిబంట వైతివి |
వందనకు నౌలే దేవతలకే దొరవు | అందపునీదాసులకు నన్నిటా దాసుడవు ||

చ|| కడుపులో లోకముకన్నతండ్రి విన్నిటాను | కొడుకవు దేవకికి గోరినంతనే |
తడవితే వేదములు తగిలేబ్రహ్మమవు | విడువనిమాకైతే శ్రీవేంకటాద్రిపతివి ||

eMta BaktavatsaluDa (Raagam: ) (Taalam: )

pa|| eMta BaktavatsaluDa viTTuMDavaladA | viMtalu nIsuddulellA vinabOtE niTTivE ||

ca|| yila nasurAriyanEyIbirudu celle nIku | baliviBIShaNAdulapAlikE celladu |
kelasi avulE nIvu gelutu veMdarinainA | talaci cUDa nIdAsula kODuduvu ||

ca|| iMdarapAliTikini yISvaruDa vElikavu | paMdavai yarjunubaMDibaMTa vaitivi |
vaMdanaku naulE dEvatalakE doravu | aMdapunIdAsulaku nanniTA dAsuDavu ||

ca|| kaDupulO lOkamukannataMDri vinniTAnu | koDukavu dEvakiki gOrinaMtanE |
taDavitE vEdamulu tagilEbrahmamavu | viDuvanimAkaitE SrIvEMkaTAdripativi ||

eMta bOdhiMci yEmisEsina - ఎంత బోధించి యేమిసేసిన

ఎంత బోధించి (రాగం: ) (తాళం : )

ప|| ఎంత బోధించి యేమిసేసిన దన- | దొంతికర్మములు తొలగీనీ ||

చ|| సతతదురాచారజడునకు బుణ్యసం- | గతి దలపోసిన గలిగీనా |
అతిపాపకర్మబోధకుడై వెలయుదుష్టు | మతి దలపోసిన మరి కలిగీనా ||

చ|| బహుజీవహింసాపరుడైనవానికి | యిహపరములు దైవ మిచ్చీనీ ||
విహితకర్మములువిడిచినవానికి | సహజాచారము జరిగీనా ||

చ|| దేవదూషకుడై తిరిగేటివానికి | దేవతాంతరము దెలిసీనా |
శ్రీవేంకటేశ్వరు జింతింపకుండిన | పావనమతియై బ్రతికీనా ||

eMta bOdhiMci (Raagam: ) (Taalam: )

pa|| eMta bOdhiMci yEmisEsina dana- | doMtikarmamulu tolagInI ||

ca|| satatadurAcArajaDunaku buNyasaM- | gati dalapOsina galigInA |
atipApakarmabOdhakuDai velayuduShTu | mati dalapOsina mari kaligInA ||

ca|| bahujIvahiMsAparuDainavAniki | yihaparamulu daiva miccInI ||
vihitakarmamuluviDicinavAniki | sahajAcAramu jarigInA ||

ca|| dEvadUShakuDai tirigETivAniki | dEvatAMtaramu delisInA |
SrIvEMkaTESvaru jiMtiMpakuMDina | pAvanamatiyai bratikInA ||