eRuka galugunA - ఎఱుక గలుగునా

ఎఱుక గలుగునా (రాగం: ) (తాళం : )

ప|| ఎఱుక గలుగునా డెఱుగడటా | మఱచినమేనితొ మరి యెఱిగీనా ||

చ|| పటువైభవముల బరగేటినాడె | తటుకున శ్రీహరి దలచడటా |
కుటిలదేహియై కుత్తిక బ్రాణము | తటతటనదరగ దలచీనా ||

చ|| ఆలుబిడ్డలతో మహాసుఖ మందుచు | తాలిమితో హరి దలచడటా |
వాలినకాలునివసమైనప్పుడు | దాళి వేడగా దలచీనా ||

చ|| కొఱతలేని తేకువ దానుండేటి- | తఱి వేంకటపతి దలచడటా |
మరులు దేహియై మఱచివున్నయడ | తఱచుటూరుపుల దలచీనా ||

eRuka galugunA (Raagam: ) (Taalam: )

pa|| eRuka galugunA DerxugaDaTA | maRacinamEnito mari yeRigInA ||

ca|| paTuvaiBavamula baragETinADe | taTukuna SrIhari dalacaDaTA |
kuTiladEhiyai kuttika brANamu | taTataTanadaraga dalacInA ||

ca|| AlubiDDalatO mahAsuKa maMducu | tAlimitO hari dalacaDaTA |
vAlinakAlunivasamainappuDu | dALi vEDagA dalacInA ||

ca|| koRatalEni tEkuva dAnuMDETi- | taRi vEMkaTapati dalacaDaTA |
marulu dEhiyai maRacivunnayaDa | taRacuTUrupula dalacInA ||

eRuguduriMdaru neRigIneRugaru - ఎఱుగుదురిందరు నెఱిగీనెఱుగరు

ఎఱుగుదురిందరు నెఱిగీనెఱుగరు (రాగం: ) (తాళం : )

ప|| ఎఱుగుదురిందరు నెఱిగీనెఱుగరు | హరి దానే నిజపరమాతుమని ||

చ|| నలినాసనుడెఱుగు నారదుడెఱుగు | కొలది శివుడెఱుగు గుహుడెఱుగు |
యిల గపిలుడెఱుగు నింతా మనువెఱుగు | తలప విష్ణుడే పరతత్త్వమని ||

చ|| బెరసి ప్రహ్లాదుడు భీష్ముడు జనకుడు | గురుతుగ బలియు శుకుడు గాలుడు |
వరుస నెఱుగుదురు వడి రహస్యముగ | హరి యితడే పరమాత్ముడని ||

చ|| తెలియదగిన దిది తెలియరాని దిది | తెలిసినాను మది దెలియ దిది |
యిల నిందరు దెలిసిరిదే పరమమని | కలవెల్ల దెలిపె వేంకటరాయడు ||

eRuguduriMdaru neRigIneRugaru (Raagam: ) (Taalam: )

pa|| eRuguduriMdaru neRigIneRugaru | hari dAnE nijaparamAtumani ||

ca|| nalinAsanuDeRugu nAraduDeRugu | koladi SivuDeRugu guhuDeRugu |
yila gapiluDeRugu niMtA manuveRugu | talapa viShNuDE paratattvamani ||

ca|| berasi prahlAduDu BIShmuDu janakuDu | gurutuga baliyu SukuDu gAluDu |
varusa neRuguduru vaDi rahasyamuga | hari yitaDE paramAtmuDani ||

ca|| teliyadagina didi teliyarAni didi | telisinAnu madi deliya didi |
yila niMdaru delisiridE paramamani | kalavella delipe vEMkaTarAyaDu ||

eRuganaiti niMdAkA - ఎఱుగనైతి నిందాకా

ఎఱుగనైతి నిందాకా (రాగం: ) (తాళం : )

ప|| ఎఱుగనైతి నిందాకా నేటిదో యంటానుంటి | నెఱి దొరలనాడీని నేనే మందు నికను ||

చ|| కొండలలో నెలకొన్న కోన చెన్నరాయడిదే | బొండు మల్లెల వేసెనేపూచి నన్నును |
పండుముత్తేల సొమ్ములప్పటి నామెడ బెట్టి | దుండగము సేసె నేమందు నేనికను ||

చ|| గొప్పయైన యేటిదరి గోన చెన్నరాయడిదే | దప్పికి గప్పురదుంపె దరుణి చేత |
చెప్పరాని మాటలెల్ల జెవిలో దానే చెప్పి | దుప్పటి గప్పీ నేమందు నికను ||

చ|| గుఱితో శ్రీ వేంకటాద్రి కోన చెన్నరాయడిదే | చెరుగు పట్టి ప్రియురాలు చెప్పికూడెను |
జఱయుచు వచ్చి వచ్చి చనవు లెల్లా నొసగి | మెఱసి తొరల నాడి మఱే మందు నికను ||

eRuganaiti niMdAkA (Raagam: ) (Taalam: )

pa|| eRuganaiti niMdAkA nETidO yaMTAnuMTi | neRi doralanADIni nEnE maMdu nikanu ||

ca|| koMDalalO nelakonna kOna cennarAyaDidE | boMDu mallela vEsenEpUci nannunu |
paMDumuttEla sommulappaTi nAmeDa beTTi | duMDagamu sEse nEmaMdu nEnikanu ||

ca|| goppayaina yETidari gOna cennarAyaDidE | dappiki gappuraduMpe daruNi cEta |
cepparAni mATalella jevilO dAnE ceppi | duppaTi gappI nEmaMdu nikanu ||

ca|| guRitO SrI vEMkaTAdri kOna cennarAyaDidE | cerugu paTTi priyurAlu ceppikUDenu |
jaRayucu vacci vacci canavu lellA nosagi | meRasi torala nADi marxE maMdu nikanu ||

eDamapuriveTTe - ఎడమపురివెట్ట

ఎడమపురివెట్ట (రాగం: ) (తాళం : )

ప|| ఎడమపురివెట్టె పరహితవివేకము, లోన | గుడుసువడె జదువు, మెరుగులవారె జలము ||

చ|| లంపు మేయగదొణగె లలితంపుమతి లోనె, | తెంపు దిగవిడిచె యెడతెగనిమానంబు, |
చంప దొరకొనియె వేసటలేనితమకంబు, | యింపు ఘనమాయ నె నికనేమి సేతు ||

చ|| బయలువందిలివెట్టె పనిలేనిలంపటము, | దయ విడువదొడగె చిత్తములోనికాంక్ష, |
పయికొన్న మోహంబు పడనిపాట్ల బరచె, | లయమాయ శాంతి మెల్లనె తీరె నెరుక ||

చ|| చావుబుట్టువు మఱచె సంసారబంధంబు, | దైవమును విడిచెనే తరికంపుబ్రియము |
శ్రీవేంకటేశ్వరుడు చిత్తరంజకుడు యిక | గావలసినది యతనికరుణ ప్రాణులకు ||

eDamapuriveTTe (Raagam: ) (Taalam: )

pa|| eDamapuriveTTe parahitavivEkamu, lOna | guDusuvaDe jaduvu, merugulavAre jalamu ||

ca|| laMpu mEyagadoNage lalitaMpumati lOne, | teMpu digaviDice yeDateganimAnaMbu, |
caMpa dorakoniye vEsaTalEnitamakaMbu, | yiMpu GanamAya ne nikanEmi sEtu ||

ca|| bayaluvaMdiliveTTe panilEnilaMpaTamu, | daya viDuvadoDage cittamulOnikAMkSha, |
payikonna mOhaMbu paDanipATla barace, | layamAya SAMti mellane tIre neruka ||

ca|| cAvubuTTuvu marxace saMsArabaMdhaMbu, | daivamunu viDicenE tarikaMpubriyamu |
SrIvEMkaTESvaruDu cittaraMjakuDu yika | gAvalasinadi yatanikaruNa prANulaku ||

eccOTikEgina yeppuDU - ఎచ్చోటికేగిన యెప్పుడూ

ఎచ్చోటికేగిన యెప్పుడూ (రాగం: ) (తాళం : )

ప|| ఎచ్చోటికేగిన యెప్పుడూ దమలోని- | మచ్చిక పెనుదెవులు మానకపోయె ||

చ|| పాయపు సతుల గుబ్బల పెదపొట్లాల | కాయము వడి నొత్తి కాచగాను |
రాయిడిచే ఘనమాయగాని లోని- | మాయపు పెనుదెవులు మానకపోయె ||

చ|| అతివల మోహపుటధరామృతములు | యితవుగ నోరి కందియ్యగను |
అతిమోహమే ఘనమాయగాని లోని- | మతకరి పెనుదెవులు మానకపోయె ||

చ|| తరుణుల మేనిమెత్తని పరపులమీద | నిరవుగ నిటు సుఖియించగను |
తిరువేంకటాచలాధీశు కృపచేగాని | మరుచేతి పెనుదెవులు మానకపోయ ||

eccOTikEgina yeppuDU (Raagam: ) (Taalam: )

pa|| eccOTikEgina yeppuDU damalOni- | maccika penudevulu mAnakapOye ||

ca|| pAyapu satula gubbala pedapoTlAla | kAyamu vaDi notti kAcagAnu |
rAyiDicE GanamAyagAni lOni- | mAyapu penudevulu mAnakapOye ||

ca|| ativala mOhapuTadharAmRutamulu | yitavuga nOri kaMdiyyaganu |
atimOhamE GanamAyagAni lOni- | matakari penudevulu mAnakapOye ||

ca|| taruNula mEnimettani parapulamIda | niravuga niTu suKiyiMcaganu |
tiruvEMkaTAcalAdhISu kRupacEgAni | marucEti penudevulu mAnakapOya ||

evvaru lErU - ఎవ్వరు లేరూ

ఎవ్వరు లేరూ (రాగం: ) (తాళం : )

ప|| ఎవ్వరు లేరూ హితవుచెప్పగ వట్టీ- | నొవ్వుల బడి నేము నొగిలేమయ్యా ||

చ|| అడవి బడినవాడు వెడల జోటులేక | తొడరి కంపలకిందు దూరినట్లు |
నడుమ దురిత కాననములతరి బడి | వెడలలేక నేము విసిగేమయ్యా ||

చ|| తెవులువడినవాడు తినబోయి మధురము | చవిగాక పులుసులు చవిగోరినట్లు |
భవరోగముల బడి పరమామృతము నోర | జవిగాక భవములు చవులాయనయ్యా ||

చ|| తనవారి విడిచి యితరమైనవారి- | వెనక దిరిగి తావెర్రైనట్లు |
అనయము తిరువేంకటాధీశు గొల్వక | మనసులోనివాని మరచేమయ్యా ||

evvaru lErU (Raagam: ) (Taalam: )

pa|| evvaru lErU hitavuceppaga vaTTI- | novvula baDi nEmu nogilEmayyA ||

ca|| aDavi baDinavADu veDala jOTulEka | toDari kaMpalakiMdu dUrinaTlu |
naDuma durita kAnanamulatari baDi | veDalalEka nEmu visigEmayyA ||

ca|| tevuluvaDinavADu tinabOyi madhuramu | cavigAka pulusulu cavigOrinaTlu |
BavarOgamula baDi paramAmRutamu nOra | javigAka Bavamulu cavulAyanayyA ||

ca|| tanavAri viDici yitaramainavAri- | venaka dirigi tAverrainaTlu |
anayamu tiruvEMkaTAdhISu golvaka | manasulOnivAni maracEmayyA ||

evvarivADO yeRugarAdu - ఎవ్వరివాడో యెఱుగరాదు

ఎవ్వరివాడో యెఱుగరాదు (రాగం: ) (తాళం : )

ప|| ఎవ్వరివాడో యెఱుగరాదు | అవ్వలివ్వలిజీవు డాటలో పతిమే ||

చ|| ధర జనించకతొలుత తను గానరాదు | మరణమందినవెనుక మఱి కానరాదు |
వురువడిదేహముతో నుందినయన్నాళ్ళే | మరలుజీవునిబదుకు మాయవో చూడ |

చ|| యిహములో భోగించు నిందు గొన్నాళ్ళు | మహిమ పరలోకమున మలయు గొన్నాళ్ళు |
తహతహల గర్మబంధముల దగిలినయపుడే | అహహ దేహికి బడుచులాటవో బదుకు ||

చ|| సంతానరూపమై సాగు ముందరికి | కొంత వెనకటిఫలము గుడువ దా దిరుగు |
యింతటికి శ్రీవేంకటేశు డంతర్యామి | అంతి నితనిగన్నబదుకువో బదుకు ||

evvarivADO yeRugarAdu (Raagam: ) (Taalam: )

pa|| evvarivADO yeRugarAdu | avvalivvalijIvu DATalO patimE ||

ca|| dhara janiMcakatoluta tanu gAnarAdu | maraNamaMdinavenuka marxi kAnarAdu |
vuruvaDidEhamutO nuMdinayannALLE | maralujIvunibaduku mAyavO cUDa |

ca|| yihamulO BOgiMcu niMdu gonnALLu | mahima paralOkamuna malayu gonnALLu |
tahatahala garmabaMdhamula dagilinayapuDE | ahaha dEhiki baDuculATavO baduku ||

ca|| saMtAnarUpamai sAgu muMdariki | koMta venakaTiPalamu guDuva dA dirugu |
yiMtaTiki SrIvEMkaTESu DaMtaryAmi | aMti nitanigannabadukuvO baduku ||