Cheri kolvaro yitadu - చేరి కొల్వరో యీతడు

Cheri kolvaro yitadu - చేరి కొల్వరో యీతడు | Annamayya Lyrics | Sankeertanalu | Songs | Telugu & English

Listen Audio by G BALAKRISHNA PRASAD:

చేరి కొల్వరో (రాగం:శ్రీరాగం ) (తాళం : )

చేరి కొల్వరో యీతడు శ్రీదేవుడు
యీ రీతి శ్రీ వెంకటాద్రి నిరవైన దేవుడు

అలమేలుమంగ నురమందిడుకొన్న దేవుడు
చెలగి శంఖ చక్రాల చేతి దేవుడు
కల వరద హస్తము గటి హస్తపు దేవుడు
మలసీ శ్రీ వత్స వనమాలికల దేవుడు

ఘన మకర కుండల కర్ణముల దేవుడు
కనక పీతాంబర శృంగార దేవుడు
ననిచి బ్రహ్మాదుల నాభి గన్న దేవుడు
జనించె బాదాల గంగ సంగతైన దేవుడు

కోటి మన్మథాకార సంకులమైన దేవుడు
జూటపు గిరీటపు మించుల దేవుడు
వాటపు సొమ్ముల తోడి వసుధాపతి దేవుడు
యీటులేని శ్రీవేంకటేశుడైన దేవుడు

Chaeri kolvaro (Raagam:sreeraagam ) (Taalam: )

Chaeri kolvaro yeetadu sreedaevudu
Yee reeti Sree vemkataadri niravaina daevudu

Alamaelumamga nuramamdidukonna daevudu
Chelagi samkha chakraala chaeti daevudu
Kala varada hastamu gati hastapu daevudu
Malasee Sree vatsa vanamaalikala daevudu

Ghana makara kumdala karnamula daevudu
Kanaka peetaambara srmgaara daevudu
Nanichi brahmaadula naabhi ganna daevudu
Janimche baadaala gamga samgataina daevudu

Koti manmathaakaara samkulamaina daevudu
Jootapu gireetapu mimchula daevudu
Vaatapu sommula todi vasudhaapati daevudu
Yeetulaeni sreevaemkataesudaina daevudu

Chaekonuvaariki - చేకొనువారికి చేరువిదే

చేకొనువారికి చేరువిదే (రాగం:శుద్దవసంతం ) (తాళం : )

చేకొనువారికి చేరువిదే పైకొనిజీవులభాగ్యమిదే
యేకడ జూచిన యితరము లేదు.

తలపులోన నంతర్యామిదివో
తెలిసిచూచితే ద్రిష్టంబు
చలమున దనమతి సందేహించిన కలగి మూడులోకంబుల లేడు

వెస గనుదెఱచిన విశ్వాత్మకు డిదె
దెపల నింతటా ద్రిష్టంబు
పసిగొని తను బాపములు భ్రమించిన
కసరి సృష్టి చీకటివడు నపుడే.

చేరి కొలిచితే శృఈవేంకటపతి
సారె బ్రతుకునకు శాసనము
పైరగుతనలో భక్తి వదలితే
కూరిమి తెరమఱగునకును మఱగు.

Chaekonuvaariki (Raagam:Suddavasamtam ) (Taalam: )

Chaekonuvaariki chaeruvidae paikonijeevulabhaagyamidae
Yaekada joochina yitaramu laedu.

Talapulona namtaryaamidivo
Telisichoochitae drishtambu
Chalamuna danamati samdaehimchina kalagi moodulokambula laedu

Vesa ganude~rachina visvaatmaku dide
Depala nimtataa drishtambu
Pasigoni tanu baapamulu bhramimchina
Kasari srshti cheekativadu napudae.

Chaeri kolichitae sreevaemkatapati
Saare bratukunaku saasanamu
Pairagutanalo bhakti vadalitae
Koorimi terama~ragunakunu ma~ragu.

ceppuDu mATalE - చెప్పుడు మాటల

చెప్పుడు మాటల (రాగం: ) (తాళం : )

ప|| చెప్పుడు మాటలే చెప్పుకొనుటగాక | చెప్పినట్ల దాము సేయరెవ్వరు ||

చ|| దొడ్డయిన శరీరదోషమైనయట్టి- | జడ్డు దొలగవేయజాల రెవ్వరును |
గడ్డబడి యీతకాండ్లౌటగాని | వొడ్డునడుమ నీద నోపరెవ్వరును ||

చ|| శ్రీవేంకటేశుపై జిత్తమర్పణసేసి | యీవిధులన్నియు నెడయ రెవ్వరును |
చావుబుట్టుగులేని జన్మముగల సర్వ- | దేవతామూర్తులై తిరుగ రెవ్వరును ||

ceppuDu mATalE (Raagam: ) (Taalam: )

pa|| ceppuDu mATalE ceppukonuTagAka | ceppinaTla dAmu sEyarevvaru ||

ca|| doDDayina SarIradOShamainayaTTi- | jaDDu dolagavEyajAla revvarunu |
gaDDabaDi yItakAMDlauTagAni | voDDunaDuma nIda nOparevvarunu ||

ca|| SrIvEMkaTESupai jittamarpaNasEsi | yIvidhulanniyu neDaya revvarunu |
cAvubuTTugulEni janmamugala sarva- | dEvatAmUrtulai tiruga revvarunu ||

ceppinaMtapani - చెప్పినంతపని

చెప్పినంతపని (రాగం: ) (తాళం : )

ప|| చెప్పినంతపని నేజేయగలవాడ నింతే | అప్పటి నపరాధమా ఆదరించవలదా ||

చ|| నీయాజ్ఞ దేహము నేమోచితి నింతే | యీయెడ విజ్ఞానమేల యియ్యవయ్యా |
వేయివేలై వేగుదాకా వెట్టిసేసి యలసితి | వొయ్యన కొంతైన వూరడించ వలదా ||

చ|| నీవుసేసే కర్మము నేజేయువాడ నింతే | యీవల నానాందసుఖ మియ్యవయ్యా |
కోవరమై వెంటవెంట గొలిచినబంట్లకు | తావుల గొంతవడైనా దప్పిదీర్చవలదా ||

చ|| మతిలో శ్రీవేంకటేశ మనికైనవాడ నింతే | తతి నాపాటుకు దయదలచవయ్యా |
యితవై పనిసేసేటి యింటిపసురమునకు | వెతదీర్చ బాలార్చి వెడ్డువెట్టదగదా ||

ceppinaMtapani (Raagam: ) (Taalam: )

pa|| ceppinaMtapani nEjEyagalavADa niMtE | appaTi naparAdhamA AdariMcavaladA ||

ca|| nIyAj~ja dEhamu nEmOciti niMtE | yIyeDa vij~jAnamEla yiyyavayyA |
vEyivElai vEgudAkA veTTisEsi yalasiti | voyyana koMtaina vUraDiMca valadA ||

ca|| nIvusEsE karmamu nEjEyuvADa niMtE | yIvala nAnAMdasuKa miyyavayyA |
kOvaramai veMTaveMTa golicinabaMTlaku | tAvula goMtavaDainA dappidIrcavaladA ||

ca|| matilO SrIvEMkaTESa manikainavADa niMtE | tati nApATuku dayadalacavayyA |
yitavai panisEsETi yiMTipasuramunaku | vetadIrca bAlArci veDDuveTTadagadA ||

celiyarO nIvE - చెలియరో నీవే కదే

చెలియరో నీవే కదే (రాగం: ) (తాళం : )

ప|| చెలియరో నీవే కదే సృష్టికర్తవు | నిలువున నీ మగడు మెచ్చె నమ్మా ||

చ|| బొమ్మల జంకించితేనే పొద్దు గుంకినట్లెను | కమ్మి నీవు నవ్వితేనే కాయు వెన్నెల |
సొమ్మల మోవి చూపితే చుక్కలు నిండుకొనును | నెమ్మది నీ రమణుడు నిను మెచ్చెనమ్మా ||

చ|| పొలితి నీవు చూచితే వొద్దు వొడుచు నప్పుడే | పొలయలుకల నెండ పొడచూపును |
తిలకించి నిలిచితేదిష్టమౌను లోకమెల్ల | నెలకొని నీ విభుడు నిన్ను మెచ్చెనమ్మా ||

చ|| ఎక్కువై నీవు గూడితే నిరు సంజలును దోచు | మొక్కిన నీతురుముకు మూగు మేఘాలు |
వొక్కటై నీ రతులను వోలార్చగా నేడు | నిక్కి శ్రీ వేంకటేశుడు నిన్ను మెచ్చెనమ్మా ||

celiyarO nIvE (Raagam: ) (Taalam: )

pa|| celiyarO nIvE kadE sRuShTikartavu | niluvuna nI magaDu mecce nammA ||

ca|| bommala jaMkiMcitEnE poddu guMkinaTlenu | kammi nIvu navvitEnE kAyu vennela |
sommala mOvi cUpitE cukkalu niMDukonunu | nemmadi nI ramaNuDu ninu meccenammA ||

ca|| politi nIvu cUcitE voddu voDucu nappuDE | polayalukala neMDa poDacUpunu |
tilakiMci nilicitEdiShTamaunu lOkamella | nelakoni nI viBuDu ninnu meccenammA ||

ca|| ekkuvai nIvu gUDitE niru saMjalunu dOcu | mokkina nIturumuku mUgu mEGAlu |
vokkaTai nI ratulanu vOlArcagA nEDu | nikki SrI vEMkaTESuDu ninnu meccenammA ||

cheli mammu - చెలి మమ్ము

చెలి మమ్ము (రాగం: ) (తాళం : )

చెలి మమ్ము జెప్పమని సిగ్గుతోడదానున్నధి
తలకొని యాకెతో మంతనమాడవయ్యా ||

కన్నుల చూపులనే కాంత నీ కారతులెత్తీ
మన్నించి రావయ్యాలోని మల్లసాలకు
చన్నులనే నిమ్మపంద్లు సారెకుగానుకలిచ్చీ
చెన్నుగా నందుకొందువు చేయిచాచవయ్యా ||

పచ్చిచిగురాకు మొవిబళ్ళెము నీకుబెట్టీ
ఇచ్చ విందారగింతువు ఇయ్యకోవయ్యా
ముచ్చటగరకమలముల నిన్నుబూజించీ
కొచ్చి కాగిటిలోన జేకొనగదవయ్యా ||

మొలకనవ్వులనే ముత్యాలసేనవెట్టీ
లలినాపె మొము చూచి లాలించవయ్యా
అలమేలుమంగ పతివైన శ్రీ వేంకటేశ్వర
కలసితివీకె నిట్టె కరుణించవయ్యా ||

cheli mammu (Raagam: ) (Taalam: )

cheli mammu jeppamani siggutODadAnunnadhi
talakoni yAketO maMtanamADavayyA ||

kannula chUpulanE kAMta nI kAratulettI
manniMchi rAvayyAlOni mallasAlaku
channulanE nimmapaMdlu sArekugAnukalichchI
chennugA naMdukoMduvu chEyichAchavayyA ||

pachchichigurAku movibaLLemu nIkubeTTI
ichcha viMdAragiMtuvu iyyakOvayyA
muchchaTagarakamalamula ninnubUjiMchI
kochchi kAgiTilOna jEkonagadavayyA ||

molakanavvulanE mutyAlasEnaveTTI
lalinApe momu chUchi lAliMchavayyA
alamElumaMga pativaina SrI vEMkaTESvara
kalasitivIke niTTe karuNiMchavayyA ||

celi nEDu tA - చెలి నేడు తా

చెలి నేడు తా (రాగం: ) (తాళం : )

ప|| చెలి నేడు తా నేమి సేయునమ్మ ||
అప|| చెలియేమి సేయు నీచెలు లేమి సేయుదురు | చెలువైన విభునిమేనిచెలు వింత సేయగా ||

చ|| సతి నేడు బంగారుచవికెలో జిత్రంపు | గతులెంత చూపిన గడకంట జూడదు |
ఆతనిజూచిన మంచియబ్బురపు జూపులు | ఆతనివెంటనే పోయ నటుగాబోలు ||

చ|| తేనియలూరేటి మంచితియ్యని మాటలు మంత్ర- | గానములుగా వినుపించి కడువేసరితిమి |
వానిమాటలు విన్నవలనై నముదమున | వీనులు ముద్రించినవిధముగాబోలును ||

చ|| నిచ్చళపుమోమున నెయ్యము దయలువారె | బచ్చనచేతలు గుబ్బలిపై నిండనొప్పెను |
అచ్చపువేడుక వేంకటాద్రీశు డీరేయి | నెచ్చలికి నిచ్చినట్టినేరుపు గాబోలును ||

celi nEDu tA (Raagam: ) (Taalam: )

pa|| celi nEDu tA nEmi sEyunamma ||
apa|| celiyEmi sEyu nIcelu lEmi sEyuduru | celuvaina viBunimEnicelu viMta sEyagA ||

ca|| sati nEDu baMgArucavikelO jitraMpu | gatuleMta cUpina gaDakaMTa jUDadu |
AtanijUcina maMciyabburapu jUpulu | AtaniveMTanE pOya naTugAbOlu ||

ca|| tEniyalUrETi maMcitiyyani mATalu maMtra- | gAnamulugA vinupiMci kaDuvEsaritimi |
vAnimATalu vinnavalanai namudamuna | vInulu mudriMcinavidhamugAbOlunu ||

ca|| niccaLapumOmuna neyyamu dayaluvAre | baccanacEtalu gubbalipai niMDanoppenu |
accapuvEDuka vEMkaTAdrISu DIrEyi | neccaliki niccinaTTinErupu gAbOlunu ||