ekkaDanunnA nItaDu - ఎక్కడనున్నా నీతడు

ఎక్కడనున్నా నీతడు (రాగం: ) (తాళం : )

ప|| ఎక్కడనున్నా నీతడు | దిక్కులు మాదెస దిరిగీగాక ||

చ|| సరసుడు చతురుడు జగదేకగురుడు | పరమాత్ము డఖిలబంధువుడు |
హరి లోకోత్తరు డతడే నామతి | సిరితో బాయక చెలగీగాక ||

చ|| ఉన్నతోన్నతు డుజ్జ్వలు డధికుడు | పన్నగశయనుడు భవహరుడు |
యిన్నిటగలిగిన యిందిరరమణుడు | మన్ననతో మము మనిపీగాక ||

చ|| మమతల నలమేల్మంగకు సంతత- | రమణుడు వేంకటరాయడు |
జమళిసంపదల సరసవిభవముల | తమకంబున మము దనిపీగాక ||

ekkaDanunnA nItaDu (Raagam: ) (Taalam: )

pa|| ekkaDanunnA nItaDu | dikkulu mAdesa dirigIgAka ||

ca|| sarasuDu caturuDu jagadEkaguruDu | paramAtmu DaKilabaMdhuvuDu |
hari lOkOttaru DataDE nAmati | siritO bAyaka celagIgAka ||

ca|| unnatOnnatu Dujjvalu DadhikuDu | pannagaSayanuDu BavaharuDu |
yinniTagaligina yiMdiraramaNuDu | mannanatO mamu manipIgAka ||

ca|| mamatala nalamElmaMgaku saMtata- | ramaNuDu vEMkaTarAyaDu |
jamaLisaMpadala sarasaviBavamula | tamakaMbuna mamu danipIgAka ||

Ekkada nunnaaro suralevvaru - ఎక్కడ నున్నారో సురలెవ్వరు

ఎక్కడ నున్నారో (రాగం:ఆహిరి ) (తాళం : )

ఎక్కడ నున్నారో సురలెవ్వరు భూమికి దిక్కో
తొక్కులవడె జీవుడు దుండగీలచేతను.

ఆసలనియెడివెర్రి యంగడివెంటా దిప్పె
దోసిలొగ్గించె దైన్యము దొరలెదుట
యీసుల నాకటి వెఇషమేమైనా దినిపించె
గాసిబడె జీవుడిదె కన్న వారిచేతను.

కడు గోపపు భూతము కాయమెల్లా మఱపించె
వడి నజ్ఞానపుటేరు వరతగొట్టె
నడుమ బాపపుచొక్కు నరకపుగుంటదోసె
గడుసాయ జీవుడిదె కన్న వారిచేతను.

భవము సంసారపుబందెలదొడ్డి బెట్టించె
తగిలింద్రియపుతాళ్ళు దామెన గట్టె
యివల శ్రీ వేంకటేశు డింతలో దిక్కయి కాచె
కవడువాసె జీవుడు కన్న వారిచేతను.

Ekkada nunnaaro (Raagam:Aahiri ) (Taalam: )

Ekkada nunnaaro suralevvaru bhoomiki dikko
Tokkulavade jeevudu dumdageelachaetanu.

Aasalaniyediverri yamgadivemtaa dippe
Dosiloggimche dainyamu doraleduta
Yeesula naakati veishamaemainaa dinipimche
Gaasibade jeevudide kanna vaarichaetanu.

Kadu gopapu bhootamu kaayamellaa ma~rapimche
Vadi naj~naanaputaeru varatagotte
Naduma baapapuchokku narakapugumtadose
Gadusaaya jeevudide kanna vaarichaetanu.

Bhavamu samsaarapubamdeladoddi bettimche
Tagilimdriyaputaallu daamena gatte
Yivala sree vaemkataesu dimtalo dikkayi kaache
Kavaduvaase jeevudu kanna vaarichaetanu.

ekkaDa cocceDi dIBavamEdiyu - ఎక్కడ చొచ్చెడి దీభవమేదియు

ఎక్కడ చొచ్చెడి (రాగం: ) (తాళం : )

ప|| ఎక్కడ చొచ్చెడి దీభవమేదియు గడపల గానము | వుక్కున బరితాపాల మూదల మండెడి ||

చ|| హృదయవికారము మాన్పగ నేతెరగును సమకూడదు | మదనానందము చెరుపగ మందేమియు లేదు |
పొదలినదేహగుణంబుల బోనడువగ గతి గానము | బ్రదికించినకోరికెలకు బ్రాయము దిరిగినది ||

చ|| కమలినయజ్ఞానం బిది కన్నులముందర గానదు | తిమిరము పొదిగొని చూడ్కికి దెరువేమియు లేదు |
తెమలనియాశాపాశము తెంపగ సత్వము చాలదు | మమకారము వెడలింపగ మతి యెప్పుడు లేదు ||

చ|| దురితంబులు పుణ్యంబులు తొడిబడ నాత్మను బెనగొని | జరగగ శరీరధారికి సత్కర్మము లేదు |
తిరువేంకటగిరిపతియగు దేవశిఖామణిపాదము | శరణని బ్రదుకుటదప్పను సన్మార్గము లేదు ||

ekkaDa cocceDi (Raagam: ) (Taalam: )

pa|| ekkaDa cocceDi dIBavamEdiyu gaDapala gAnamu | vukkuna baritApAla mUdala maMDeDi ||

ca|| hRudayavikAramu mAnpaga nEteragunu samakUDadu | madanAnaMdamu cerupaga maMdEmiyu lEdu |
podalinadEhaguNaMbula bOnaDuvaga gati gAnamu | bradikiMcinakOrikelaku brAyamu diriginadi ||

ca|| kamalinayaj~jAnaM bidi kannulamuMdara gAnadu | timiramu podigoni cUDkiki deruvEmiyu lEdu |
temalaniyASApASamu teMpaga satvamu cAladu | mamakAramu veDaliMpaga mati yeppuDu lEdu ||

ca|| duritaMbulu puNyaMbulu toDibaDa nAtmanu benagoni | jaragaga SarIradhAriki satkarmamu lEdu |
tiruvEMkaTagiripatiyagu dEvaSiKAmaNipAdamu | SaraNani bradukuTadappanu sanmArgamu lEdu ||

Ekkada choochina - ఎక్కడ చూచిన

ఎక్కడ చూచిన (రాగం:దేపాళం ) (తాళం : )

ఎక్కడ చూచిన వీరే యింటింటిముంగిటను
పెక్కుచేతలు సేసేరు పిలువరే బాలుల

పిన్నవాడు కృష్ణుడు పెద్దవాడు రాముడు
వన్నె నిద్ద రమడలవలె నున్నారు
వెన్నలు దొంగిలుదురు వీడు వాడు నొక్కటే
పన్నుగడై వచ్చినారు పట్టరే యీబాలుల||ఎక్క||

నల్లనివాడు కృష్ణుడు తెల్లనివాడు రాముడు
అల్లదివో జోడుకోడెలై వున్నారు
వెల్లవిరై (?) తిరిగేరు వేరు లేదిద్దరికిని
పెల్లుగ యశోదవద్ద బెట్టరె యీబాలుల

రోల జిక్కె నొకడు రోకలి పట్టె నొకడు
పోలిక సరిబేనికి బొంచి వున్నారు
మేలిమి శ్రీవేంకటాద్రి మించిరి తానే తానై
ఆలించి నెవ్వరి నేమి ననకురే బాలుల

Ekkada choochina (Raagam:Daepaalam ) (Taalam: )

Ekkada choochina veerae yimtimtimumgitanu
Pekkuchaetalu saesaeru piluvarae baalula

Pinnavaadu krshnudu peddavaadu raamudu
Vanne nidda ramadalavale nunnaaru
Vennalu domgiluduru veedu vaadu nokkatae
Pannugadai vachchinaaru pattarae yeebaalula||Ekka||

Nallanivaadu krshnudu tellanivaadu raamudu
Alladivo jodukodelai vunnaaru
Vellavirai (?) Tirigaeru vaeru laediddarikini
Pelluga yasodavadda bettare yeebaalula

Rola jikke nokadu rokali patte nokadu
Polika saribaeniki bomchi vunnaaru
Maelimi sreevaemkataadri mimchiri taanae taanai
Aalimchi nevvari naemi nanakurae baalula

ekkagA rAgA rAgA - ఎక్కగా రాగా రాగా

ఎక్కగా రాగా (రాగం: ) (తాళం : )

ప|| ఎక్కగా రాగా రాగా యిందాకా దగులు | యిక్కువ శ్రీహరిమాయ నింకనెంతో తగులు ||

చ|| తెగనికర్మమునకు దేహము తగులు | తగినదేహమునకు తరుణితో తగులు |
సొగిసి యీరెంటికి సుతు లొక్కతగులు | అగడాయ గనకము అన్నిటితో తగులు ||

చ|| యింతటిసంసారికి యిల్లొక్కతగులు | బంతికి నందు గలిగె పాడిపంట తగులు |
చెంత నీలంపటానకు క్షేత్రము తగులు | సంతగూడేదాసదాసీజనులెల్లా ద్గులు ||

చ|| మొదల జీవుడొక్కడే మోపులాయ దగులు | వదలనిబంధములు వడ్డివారె దగులు |
వుదుటిహము బరము నొక్కయందె తగులు | అదె శ్రీవేంకటపతి యంతరాత్మ తగులు ||

ekkagA rAgA (Raagam: ) (Taalam: )

pa|| ekkagA rAgA rAgA yiMdAkA dagulu | yikkuva SrIharimAya niMkaneMtO tagulu ||

ca|| teganikarmamunaku dEhamu tagulu | taginadEhamunaku taruNitO tagulu |
sogisi yIreMTiki sutu lokkatagulu | agaDAya ganakamu anniTitO tagulu ||

ca|| yiMtaTisaMsAriki yillokkatagulu | baMtiki naMdu galige pADipaMTa tagulu |
ceMta nIlaMpaTAnaku kShEtramu tagulu | saMtagUDEdAsadAsIjanulellA dgulu ||

ca|| modala jIvuDokkaDE mOpulAya dagulu | vadalanibaMdhamulu vaDDivAre dagulu |
vuduTihamu baramu nokkayaMde tagulu | ade SrIvEMkaTapati yaMtarAtma tagulu ||

eMdu boDamitimO - ఎందు బొడమితిమో

ఎందు బొడమితిమో (రాగం: ) (తాళం : )

ప|| ఎందు బొడమితిమో యెఱుగము మా- | కందువ శ్రీహరికరుణేకాక ||

చ|| ఏటిజన్మమో యెఱగము పర- | మేటిదో నే మెఱగము |
గాటపుకమలజు గాచినయీ- | నాటకుడే మానమ్మినవిభుడు ||

చ|| యెవ్వారు వేల్పులో యెఱుగము సుర- | లెవ్వరో నే మెఱుగము |
రవ్వగుశ్రీ సతిరమణుడు మా- | కవ్వనజోదరు డంతరియామి ||

చ|| యింకానేటిదో యెఱగము యీ- | యంకెలబాముల నలయము |
జంకెల దనుజుల జదిపినతిరు- | వేంకటేశుడు మావిడువనివిభుడు ||

eMdu boDamitimO (Raagam: ) (Taalam: )

pa|| eMdu boDamitimO yerxugamu mA- | kaMduva SrIharikaruNEkAka ||

ca|| ETijanmamO yerxagamu para- | mETidO nE merxagamu |
gATapukamalaju gAcinayI- | nATakuDE mAnamminaviBuDu ||

ca|| yevvAru vElpulO yerxugamu sura- | levvarO nE merxugamu |
ravvaguSrI satiramaNuDu mA- | kavvanajOdaru DaMtariyAmi ||

ca|| yiMkAnETidO yerxagamu yI- | yaMkelabAmula nalayamu |
jaMkela danujula jadipinatiru- | vEMkaTESuDu mAviDuvaniviBuDu ||

eMdu nIku briyamO - ఎందు నీకు బ్రియమో

ఎందు నీకు (రాగం: ) (తాళం : )

ప|| ఎందు నీకు బ్రియమో యీతెప్పతిరునాళ్ళు | బిందువడె సిరులతో తెప్పతిరునాళ్ళు ||

చ|| పాలజలధిలో బవ్వళించి పాముతెప్ప | దేలుచున్న దది దెప్పతిరునాళ్ళు |
వోలి నేకోదకమై వొక్కమఱ్ఱియాకుమీద | తేలుచున్న దది తెప్పతిరునాళ్ళు ||

చ|| అమృతము దచ్చువాడు అంబుధిలో మందరము | తెమల దేలించుతెప్పతిరునాళ్ళు |
యమునలో కాళింగుసంగపుపడిగెమీద | తిమిరి తొక్కిన తెప్ప తిరునాళ్ళు ||

చ|| అప్పుడు పదారువేలు అంగనలచెమటల | తెప్పల దేలిన తెప్పతిరునాళ్ళు |
వొప్పుగ శ్రీవేంకటాద్రి నున్నతి గోనేటిలోన | తెప్పిరిల్లె నేటనేట తెప్పతిరునాళ్ళు ||

eMdu nIku (Raagam: ) (Taalam: )

pa|| eMdu nIku briyamO yIteppatirunALLu | biMduvaDe sirulatO teppatirunALLu ||

ca|| pAlajaladhilO bavvaLiMci pAmuteppa | dElucunna dadi deppatirunALLu |
vOli nEkOdakamai vokkamarxrxiyAkumIda | tElucunna dadi teppatirunALLu ||

ca|| amRutamu daccuvADu aMbudhilO maMdaramu | temala dEliMcuteppatirunALLu |
yamunalO kALiMgusaMgapupaDigemIda | timiri tokkina teppa tirunALLu ||

ca|| appuDu padAruvElu aMganalacemaTala | teppala dElina teppatirunALLu |
voppuga SrIvEMkaTAdri nunnati gOnETilOna | teppirille nETanETa teppatirunALLu ||