nImahattvaMbu lOniki - నీమహత్త్వంబు లోనికి

నీమహత్త్వంబు లోనికి (రాగం: ) (తాళం : )

ప|| నీమహత్త్వంబు లోనికి వెలుపలికి గప్పి | కామింప నిట్టిదని కానారా దటుగాన ||

చ|| నిండి యిన్నిటిలోన నీవు గలవని భ్రాంతి- | నుండుదువుగాని నీ వొకటియును గావు |
దండిగలగిరి ప్రతిధ్వని దోచుగాని యది | కొండలోపల లేదు కొండయును గాదు ||

చ|| బలసి యిన్నిటిలోపలను జైతన్యమై | మెలగుదువుగాని యేమిట నీవు లేవు |
పలుదెరగులైన దర్పణమునం దొకనీడ | వొలయుగాకందు దలపోయ నదిలేదు ||

చ|| వుడుగకన్నిటిలోన నుండుటయు లేదు నీ- | వుడివోయి యందుండకుండుటయు లేదు |
చెడనితేజముగాన శ్రీవేంకటేశ నీ- | పొడవు పరిపూర్ణమై పొలుపొందు ||

nImahattvaMbu lOniki (Raagam: ) (Taalam: )

nImahattvaMbu lOniki
pa|| nImahattvaMbu lOniki velupaliki gappi | kAmiMpa niTTidani kAnArA daTugAna ||

ca|| niMDi yinniTilOna nIvu galavani BrAMti- | nuMDuduvugAni nI vokaTiyunu gAvu |
daMDigalagiri pratidhvani dOcugAni yadi | koMDalOpala lEdu koMDayunu gAdu ||

ca|| balasi yinniTilOpalanu jaitanyamai | melaguduvugAni yEmiTa nIvu lEvu |
paluderagulaina darpaNamunaM dokanIDa | volayugAkaMdu dalapOya nadilEdu ||

ca|| vuDugakanniTilOna nuMDuTayu lEdu nI- | vuDivOyi yaMduMDakuMDuTayu lEdu |
ceDanitEjamugAna SrIvEMkaTESa nI- | poDavu paripUrNamai polupoMdu ||

niMDu manasE - నిండు మనసే

నిండు మనసే (రాగం: ) (తాళం : )

నిండు మనసే నీపూజ
అండగోరకుండుటదియు నీపూజ

యిందు హరిగలడందు లేడనేటి
నిందకు బాయుటే నీపూజ
కొందరు చుట్టాలు కొందరు పగనే
అందదుకు మానుటదియే నీపూజ

తిట్టులు గొన్నని దీవెనె గొంతని
నెటుకోనిదే నీపూజ
పెట్టిన బంగారు పెంకును నినుమును
అట్టే సరియనుటదియు నీపూజ

సర్వము నీవని స్వతంత్రముడిగి
నిర్వహించుటే నీపూజ
పర్వి శ్రీవేంకటపతి నీ దాసుల
పూర్వమనియెడి బుద్ధి నీపూజ

niMDu manasE (Raagam: ) (Taalam: )

niMDu manasE nIpUja
aMDagOrakuMDuTadiyu nIpUja

yiMdu harigalaDaMdu lEDanETi
niMdaku bAyuTE nIpUja
koMdaru chuTTAlu koMdaru paganE
aMdaduku mAnuTadiyE nIpUja

tiTTulu gonnani dIvene goMtani
neTukOnidE nIpUja
peTTina baMgAru peMkunu ninumunu
aTTE sariyanuTadiyu nIpUja

sarwamu nIvani swataMtramuDigi
nirwahiMchuTE nIpUja
parvi SrIvEMkaTapati nI dAsula
pUrvamaniyeDi buddhi nIpUja

niMdalEni pativide - నిందలేని పతివిద

నిందలేని పతివిద (రాగం: ) (తాళం : )

ప|| నిందలేని పతివిదె నీవు నాసొమ్ము | కందువ సొమ్ముల మీద గలిగెను సొమ్ము ||

చ|| సూటిగా నీవు చూచేటి చూపు నాసొమ్ము | పాటించి నీవు పలికే పలుకు నాసొమ్ము |
కూటమి రతుల కొనగోరు నాసొమ్మును | యీటున నీమేని సొమ్ము లిఛ్ఛెవు నాకు ||

చ|| చవిగా నాడే నీ సరసము నాసొమ్ము | జవకట్టక యిచ్చే నీచనువు నాసొమ్ము |
నవకమైన నీ నవ్వు నాసొమ్ము | యివల నింకా సొమ్ములిచ్చేవు నాకు ||

చ|| కింకలేని దిది నీకౌగిలి నాసొమ్ము | లంకెలైన నీమతి వలపు నాసొమ్ము |
అంకెల శ్రీ వేంకటేశ అట్టె నన్నుగూడితివి | యింకా సొమ్ములిచ్చేవు యెన్నియైన నీవు ||

niMdalEni pativide (Raagam: ) (Taalam: )

pa|| niMdalEni pativide nIvu nAsommu | kaMduva sommula mIda galigenu sommu ||

ca|| sUTigA nIvu cUcETi cUpu nAsommu | pATiMci nIvu palikE paluku nAsommu |
kUTami ratula konagOru nAsommunu | yITuna nImEni sommu liCCevu nAku ||

ca|| cavigA nADE nI sarasamu nAsommu | javakaTTaka yiccE nIcanuvu nAsommu |
navakamaina nI navvu nAsommu | yivala niMkA sommuliccEvu nAku ||

ca|| kiMkalEni didi nIkaugili nAsommu | laMkelaina nImati valapu nAsommu |
aMkela SrI vEMkaTESa aTTe nannugUDitivi | yiMkA sommuliccEvu yenniyaina nIvu ||

ninnubAsinayaTlu nelataku - నిన్నుబాసినయట్లు నెలతకు

నిన్నుబాసినయట్లు నెలతకు (రాగం: ) (తాళం : )

ప|| నిన్నుబాసినయట్లు నెలతకు వియోగదశ | లెన్నడును దోప విదియేమోకాని ||

చ|| నిను దలచి లలితాంగి నీరూపమాత్మలో | గని నీవు సవి బయలు కౌగలించినది |
తనర నాకాశ తత్త్వము నీమహాత్త్వమని | వనిత యెవ్వరి చేత వినెనో కాని ||

చ|| నిను బొగడి నీరూపు కనుదోయి కెదురైన | తనివిదీరక బయలు తగ జూడ దొడగె |
మునుకొన్న సర్వతోముఖుడ వనగా నిన్ను | వెనకకే భావమున వినెనోకాని ||

చ|| తలపునను వాక్కునను తలప దలపగ నీవు | కలసి యాకమలాక్షి గౌగలించితివి |
తెలిసితిమి వేంకటాధిపతి నీ విన్నింట | గలవనెడి మాట నిక్కంబులో కాని ||

ninnubAsinayaTlu nelataku (Raagam: ) (Taalam: )

pa|| ninnubAsinayaTlu nelataku viyOgadaSa | lennaDunu dOpa vidiyEmOkAni ||

ca|| ninu dalaci lalitAMgi nIrUpamAtmalO | gani nIvu savi bayalu kaugaliMcinadi |
tanara nAkASa tattvamu nImahAttvamani | vanita yevvari cEta vinenO kAni ||

ca|| ninu bogaDi nIrUpu kanudOyi keduraina | tanividIraka bayalu taga jUDa doDage |
munukonna sarvatOmuKuDa vanagA ninnu | venakakE BAvamuna vinenOkAni ||

ca|| talapunanu vAkkunanu talapa dalapaga nIvu | kalasi yAkamalAkShi gaugaliMcitivi |
telisitimi vEMkaTAdhipati nI vinniMTa | galavaneDi mATa nikkaMbulO kAni ||

ninnudalaci nIpEru - నిన్నుదలచి నీపేరు

నిన్నుదలచి నీపేరు (రాగం: ) (తాళం : )

ప|| నిన్నుదలచి నీపేరు దలచి | నన్ను కరుణించితే నెన్నికగాక ||

చ|| అధికుని గాచుటేమరుదు నన్ను- | నధముని గాచుట యరుదుగాక నీకు |
మధురమౌ టేమరుదు మధురమూ, చేదు | మధురమౌటే మహిలో నరుదుగాక ||

చ|| అనఘుని గరుణింప నరుదుగాదు నీకు | ఘనపాపుని నన్ను గాచు టరుదుగాక |
కనకము గనకము గానేల, యినుము | కనకమవుటే కడు నరుదుగాక ||

చ|| నెలకొన్న భీతితో నిన్ను జెనకితిగాక | తలకొన్న సుఖినైన దలచనేల నిన్ను |
యెలమితో దిరువేంగళేశుడ నాపాల | గలిగి నీకృప గలుగజేతువుగాక ||

ninnudalaci nIpEru (Raagam: ) (Taalam: )

pa|| ninnudalaci nIpEru dalaci | nannu karuNiMcitE nennikagAka ||

ca|| adhikuni gAcuTEmarudu nannu- | nadhamuni gAcuTa yarudugAka nIku |
madhuramau TEmarudu madhuramU, cEdu | madhuramauTE mahilO narudugAka ||

ca|| anaGuni garuNiMpa narudugAdu nIku | GanapApuni nannu gAcu TarudugAka |
kanakamu ganakamu gAnEla, yinumu | kanakamavuTE kaDu narudugAka ||

ca|| nelakonna BItitO ninnu jenakitigAka | talakonna suKinaina dalacanEla ninnu |
yelamitO diruvEMgaLESuDa nApAla | galigi nIkRupa galugajEtuvugAka ||

E ninnu dUraka - ఏ నిన్ను దూరక

ఏ నిన్ను దూరక (రాగం: ) (తాళం : )

ప|| ఏ నిన్ను దూరక నెవ్వరి దూరుదు నీ- | వాని నన్నొకయింత వదలక నను నేలవలదా ||

చ|| అపరాధిగనక నన్నరసి కావుమని | అపరిమితపు భయమంది నీకు శరణంటిగాక |
నెపములేక నన్ను నీకు గావగనేల | అపవర్గరూప దయాంబుధి తిరువేంకటాధిపా ||

చ|| ఘనపాపిగనక నీకరుణ గోరి నీ- | వనవరతము నాయాతును విహరించమంటిగాక |
యెనసి నన్ను గాచుటేమి యరుదు నీకు- | ననఘుడ పరమతత్త్వానంద తిరువేంకటాధిప ||

E ninnu dUraka (Raagam: ) (Taalam: )

pa|| E ninnu dUraka nevvari dUrudu nI- | vAni nannokayiMta vadalaka nanu nElavaladA ||

ca|| aparAdhiganaka nannarasi kAvumani | aparimitapu BayamaMdi nIku SaraNaMTigAka |
nepamulEka nannu nIku gAvaganEla | apavargarUpa dayAMbudhi tiruvEMkaTAdhipA ||

ca|| GanapApiganaka nIkaruNa gOri nI- | vanavaratamu nAyAtunu vihariMcamaMTigAka |
yenasi nannu gAcuTEmi yarudu nIku- | nanaGuDa paramatattvAnaMda tiruvEMkaTAdhipa ||

nikkiMcI garNamulu - నిక్కించీ గర్ణములు

నిక్కించీ గర్ణములు (రాగం: ) (తాళం : )

ప|| నిక్కించీ గర్ణములు మానిసిమెకము | నిక్కపుగరుణతో మానిసిమెకము ||

చ|| కొండ తనకు గద్దెగా గోరి కూచుండిన దదే | నిండురాజసమున మానిసిమెకము |
గండుమీరి దానవునికండలు చెక్కుచు నూర్పు | నిండించీ నాకసము మానిసిమెకము ||

చ|| కరములువేయింటా గైకొని యాయుధములు | నిరతి జళిపించీ మానిసిమెకము |
సురలను నసురల జూచిచూచి మెచ్చిమెచ్చి | నెరపీని నవ్వులు మానిసిమెకము ||

చ|| యెక్కించి తొడమీద నిందిరతో మేలమాడీ | నిక్కపుగాగిటను మానిసిమెకము |
అక్కడ శ్రీవేంకటాద్రి నహోబలమునందు | నెక్కొని మమ్మేలెను మానిసిమెకము ||

nikkiMcI garNamulu (Raagam: ) (Taalam: )

pa|| nikkiMcI garNamulu mAnisimekamu | nikkapugaruNatO mAnisimekamu ||

ca|| koMDa tanaku gaddegA gOri kUcuMDina dadE | niMDurAjasamuna mAnisimekamu |
gaMDumIri dAnavunikaMDalu cekkucu nUrpu | niMDiMcI nAkasamu mAnisimekamu ||

ca|| karamuluvEyiMTA gaikoni yAyudhamulu | nirati jaLipiMcI mAnisimekamu |
suralanu nasurala jUcicUci meccimecci | nerapIni navvulu mAnisimekamu ||

ca|| yekkiMci toDamIda niMdiratO mElamADI | nikkapugAgiTanu mAnisimekamu |
akkaDa SrIvEMkaTAdri nahObalamunaMdu | nekkoni mammElenu mAnisimekamu ||