AsamIda visupaudAka - ఆసమీద విసుపౌదాక

ప|| ఆసమీద విసుపౌదాక యీ- | గాసిబరచుతన కపటమే సుఖము ||

చ|| తిరమగుగర్మము దెగుదాక తన- | గరిమసుఖము పొగడునందాక |

పరమార్గం బగపడుదాక తన- | పరితాపపులంపటమే సుఖము ||

చ|| కాయము గడపల గనుదాక యీ- | మాయ దన్ను వెడమరచుదాక |

రాయడిమదము గరగుదాక యీ- | రోయదగిన తనరూపమే సుఖము ||

చ|| అంకెలబొరలి నలగుదాక యీ- | యంకెలభవము లెరవౌదాక |

వేంకటపతి దడవినదాక యీ- | కింకుర్వాణపు గెలుపే సుఖము ||

pa|| AsamIda visupaudAka yI- | gAsibaracutana kapaTamE suKamu ||

ca|| tiramagugarmamu degudAka tana- | garimasuKamu pogaDunaMdAka |

paramArgaM bagapaDudAka tana- | paritApapulaMpaTamE suKamu ||

ca|| kAyamu gaDapala ganudAka yI- | mAya dannu veDamaracudAka |

rAyaDimadamu garagudAka yI- | rOyadagina tanarUpamE suKamu ||

ca|| aMkelaborali nalagudAka yI- | yaMkelaBavamu leravaudAka |

vEMkaTapati daDavinadAka yI- | kiMkurvANapu gelupE suKamu ||

Read More

Aliki maganiki - ఆలికి మగనికి

ప|| ఆలికి మగనికి నాఱడేటికి | కాలిమితోడ లోలో తనివందరాదా ||

చ|| దొంతిబెట్ట వలపులు తోరపుబూజగుండలా | పంతాలు సంగడి బార బండికండ్లా |

యింతేసి మీ రిద్దరును యేటికి బెచ్చు రేగేరు | యెంతకెంత సేసేరు యెనసివుండరాదా ||

చ|| మమతలు పేరబెట్ట మందలపాలా యేమి | తమకము తలదూచ తాసు చిప్పలా |

జమళి నిద్దరూనెంత సరులకు బెనగేరు | తిముర నేటికి మీలో దిండుపడరాదా ||

చ|| సరిబేసి మాటలాడ జంట జాజాలా యివి | సిరులతో బెనగగ జెట్టిసాదనా |

గరిమె శ్రీ వేంకటేశ కాంతా నీవు గూడితిరి | గరువాలేటికి నింకా గలయగ రాదా ||

pa|| Aliki maganiki nArxaDETiki | kAlimitODa lOlO tanivaMdarAdA ||

ca|| doMtibeTTa valapulu tOrapubUjaguMDalA | paMtAlu saMgaDi bAra baMDikaMDlA |

yiMtEsi mI riddarunu yETiki beccu rEgEru | yeMtakeMta sEsEru yenasivuMDarAdA ||

ca|| mamatalu pErabeTTa maMdalapAlA yEmi | tamakamu taladUca tAsu cippalA |

jamaLi niddarUneMta sarulaku benagEru | timura nETiki mIlO diMDupaDarAdA ||

ca|| saribEsi mATalADa jaMTa jAjAlA yivi | sirulatO benagaga jeTTisAdanA |

garime SrI vEMkaTESa kAMtA nIvu gUDitiri | garuvAlETiki niMkA galayaga rAdA ||

Read More

Aalimchu paalimchu - ఆలించు పాలించు

ఆలించు పాలించు ఆదిమ పురుషా జాలిదీర నీకే శరణుజొచ్చితిమి ॥

గతినీవె మతినీవె కర్తవుభర్తవు నీవె పతివినీవె ఏ పట్టున మాకు ఇతరము లెవ్వరున్నారెంచిచూడ నినుబోల చతురుడా నిన్నునే శరణు జొచ్చితిమి॥

జననీ జనకులు శరణము నీవె వునికి మనికి నీవె వుపమ నీవె మనిసిచ్చె నీవె నన్ను మన్నించుకొంటేనె చనవి మనవి నీకే శరణుజొచ్చితిమి॥

లోక సాక్షివి నీవె లోకబంధుడు నీవె ఈకడ శ్రీవేంకటేశ యిదివో నీవె నీ కంటె మరిలేరు నిఖిలమంతయు గావ సాకారరూప నీకె శరణు జొచ్చితిమి॥

Aalimchu paalimchu aadima purushaa Jaalideera neeke saranujochchitimi

Gatineeve matineeve kartavubhartavu neeve Pativineeve e pattuna maaku Itaramu levvarunnaaremchichooda ninubola Chaturudaa ninnune saranu jochchitimi

Jananee janakulu saranamu neeve Vuniki maniki neeve vupama neeve Manisichche neeve nannu mannimchukontene Chanavi manavi neeke saranujochchitimi

Loka saakshivi neeve lokabamdhudu neeve Eekada sreevenkatesa yidivo neeve Nee kamte marileru nikhilamamtayu gaava Saakaararoopa neeke saranu jochchitimi

Read More

AlAgu poMdulunu - ఆలాగు పొందులును

ప|| ఆలాగు పొందులును అటువంటికూటములు | ఈలాగులౌట నేడిదె చూడనైతి ||

చ|| అడియాస చూపులకు నాసగించితిగాని | వెడమాయలని లోను వెదకలేనైతి |

కడువేడుకల దగిలి గాసి పొందితిగాని | యెడలేని పరితాప మేరుగలేనైతి ||

చ|| చిరునగవుమాటలకు చిత్తగించితిగాని | తరితీపులని లోను తలపలేనైతి |

వరుస మోహపు బసలవలల చిక్కితిగాని | గరువంపు పొలయలుక గానలేనతి ||

చ|| శ్రీ వేంకటేశ్వరుని చింతజేసితిగాని | దేవోత్తమునిలాగు తెలియలేనైతి |

ఈ వైభవముపై నిచ్చగించితి గాని | యీ వైభవానంద మిది పొందనైతి ||

pa|| AlAgu poMdulunu aTuvaMTikUTamulu | IlAgulauTa nEDide cUDanaiti ||

ca|| aDiyAsa cUpulaku nAsagiMcitigAni | veDamAyalani lOnu vedakalEnaiti |

kaDuvEDukala dagili gAsi poMditigAni | yeDalEni paritApa mErugalEnaiti ||

ca|| cirunagavumATalaku cittagiMcitigAni | taritIpulani lOnu talapalEnaiti |

varusa mOhapu basalavalala cikkitigAni | garuvaMpu polayaluka gAnalEnati ||

ca|| SrI vEMkaTESvaruni ciMtajEsitigAni | dEvOttamunilAgu teliyalEnaiti |

I vaiBavamupai niccagiMciti gAni | yI vaiBavAnaMda midi poMdanaiti ||

Read More

Aaragimchi - ఆరగించి

ఆరగించి కూచున్నా డల్లవాడె చేరువనే చూడరె లక్ష్మీనారసింహుడు॥

ఇందిరను తొడమీద నిడుకొని కొలువిచ్చీ అందపు నవ్వులు చల్లీ నల్లవాడె చెందిన మాణికముల శేషుని పడగమీద చెంది వరాలిచ్చీ లక్ష్మీనారసింహుడు॥

బంగారు మేడలోన పచ్చల గద్దియల మీద అంగనల ఆట చూచీ నల్లవాడె రంగగు సొమ్ముల తోడ రాజసపు విభవాల చెంగట నున్నాడు లక్ష్మీనారసింగుడు॥

పెండెపు పాదము చాచిపెనచి ఒక పాదము అండనే పూజలుగొనీ నల్లవాడె కొండల శ్రీ వేంకటాద్రి కోరి అహోబలమున మెండుగాను మెరసీ లక్ష్మీ నారసింగుడు॥

Aaragimchi koochunnaa dallavaade Cheruvane choodare lakshmeenaarasimhudu

Imdiranu todameeda nidukoni koluvichchee Amdapu navvulu challee nallavaade Chemdina maanikamula Seshuni padagameeda Chemdi varaalichchee lakshmeenaarasimhudu

Bamgaaru medalona pachchala gaddiyala meeda Amganala aata choochee nallavaade Ramgagu sommula toda raajasapu vibhavaala Chemgata nunnaadu lakshmeenaarasimgudu

Pemdepu paadamu chaachipenachi oka paadamu Amdane poojalugonee nallavaade Komdala Sree venkataadri kori ahobalamuna Memdugaanu merasee lakshmee naarasimgudu

Read More

Aamusvatamtrulu gaaru - ఆముస్వతంత్రులు గారు

రాగం: సాళంగనాట

ఆముస్వతంత్రులు గారు 'దాసోహము' నన లేరు పామరపుదేహులకు పట్టరాదు గర్వము

పరగుబ్రహ్మాదులు బ్రహ్మమే తా మనలేరు హరికే మొరవెట్టేరు ఆపదైతేను ధరలో మనుజులింతే తామే దయివమనేరు పొరి దాము చచ్చిపుట్టే పొద్దెరగరు

పండినవ్యాసాదులు ప్రపంచము కల్లనరు కొండలుగా బురాణాల గొనియాడేరు అండనే తిరిపెములై అందరినడిగి తా_ ముందుండి లేదనుకొనే రొప్పదన్నా మానరు

సనకాదియోగులు శౌరిభక్తి సేసేరు దు_ ర్జనులు భక్తి వొల్లరు జ్ఞానులమంటా నినుపయి శ్రీవేంకటేశ నిను జేరి మొక్కుతానె అనిశము నిరాకారమనేరు యీద్రోహులు

Raagam:Saalamganaata

Aamusvatamtrulu gaaru 'daasohamu' nana leru Paamarapudehulaku pattaraadu garvamu

Paragubrahmaadulu brahmame taa manaleru Harike moravetteru aapadaitenu Dharalo manujulimte taame dayivamaneru Pori daamu chachchiputte podderagaru

Pamdinavyaasaadulu prapamchamu kallanaru Komdalugaa buraanaala goniyaaderu Amdane tiripemulai amdarinadigi taa_ Mumdumdi ledanukone roppadannaa maanaru

Sanakaadiyogulu Sauribhakti seseru du_ rjanulu bhakti vollaru gyanulamamtaa Ninupayi sreevenkatesa ninu jeri mokkutaane Anisamu niraakaaramaneru yeedrohulu

Read More

AmIdinijasuKa - ఆమీదినిజసుఖ

ప|| ఆమీదినిజసుఖ మరయలేము | పామరపుచాయలకే భ్రమసితిమయ్యా ||

చ|| మనసున బాలు దాగి మదియించివున్నయట్టు | ననిచి గిలిగింతకు నవ్వినయట్టు |

యెనసి సంసారసుఖ మిది నిజముసేసుక | తవివొంది యిందులోనే తడబడేమయ్యా ||

చ|| బొమ్మలాట నిజమంటా బూచి చూచి మెచ్చినట్టు | తెమ్మగా శివమాడి తా దేవరైనట్టు |

కిమ్ముల యీజన్మమందు కిందుమీదు నేఱక | పమ్మి భోగములనేతెప్పల దేలేమయ్యా ||

చ|| బాలులు యిసుకగుళ్ళు పస గట్టు కాడినట్టు | వీలి వెఱ్ఱివాడు గంతువేసినయట్టు |

మేలిమి శ్రీవేంకటేశ మిమ్ము గొలువక నేము | కాల మూరకే యిన్నాళ్ళు గడిపితిమయ్యా ||

pa|| AmIdinijasuKa marayalEmu | pAmarapucAyalakE BramasitimayyA ||

ca|| manasuna bAlu dAgi madiyiMcivunnayaTTu | nanici giligiMtaku navvinayaTTu |

yenasi saMsArasuKa midi nijamusEsuka | tavivoMdi yiMdulOnE taDabaDEmayyA ||

ca|| bommalATa nijamaMTA bUci cUci meccinaTTu | temmagA SivamADi tA dEvarainaTTu |

kimmula yIjanmamaMdu kiMdumIdu nErxaka | pammi BOgamulanEteppala dElEmayyA ||

ca|| bAlulu yisukaguLLu pasa gaTTu kADinaTTu | vIli verxrxivADu gaMtuvEsinayaTTu |

mElimi SrIvEMkaTESa mimmu goluvaka nEmu | kAla mUrakE yinnALLu gaDipitimayyA ||

Read More

Apannula pAli - ఆపన్నుల పాలి

ప|| ఆపన్నుల పాలి దైవమాతడే గతి తక్క | ఏ ప్రొద్దును భజియించక నితరుడు మరి కలడా ||

చ|| నిరుపాధిక నిజ బంధుడు నిరతిశయానందుడు | కరి వరదుడితడే కాక ఘనుడధికుడు కలడా ||

చ|| సంతత గుణ సంపన్నుడు సాధులకు బ్రసన్నుడు | అంతర్యామితడే కాక అధికుడు మరి కలడా||

చ|| పరమాత్ముడు పరమ పురుషుడు పరికింపగ గృపాలుడు | తిరువేంకట విభుడే కాక దేవుడు మరి కలడా ||

pa|| Apannula pAli daivamAtaDE gati takka | E proddunu bhajiyiMcaka nitaruDu mari kalaDA ||

ca|| nirupAdhika nija baMdhuDu niratiSayAnaMduDu | kari varaduDitaDE kAka GanuDadhikuDu kalaDA ||

ca|| saMtata guNa saMpannuDu sAdhulaku brasannuDu | aMtaryAmitaDE kAka adhikuDu mari kalaDA||

ca|| paramAtmuDu parama puruShuDu parikiMpaga gRupAluDu | tiruvEMkaTa vibhuDE kAka dEvuDu mari kalaDA ||

Read More

ApadbaMdhuDu hari - ఆపద్బంధుడు హరి

ప|| ఆపద్బంధుడు హరి మాకు గలడు | దూపిలి తలచినా దోషహరము ||

చ|| గరుడనినెక్కినఘనరేవంతుడు | గరుడకేతనముగలరథుడు |

గరుడడే తనకును గరియగుబాణము | గరిమె నీతడేపో ఘనగారుడము ||

చ|| పాముపరపై బండినసిద్ధుడు | పాముపాశములపరిహరము |

పామున నమృతముపడదచ్చినతడు | వేమరు నీతడే విషహరము ||

చ|| కమలాక్షు డీతడు కమలనాథుడును | కమలాదేవికి గైవశము |

అమరిన శ్రీవేంకటాధిపు డితడే | మమతల మా కిదే మంత్రౌషధము ||

pa|| ApadbaMdhuDu hari mAku galaDu | dUpili talacinA dOShaharamu ||

ca|| garuDaninekkinaGanarEvaMtuDu | garuDakEtanamugalarathuDu |

garuDaDE tanakunu gariyagubANamu | garime nItaDEpO GanagAruDamu ||

ca|| pAmuparapai baMDinasiddhuDu | pAmupASamulapariharamu |

pAmuna namRutamupaDadaccinataDu | vEmaru nItaDE viShaharamu ||

ca|| kamalAkShu DItaDu kamalanAthuDunu | kamalAdEviki gaivaSamu |

amarina SrIvEMkaTAdhipu DitaDE | mamatala mA kidE maMtrauShadhamu ||

Read More

Apadala saMpadala - ఆపదల సంపదల

ప|| ఆపదల సంపదల నలయుటేమిట మాను | రూపింప నిన్నిటను రోసినను గాక ||

చ|| కడలేని దేహ రోగంబులేమిట మాను | జడను విడిపించు నౌషధ సేవగాక |

విడవ కడియాస తను వేచుటేమిట మాను | వొడలి కలగుణమెల్ల నుడిగినను గాక ||

చ|| దురిత సంగ్రహమైన దుఃఖమేమిట మాను | సరిలేని సౌఖ్యంబు చవికొన్న గాక |

కరుకైన మోహాంధకార మేమిటి మాను | అరిది తేజోమార్గ మలవడిన గాక ||

చ|| చావులో బెనగొన్న జన్మ మేమిటి మాను | యీవలావలి కర్మమెడసిన గాక |

భావింప నరుదైన బంధమేమిటి మాను | శ్రీ వేంకటేశ్వరుని సేవచే గాక ||

pa|| Apadala saMpadala nalayuTEmiTa mAnu | rUpiMpa ninniTanu rOsinanu gAka ||

ca|| kaDalEni dEha rOgaMbulEmiTa mAnu | jaDanu viDipiMcu nauShadha sEvagAka |

viDava kaDiyAsa tanu vEcuTEmiTa mAnu | voDali kalaguNamella nuDiginanu gAka ||

ca|| durita saMgrahamaina duHKamEmiTa mAnu | sarilEni sauKyaMbu cavikonna gAka |

karukaina mOhAMdhakAra mEmiTi mAnu | aridi tEjOmArga malavaDina gAka ||

ca|| cAvulO benagonna janma mEmiTi mAnu | yIvalAvali karmameDasina gAka |

BAviMpa narudaina baMdhamEmiTi mAnu | SrI vEMkaTESvaruni sEvacE gAka ||

Read More

AnaMda nilaya prahlAda - ఆనంద నిలయ ప్రహ్లాద

ప|| ఆనంద నిలయ ప్రహ్లాద వరదా | భాను శశి నేత్ర జయ ప్రహ్లాద వరదా ||

చ|| పరమ పురుష నిత్య ప్రహ్లాద వరదా | హరి అచ్యుతానంద ప్రహ్లాద వరదా |

పరిపూర్ణ గోవింద ప్రహ్లాద వరదా | భరిత కల్యాణగుణ ప్రహ్లాద వరదా ||

చ|| భవరోగ సంహరణ ప్రహ్లాద వరదా | అవిరళ కేశవ ప్రహ్లాద వరదా |

పవమాన నుత కీర్తి ప్రహ్లాద వరదా | భవ పితామహ వంద్య ప్రహ్లాద వరదా ||

చ|| బల యుక్త నరసింహ ప్రహ్లాద వరదా | లలిత శ్రీ వేంకటాద్రి ప్రహ్లాద వరదా |

ఫలిత కరుణారస ప్రహ్లాద వరదా | బలి వంశ కారణ ప్రహ్లాద వరదా ||

pa|| AnaMda nilaya prahlAda varadA | BAnu SaSi nEtra jaya prahlAda varadA ||

ca|| parama puruSha nitya prahlAda varadA | hari acyutAnaMda prahlAda varadA | paripUrNa gOviMda prahlAda varadA | Barita kalyANaguNa prahlAda varadA ||

ca|| BavarOga saMharaNa prahlAda varadA | aviraLa kESava prahlAda varadA | pavamAna nuta kIrti prahlAda varadA | Bava pitAmaha vaMdya prahlAda varadA ||

ca|| bala yukta narasiMha prahlAda varadA | lalita SrI vEMkaTAdri prahlAda varadA | Palita karuNArasa prahlAda varadA | bali vaMSa kAraNa prahlAda varadA ||

Read More

Adima puruShuDu - ఆదిమ పురుషుడు

ప|| ఆదిమ పురుషుడు అహోబలమను | వేదాద్రి గుహలో వెలసీవాడే ||

చ|| ఉదయించే నదిగో ఉక్కు కంబమున | చెదరక శ్రీ నరసింహుడు |

కదిసి హిరణ్యుని ఖండించి ప్రహ్లాదు నెదుట గద్దెపై నిరవై నిలిచే ||

చ|| పొడ చూపెనదిగో భువి దేవతలకు | చిడుముడి శ్రీ నరసింహుడు |

అదర నందరికి నభయంబొసగుచు | నిడుకొనె తొడపైన తిరము ||

చ|| సేవలు గొన్నాడె చెలగి సురలచే | శ్రీవేంకట నరసింహుడు |

దైవమై మమ్మేలి దాసుల రక్షించే | తావు కనగ నిటు దయతో జూచి ||

pa|| Adima puruShuDu ahObalamanu | vEdAdri guhalO velasIvADE ||

ca|| udayiMcE nadigO ukku kaMbamuna | cedaraka SrI narasiMhuDu |

kadisi hiraNyuni KaMDiMci prahlAdu neduTa gaddepai niravai nilicE ||

ca|| poDa cUpenadigO Buvi dEvatalaku | ciDumuDi SrI narasiMhuDu |

adara naMdariki naBayaMbosagucu | niDukone toDapaina tiramu ||

ca|| sEvalu gonnADe celagi suralacE | SrIvEMkaTa narasiMhuDu |

daivamai mammEli dAsula rakShiMcE | tAvu kanaga niTu dayatO jUci ||

Sung By:Priyasisters

Get this widget | Track details | eSnips Social DNA

Read More

AdidaivuDai - ఆదిదైవుడై

ప|| ఆదిదైవుడై అందరిపాలిటి- | కీ దేవుడై వచ్చె నితడు ||

చ|| కోరినపరమయోగులచిత్తములలోన | యేరీతినుండెనో యీతడు |

చేరవచ్చినయాశ్రితులనెల్ల బ్రోవ | యిరీతి నున్నవాడీతడు ||

చ|| కుటిలదానవుల కోటానుగోట్ల | యెటువలె ద్రుంచెనో యీతడు |

ఘటియించి యిటువంటికారుణ్యరూపుడై | యిటువలె నున్నవా డితడు ||

చ|| తక్కక బ్రహ్మాండతతులెల్ల మోచి తా- | నెక్కడ నుండెనో యీతడు |

దిక్కుల వెలసినతిరువేంకటేశుడై | యిక్కడ నున్నవాడీతడు ||

pa|| AdidaivuDai aMdaripAliTi- | kI dEvuDai vacce nitaDu ||

ca|| kOrinaparamayOgulacittamulalOna | yErItinuMDenO yItaDu | cEravaccinayASritulanella brOva | yirIti nunnavADItaDu ||

ca|| kuTiladAnavula kOTAnugOTla | yeTuvale druMcenO yItaDu |

GaTiyiMci yiTuvaMTikAruNyarUpuDai | yiTuvale nunnavA DitaDu ||

ca|| takkaka brahmAMDatatulella mOci tA- | nekkaDa nuMDenO yItaDu |

dikkula velasinatiruvEMkaTESuDai | yikkaDa nunnavADItaDu ||

Read More

AdidEvuM DanaMga - ఆదిదేవుం డనంగ

ప|| ఆదిదేవుం డనంగ మొదల నవతరించి జలధి సొచ్చి | వేదములును శాస్త్రములను వెదకి తెచ్చె నితండు ||

చ|| వాలి తిరుగునట్టి దైత్యవరుల మోహవతులనెల్ల | మూలమూలం ద్రోసి ముసుగుపాలుసేసె నితండు | వేలసంఖ్యనైన సతుల వేడుక లలరంజేసి వొంటి | నాలిమగని రీతిగూడి యనుభవించె నితండు ||

చ|| కడుపులోని జగములనెల్ల గదలకుండం బాపరేని | పడకనొక్క మనసుతోడం బవ్వళించె నితండు |

అడుగు క్రింద లోకమెల్ల నడంచదలంచి గురుతుమీర | పొడవు వెరిగి మిన్నుజలము పొడిచి తెచ్చి నితండు ||

చ|| కొండెవయసువాడు మంచి గోపసతుల మనములెల్ల | ఆడికెలకు నోపి కొల్లలాడి బ్రదికె నితండు |

వేడుకలర వేంకటాద్రి వెలసి భూతకోటి దన్నుం- | జాడుం డనుచు మోక్షపదము చూరవిడిచి నితండు ||

pa|| AdidEvuM DanaMga modala navatariMci jaladhi socci | vEdamulunu SAstramulanu vedaki tecche nitaMDu ||

ca|| vAli tirugunaTTi daityavarula mOhavatulanella | mUlamUlaM drOsi musugupAlusEse nitaMDu |

vElasaMKyanaina satula vEDuka lalaraMjEsi voMTi | nAlimagani rItigUDi yanuBaviMce nitaMDu ||

ca|| kaDupulOni jagamulanella gadalakuMDaM bAparEni | paDakanokka manasutODaM bavvaLiMce nitaMDu |

aDugu kriMda lOkamella naDaMcadalaMci gurutumIra | poDavu verigi minnujalamu poDici tecci nitaMDu ||

ca|| koMDevayasuvADu maMci gOpasatula manamulella | ADikelaku nOpi kollalADi bradike nitaMDu |

vEDukalara vEMkaTAdri velasi BUtakOTi dannuM- | jADuM Danucu mOkShapadamu cUraviDici nitaMDu ||

Read More

AdidEva paramAtmA - ఆదిదేవ పరమాత్మా

ప|| ఆదిదేవ పరమాత్మా వేద | వేదాంత వేద్య నమో నమో ||

అనుప|| పరాత్పరా భక్త భవ భంజన | చరాచర లోక జనక నమో నమో ||

చ|| గదాధరా వేంకటగిరి నిలయా | సదానంద ప్రసన్న నమో నమో ||

pa|| AdidEva paramAtmA vEda | vEdAMta vEdya namO namO ||

anupa|| parAtparA Bakta Bava BaMjana | carAcara lOka janaka namO namO ||

ca|| gadAdharA vEMkaTagiri nilayA | sadAnaMda prasanna namO namO ||

Read More

Adi munula - ఆది మునుల

ప|| ఆది మునుల సిద్ధాంజనము | యేదెస చూచిన నిదివో వీడే ||

చ|| నగినసెలవి బడు నాలుగు | జగములు మొగమున జూపే మోహనము

చ|| కనుదెరచిన నలుగడ నమృతములటు | అనువున గురిసీ నపారము వనితలు నంద వ్రజమున జెలగగ |

మనికిక నిరవై మలసీ వీడే ||

చ|| పరమునకును దా బరమై వెలసిన | పరిపూర్ణ పరాత్పరుడు సరస రుక్మిణికి సత్య భమకును |

వరుడగు వేంకట వరదుడే వీడు ||

pa|| Adi munula siddhAMjanamu | yEdesa cUcina nidivO vIDE ||

ca|| naginaselavi baDu nAlugu | jagamulu mogamuna jUpE mOhanamu

ca|| kanuderacina nalugaDa namRutamulaTu | anuvuna gurisI napAramu vanitalu naMda vrajamuna jelagaga | manikika niravai malasI vIDE ||

ca|| paramunakunu dA baramai velasina | paripUrNa parAtparuDu sarasa rukmiNiki satya Bamakunu | varuDagu vEMkaTa varaduDE vIDu ||

Read More

Atuma saMtasa - ఆతుమ సంతస

ప|| ఆతుమ సంతసపెట్టుటది యెఱుక తా- | నేతెరువు నొల్లకుండు టదియే యెఱుక ||

చ|| ముంచినబంధములలో ముణుగుడువడక తా- | నంచల విడదన్నుటిది యెఱుక |

చంచలపువిషయాల సగ్గుడుమగ్గుడుగాక | యెంచి హరిదలపోయు టిదియే యెఱుక ||

చ|| పాయనియర్థములకు బంటుబంటై తిరుగక | ఆయతమై మోసపోని దది యెఱుక |

పాయపుగామినలతో బలుమారు జేయుపొందు | హేయమనితలపోయు టిదియే యెఱుక ||

చ|| ధరమీదగలప్రాణితతుల నొప్పించక | అరయగ సముడగు టది యెఱుక |

గరిమల శ్రీవేంకటపతిదాసుడై | యిరవొంద సుఖియంటదియే యెఱుక ||

pa|| Atuma saMtasapeTTuTadi yerxuka tA- | nEteruvu nollakuMDu TadiyE yerxuka ||

ca|| muMcinabaMdhamulalO muNuguDuvaDaka tA- | naMcala viDadannuTidi yerxuka | caMcalapuviShayAla sagguDumagguDugAka | yeMci haridalapOyu TidiyE yerxuka ||

ca|| pAyaniyarthamulaku baMTubaMTai tirugaka | Ayatamai mOsapOni dadi yerxuka | pAyapugAminalatO balumAru jEyupoMdu | hEyamanitalapOyu TidiyE yerxuka ||

ca|| dharamIdagalaprANitatula noppiMcaka | arayaga samuDagu Tadi yerxuka | garimala SrIvEMkaTapatidAsuDai | yiravoMda suKiyaMTadiyE yerxuka ||

Read More

AtaninE nE kolici nE - ఆతనినే నే కొలిచి నే

ప|| ఆతనినే నే కొలిచి నే నందితి బో నిజసుఖము | శ్రీతరుణీపతి మాయాధవుడు సృష్టియింతయును హరి మూలము ||

చ|| కోరుదుమా దుఃఖములు కోర కేతెంచు తముదామే | ఆరీతులనే సుఖములు యేతెంచు నందును విచార మంతేల |

సారెకు దైవాధీనము లివి రెండు స్వయత్నములుగా వెవ్వరికి | కోరేటి దొకటే హరిశరణాగతి గోవిందుడే యింతకు మూలము ||

చ|| కమ్మంటిమా ప్రపంచము ప్రపంచము గలిగీ స్వభావము అందుకది | యిమ్ముల మోక్షము యీరీతులనే యీశ్వరుడిచ్చిన యిది గలుగు |

కమ్మి అంతర్యామికల్పితంబు లివి కాదనవుననరా దెవ్వరికి | సమ్మతించి ఆసపడియెడి దొకటే సర్వలోకపతి నిజదాస్యము ||

చ|| సరి నెఱగుదుమా పోయినజన్మము సారెకు నేమేమి చేసితిమో | యిరవుగ నట్లా మీదటిజన్మముయెఱుకలు మఱపులు యికనేలా |

నిరతమై శ్రీవేంకటేశుడు తనయిచ్చ నిర్మించిన దిది యీదేహము | గరిమెల నాతనికైంకర్యమెపో కలకాలము మాకు కాణాచి ||

pa|| AtaninE nE kolici nE naMditi bO nijasuKamu | SrItaruNIpati mAyAdhavuDu sRuShTiyiMtayunu hari mUlamu ||

ca|| kOrudumA duHKamulu kOra kEteMcu tamudAmE | ArItulanE suKamulu yEteMcu naMdunu vicAra maMtEla | sAreku daivAdhInamu livi reMDu svayatnamulugA vevvariki | kOrETi dokaTE hariSaraNAgati gOviMduDE yiMtaku mUlamu ||

ca|| kammaMTimA prapaMcamu prapaMcamu galigI svaBAvamu aMdukadi | yimmula mOkShamu yIrItulanE yISvaruDiccina yidi galugu | kammi aMtaryAmikalpitaMbu livi kAdanavunanarA devvariki | sammatiMci AsapaDiyeDi dokaTE sarvalOkapati nijadAsyamu ||

ca|| sari nerxagudumA pOyinajanmamu sAreku nEmEmi cEsitimO | yiravuga naTlA mIdaTijanmamuyerxukalu marxapulu yikanElA | niratamai SrIvEMkaTESuDu tanayicca nirmiMcina didi yIdEhamu | garimela nAtanikaiMkaryamepO kalakAlamu mAku kANAci ||

Read More

AtaDE sakala - ఆతడే సకల

ప|| ఆతడే సకలవ్యాపకు డతడే యాతురబంధువు- | డతడు దలపులముంగిట నబ్బుట యెన్నడొకో ||

చ|| సారెకు సంసారంబనుజలనిధు లీదుచు నలసిన- | వారికి నొకదరిదాపగువా డిక నెవ్వడొకో |

పేరినయజ్ఞానంబను పెనుజీకటి తనుగప్పిన | చేరువవెలుగై తోపెడిచెలి యిక నెవ్వడొకో ||

చ|| దురితపుకాననములో త్రోవదప్పినవారికి | తెరువిదె కొమ్మని చూపెడిదేవు డిదెవ్వడొకో |

పెరిగినయాశాపాశము పెడగేలుగ దనుగట్టిన | వెరవకుమని విడిపించేటివిభు డిక నెవ్వడొకో ||

చ|| తగిలినయాపదలనియెడిదావానలములు చుట్టిన | బెగడకుమని వడివార్చెడిబిరు దిక నెవ్వడొకో |

తెగువయు దెంపునుగలిగినతిరువేంకటవిభు డొక్కడే | సొగిసి తలంచినవారికి సురతరువగువాడు ||

pa|| AtaDE sakalavyApaku DataDE yAturabaMdhuvu- | DataDu dalapulamuMgiTa nabbuTa yennaDokO ||

ca|| sAreku saMsAraMbanujalanidhu lIducu nalasina- | vAriki nokadaridApaguvA Dika nevvaDokO |

pErinayaj~jAnaMbanu penujIkaTi tanugappina | cEruvavelugai tOpeDiceli yika nevvaDokO ||

ca|| duritapukAnanamulO trOvadappinavAriki | teruvide kommani cUpeDidEvu DidevvaDokO |

periginayASApASamu peDagEluga danugaTTina | veravakumani viDipiMcETiviBu Dika nevvaDokO ||

ca|| tagilinayApadalaniyeDidAvAnalamulu cuTTina | begaDakumani vaDivArceDibiru dika nevvaDokO |

teguvayu deMpunugaliginatiruvEMkaTaviBu DokkaDE | sogisi talaMcinavAriki surataruvaguvADu ||

Read More

AtaDade mIrade - ఆతడదె మీరదె

ఆతడదె మీరదె అప్పగించితిమి మేము
మీతల పుదాన నేను మీకేలే చింత ||

నన్ను నేల అడిగేరే నాటి నేటి సుద్దులు
అన్నియును నడుగరే ఆతనిని
పన్నిన వారిద్దరికి పైపై మీరే కారా
వెన్నచేత బట్టుకొని నేడ నేలే నెయ్యి ||

యేలకొడ బర చేరే యింతలోనే నన్నును
చాలు నొడ బరచరే చాలు నాతని
పోలిమితో నింతేసి బుద్ది మీరెరగనిదా
తాలము చేత బట్టుకొని దాటణేలే వాకిలి ||

అనలేల పెట్టేరే ఆతనితో గూడుమని
పేనియాన లతనికే పెట్టరాదా
ఆనుక శ్రీవేంకటేశు డాతడే నన్ను గూడె
తేనెలు వంటి చెలులు తీపులు మీకేలే ||
AtaDade mIrade appagiMchitimi mEmu
mItala pudAna nEnu mIkElE chiMta ||

nannu nEla aDigErE nATi nETi suddulu
anniyunu naDugarE Atanini
pannina vAriddariki paipai mIrE kArA
vennachEta baTTukoni nEDa nElE neyyi ||

yElakoDa bara chErE yiMtalOnE nannunu
chAlu noDa baracharE chAlu nAtani
pOlimitO niMtEsi buddi mIreraganidA
tAlamu chEta baTTukoni dATaNElE vAkili ||

analEla peTTErE AtanitO gUDumani
pEniyAna latanikE peTTarAdA
Anuka SrIvEMkaTESu DAtaDE nannu gUDe
tEnelu vaMTi chelulu tIpulu mIkElE ||

Read More