ప|| కొలని దోపరికి గొబ్బిళ్ళో యదు | కుల స్వామికిని గొబ్బిళ్ళో ||
చ|| కొండ గొడుగుగా గోవుల గాచిన | కొండొక శిశువునకు గొబ్బిళ్ళో |
దండగంపు దైత్యుల కెల్లను తల | గుండు గండనికి గొబ్బిళ్ళో ||
చ|| పాప విధుల శిశుపాలుని తిట్టుల | కోపగానికిని గొబ్బిళ్ళో |
యేపున కంసుని యిడుమల బెట్టిన | గోప బాలునికి గొబ్బిళ్ళో ||
చ|| దండివైరులను తరిమిన దనుజుల | గుండె దిగులునకు గొబ్బిళ్ళో |
వెండిపైడి యగు వేంకట గిరిపై | కొండలయ్యకును గొబ్బిళ్ళో ||
pa|| kolani dOpariki gobbiLLO yadu | kula svAmikini gobbiLLO ||
ca|| koMDa goDugugA gOvula gAcina | koMDoka SiSuvunaku gobbiLLO |
daMDagaMpu daityula kellanu tala | guMDu gaMDaniki gobbiLLO ||
ca|| pApa vidhula SiSupAluni tiTTula | kOpagAnikini gobbiLLO |
yEpuna kaMsuni yiDumala beTTina | gOpa bAluniki gobbiLLO ||
ca|| daMDivairulanu tarimina danujula | guMDe digulunaku gobbiLLO |
veMDipaiDi yagu vEMkaTa giripai | koMDalayyakunu gobbiLLO ||
Composer:G.Balakrishna Prasad
|
