Oorake nannitu duri - ఊరకే నన్నిటు దూరి

 ఊరకే నన్నిటు దూరి (రాగం: ) (తాళం : )

ఊరకే నన్నిటు దూరి వుప్పతించేవు
యేరీతి తక్కరియౌటా యెఱఁగవు నీవు // పల్లవి //

అతఁడు వాసులెక్కించి ఆటకానకుఁ బెట్టితే
యేతులకుఁ గాఁతాళించి యేలచూచేవే
రాతిరిఁబగలుఁ దాను రచ్చ లెందోసేసి వచ్చి
యీతల సటలుసేసే దెఱఁగవు నీవు // ఊర //

తానే సన్నలు సేసి తగవులఁ బెట్టితేను
పేనిపట్టుక నీవేల పెనఁగాడేవే
ఆనుకొని వాడవారి నందరిఁ బెండ్లాడివచ్చి
యీనేరుపులు చూపేది యెఱఁగవు నీవు // ఊర //

శ్రీవేంకటేశ్వరుఁడు చేరి యిద్దరిఁ గూడితే
చేవమీర నీవేల సిగ్గువడేవే
వేవేలుసతులకు వేరేసేసవెట్టి వచ్చి
యీవిధాన మొఱఁగేది యెఱఁగవు నీవు // ఊర //

UrakE nanniTu dUri (Raagam: ) (Taalam: )

UrakE nanniTu dUri uppatiMchEvu
yErIti takkariyauTA yeragavu nIvu // pallavi //

ataDu vAsulekkiMchi ATakAnaku beTTitE
yEtulaku gAtALiMchi yElachUchEvE
rAtiribagalu dAnu rachcha leMdOsEsi vachchi
yItala saTalusEsE deragavu nIvu // Ura //

tAnE sannalu sEsi tagavula beTtitEnu
pEnipaTTuka nIvEla penagADEvE
Anukoni vADavAri naMdari beMDlADivachchi
yInErupulu chUpEdi yeragavu nIvu // Ura //

SrIvEMkaTESvaruDu chEri yiddari gUDitE
chEvamIra nIvEla sigguvaDEvE
vEvElusatulaku vErEsEsaveTTi vachchi
yIvidhAna moragEdi yeragavu nIvu // Ura //

Eedera valachite - ఈడేర వలచితే

 ఈడేర వలచితే (రాగం: సామంతం ) (తాళం : )

ఈడేర వలచితే యే పని సేయగ రాదు
యేడనైన యెగ్గు సిగ్గులెంచేరా భూమిని

వనిత చెప్పితే జాలు వారిదైనా ఈదేవు
అనువుగా గొండ మోవుమన్న మోచేవు
తనివోక బూమెల్లా దవ్వుమన్న దవ్వేవు
వొనర బహురూపాన నుండుమన్నా నుండేవు

ఇంతి చెప్పితే జాలు యెంతైనా గొంచపడేవు
అంతలో బగర జంపుమన్నా జంపేవు
చెంత నాపె తపములు సేయుమన్నా జేసేవు
కాంత తన పసులను గావుమన్నా గాసేవు

అతివ జూచి కల్లలాడుమన్నా నాడెవు
బతిమి బారాడుమన్న బారాడేవు
పతివైన కోసువాని పల్లె శ్రీవెంకటనాథ
గతియై కూడుండుమన్నా గాగిట నుండేవు

eeDEra valacitE jUDa (Raagam: saamaMtaM ) (Taalam: )

eeDEra valacitE yE pani sEyaga raadu
yEDanaina yeggu sigguleMcErA bhoomini

vanita ceppitE jaalu vaaridainaa eedEvu
anuvugaa goMDa mOvumanna mOcEvu
taniVOka boomellaa davvumanna davvEvu
vonara bahuroopaana nuMDumannaa nuMDEvu

iMti ceppitE jaalu yeMtainaa goMcapaDEvu
aMtalO bagara jaMpumannaa jaMpEvu
ceMta naape tapamulu sEyumannaa jEsEvu
kaaMta tana pasulanu gaavumannaa gaasEvu

ativa jooci kallalaaDumannaa naaDevu
batimi baaraaDumanna baarADEvu
pativaina kOsuvaani palle SrIveMkaTanaatha
gatiyai kooDuMDumannaa gaagiTa nuMDEvu

Intulala navanka - ఇంతులాల నావంక

ఇంతులాల నావంక నిదే తప్పు కొంతైనాఁ బిలువనంటాఁ గొసరీ మనసు	॥పల్లవి॥
మాటకు మాటాడను మరి కల్లలెంచెను నాఁటుకొన్న చూపులతో నవ్వితి నేను గీఁటెఁ గొనగొరఁ దానే కిందుపడ నొక్కెఁ దానే కూటమికి రానంటాఁ గోపగించీఁ దాను	॥॥
పతికిఁ బతి సేయను పను లేమి నడుగను అతికాఁకఁ దనమేనే అంటితి నేను కతలు చెప్పీఁ దానే ఘాతలుసేసీఁ దానే తతితో దగ్గరనంటా దమకించీఁ దాను	॥॥
కాదుగూడ దనను కఱకరి సేయను యీదెసఁ దనకుఁ బంతమిచ్చితి నేను సేదదేర నన్నుఁ గూడె శ్రీ వేంకటేశుఁడు దానె పోదితో మెచ్చితినంటాఁ బొదిగీఁ దాను	॥॥

Adima purushu dachyutu - ఆదిమ పూరుషు డచ్యుతు

 ఆదిమపూరుషు డచ్యుతు (రాగం:దెసి ) (తాళం : )

ఆదిమపూరుషు డచ్యుతు డచలు డనంతు డమలుడు
ఆదిదేవు డీతడేపో హరి శ్రీ వేంకటవిభుడు

ఏకార్ణవమై ఉదకములేచిన బ్రహ్మాండములో
బైకొనియుండగ నొక వటపత్రములోపలను
చేకొని పవళింపుచు నొకశిశువై వడి దేలాడిన
శ్రీకాంతు డీతడేపో శ్రీవేంకటవిభుడు

అరుదుగ బలిమద మడపగ నాకసమంటిన రూపము
సరగున భూమియంతయు నొకచరణంబున గొలిచి
పరగినపాదాంగుటమున బ్రహ్మాండము నదలించిన
పరమాత్ము డీతడేపో పతివేంకటవిభుడు

క్షీరపయోనిధిలోపల శేషుడు పర్యంకముగా
ధారుణియును సిరియును బాదము లొత్తగను
చేరువ దను బ్రహ్మాదులు సేవింపగ జెలువొందెడి
నారాయణుడితడే వున్నతవేంకటవిభుడు

AdimapUruShu Dacyutu (Raagam: ) (Taalam: )

AdimapUruShu Dacyutu Dacalu DanaMtu DamaluDu
AdEvu DItaDEpO hari vEMkaTaviBuDu

EkArNavamai udakamulEcina brahmAMDamulO
baikoniyuMDa nokavaTapatramulOpalanu
cEkoni pavaLiMpucu nokaSiSuvai vaDi dElADina
SrIkAMtu DItaDEpO SrIvEMkaTaviBuDu

aruduga balimada maDapaga nAkasamaMTina rUpamu
saraguna BUmiyaMtayu nokacaraNaMbuna golici
paraginapAdAMguTamuna brahmAMDamu nagaliMcina
paramAtmu DItaDEpO pativEMkaTaviBuDu

kShIrapayOnidhilOpala SEShuDu paryaMkamugA
dhAruNiyunu siriyunu bAdamu lottagunu
cEruva danu brahmAdulu sEviMpaga jeluvoMdeDi
nArAyaNuDitaDE vunnatavEMkaTaviBuDu

Aradi bettaganela - ఆఱడి బెట్టగనేల

 ఆఱడిఁబెట్టఁగనేల అతని (రాగం: ) (తాళం : )

ఆఱడిఁబెట్టఁగనేల అతని నింతేసి నీవు
మీఱక బంగారుపీఁటమీఁదఁ గూచుండవే // పల్లవి //

కొంగువట్టి తియ్యనేలే కొసర నేమిటికే
సంగతెఱిఁగిననెరజాణవిభుని
ముంగిట నున్నాఁ డతఁడు మొక్కితే నెఱుకగాదా
రంగుగాఁ దానే వచ్చీ రావే లోపలికి // ఆఱడి //

విన్నపము సేయనేలే వేఁడుకొన నింత యేలే
సన్న దెలిసినయట్టిసరసునికి
కన్నాఁడు నీగుట్టు వేళగాచుటే తగులుగాదా
పన్ని నిన్ను నేలీఁగాని పఱవవే పానుపు // ఆఱడి //

చనవునఁ దిట్టనేలే చవులు చూపఁగనేలే
యెనసినశ్రీ వేంకటేశునెదుట
ననిచి వున్నాఁ డితఁడు నగుటే వుంకువగాదా
తనివి నొందించి యింకాఁ దడవవే కాఁగిట // ఆఱడి //

AraDibeTTaganEla atani (Raagam: ) (Taalam: )

AraDibeTTaganEla atani niMtEsi nIvu
mIraka baMgArupITamIda gUchuMDavE // pallavi //

koMguvaTTi tiyyanElE kosara nEmiTikE
saMgateriginanerajANavibhuni
mUMgiTa nunnA DataDu mokkitE nerukagAdA
raMgugA dAnE vachchI rAvE lOpaliki // AraDi //

vinnapamu sEyanElE vEDukona niMta yElE
sanna delisinayaTTisarasuniki
kannADu nIguTTu vELagAchuTE tagulugAdA
panni ninnu nElIgAni paravavE pAnupu // AraDi //

chanavuna diTTanElE chavulu chUpaganElE
yanasinaSrI vEMkaTeSuneduTa
nanichi vunnA DitaDu naguTE vuMkuvagAdA
tanivi noMdiMchi yinkA daDavavE kAgiTa // AraDi //

Artuda nenu - ఆర్తుడ నేను

 ఆర్తుఁడ నేను నీకడ్డ (రాగం: ) (తాళం : )

ఆర్తుఁడ నేను నీకడ్డ మెందును లేదు
మూర్తిత్రయాత్మక మొగిఁ గరుణించవే // పల్లవి //

సర్వసాక్షివి నీవు సర్వాంతరంగుఁడవు
సర్వసర్వంసహాచక్రవర్తి
నిర్వాణమూర్తి నిగమాంతకీర్తి
సర్వాపరాధములు క్షమియింపవే // ఆర్తు //

పరమాత్ముఁడవు నీవు పరంజ్యోతివి నీవు
పరమ పరానంద పరమపురుషా
కరిరాజవరదా కారుణ్యనిలయా
శరణాగతుఁడ నన్ను సరిఁ గావవే // ఆర్తు //

అణువులోపలినీవు ఆదిమహత్తును నీవు
ప్రణుతశ్రీవేంకటప్రచురనిలయా
అణిమాదివిభవా ఆద్యంతరహితా
గణుతించి నాపాలఁ గలుగవే నీవు // ఆర్తు //

ArtuDa nEnu nIkaDDa (Raagam: ) (Taalam: )

ArtuDa nEnu nIkaDDa meMdunu lEdu
mUrtitrayAtmaka mogi garuNiMchavE // pallavi //

sarvasAkShivi nIvu sarvAMtaraMguDavu
sarvasarvaMsahAchakravarti
nirvANamUrti nigamAMtakIrti
sarvAparAdhamulu kShamiyiMpavE // Artu //

paramAtmuDavu nIvu paraMjyOtivi nIvu
parama parAnaMda paramapuruShA
karirAjavaradA kAruNyanilayA
SaraNAgatuDa nannu sari gAvavE // Artu //

aNuvulOpalinIvu Adimahattunu nIvu
praNutaSrIvEMkaTaprachuranilayA
aNimAdivibhavA AdyaMtarahitA
gaNutiMchi nApAla galugavE nIvu // Artu //

Aragimpavo mayappa - ఆరగింపవో మాయప్ప

 ఆరగింపవో మాయప్ప (రాగమ్: ) (తాలమ్: )

ఆరగింపవో మాయప్ప యివే
పేరిన నేతులు పెరుగులును // పల్లవి //

తేనెలు జున్నులు తెంకాయ పాలును
ఆనవాలు వెన్నట్లును
నూనె బూరెలును నురుగులు వడలును
పానకములు బహుఫలములును // ఆరగింపవో //

పరమాన్నంబులు పంచదారలును
అరిసెలు గారెలు నవుగులును
కరజికాయలును ఖండమండెఁగలు
పరిపరివిధముల భక్ష్యములు // ఆరగింపవో //

కడుమధురంబగు కమ్మఁబూరణపుఁ
గుడుములు నిడ్డెన కుడుములను
సుడిగొనునప్పలు సుకినప్పాలును
పొడి బెల్లముతోఁ బొరఁటుచును // ఆరగింపవో //

కాయపు రుచులకు గనియగు మిరియపుఁ
గాయలు నేలకి కాయలును
పాయరానియంబాళపుఁగాయలు
నాయతమగు దధ్యన్నములు // ఆరగింపవో //

ఒడికపుఁగూరలు నొలుపుఁ బప్పులును
అడియాలపు రాజాన్నములు
బడిబడిఁ గనకపుఁ బళ్ళెరములతోఁ
గడువేడుక వేంకటరమణా // ఆరగింపవో //

AragiMpavO mAyappa (Raagam: ) (Taalam: )

AragiMpavO mAyappa yivE
pErina nEtulu perugulunu // pallavi //

tEnelu junnulu teMkAya pAlunu
AnavAlu vennaTlunu
nUne bUrelunu nurugulu vaDalunu
pAnakamulu bahuphalamulunu // AragiMpavO //
       
paramAnnaMbulu paMchadAralunu
ariselu gArelu navugulunu
karajikAyalunu khaMDamaMdegalu
pariparividhamula bhakShyamulu // AragiMpavO //

kaDumadhuraMbagu kammabUraNapu
guDumulu niDDena kuDumulunu
suDigonunappAlu sukinappAlunu
poDi bellamutO boraTuchunu // AragiMpavO //

kAyapu ruchulaku ganiyagu miriyapu
gAyalu nElaki kAyalunu
pAyarAniyaMbALapugAyalu
nAyatamagu dadhyannamulu // AragiMpavO //

oDigapugUralu nolupu bappulunu
aDiyAlapu rAjAnnamulu
baDibaDi ganakapu baLLeramulatO
gaDuvEDuka vEMkaTaramaNA // AragiMpavO //