Achchutu saraname - అచ్చుతు శరణమే
అచ్చుతు శరణమే అన్నిటికిని (రాగం: ) (తాళం : )
అచ్చుతు శరణమే అన్నిటికిని గురి
హెచ్చుకుందు మరి యెంచఁగనేది // పల్లవి //
యోనిజనకమగు యొడ లిది
యే నెల వైనా నేఁటి కులము
తానును మలమూత్రపుఁ జెలమ
నానాచారము నడచీనా // అచ్చు //
పాపపుణ్యముల బదుకిది
యేపొద్దు మోక్షం బెటువలె దొరకు
దీపనబాధల దినములివి
చూపట్టి వెదకఁగ సుఖ మిందేది // అచ్చు //
మరిగినతెరువల మనసుయిది
సరవినెన్న విజ్ఞానంబేది
యిరవుగ శ్రీవేంకటేశ్వరుఁడే
వెరవని కంటే వెలితిఁక నేది // అచ్చు //
achchutuSaraNamE anniTikini guri
hechchukuMdu mari yeMchaganEdi // pallavi //
yOnijanakamagu yoDa lidi
yE nela vainA nETi kulamu
tAnunu malamUtrapu jelama
nAnAchAramu naDachInA // achchu //
pApapuNyamula badukidi
yEpoddu mOkShaM beTuvale doraku
dIpanabAdhala dinamulivi
chUpaTTi vedakaga sukha miMdEdi // achchu //
mariginateruvala manasuyidi
saravinenna vijnAnaMbEdi
yiravuga SrIvEMkaTESvaruDE
veravani kaMTE velitika nEdi // achchu //