Sri Ganapati Atharva sirsha Upanishat – శ్రీ గణపతి అథర్వ శీర్ష ఉపనిషత్

 ఓం భ॒ద్రం కర్ణే॑భిః శృణు॒యామ॑ దేవాః |

భ॒ద్రం ప॑శ్యేమా॒క్షభి॒ర్యజ॑త్రాః |
స్థి॒రైరఙ్గై”స్తుష్టు॒వాగ్ం స॑స్త॒నూభి॑: |
వ్యశే॑మ దే॒వహి॑త॒o యదాయు॑: |
స్వ॒స్తి న॒ ఇన్ద్రో॑ వృ॒ద్ధశ్ర॑వాః |
స్వ॒స్తి న॑: పూ॒షా వి॒శ్వవే॑దాః |
స్వ॒స్తి న॒స్తార్క్ష్యో॒ అరి॑ష్టనేమిః |
స్వ॒స్తి నో॒ బృహ॒స్పతి॑ర్దధాతు ||
ఓం శాన్తి॒: శాన్తి॒: శాన్తి॑: ||

ఓం నమ॑స్తే గ॒ణప॑తయే |
త్వమే॒వ ప్ర॒త్యక్ష॒o తత్త్వ॑మసి |
త్వమే॒వ కే॒వల॒o కర్తా॑ఽసి |
త్వమే॒వ కే॒వల॒o ధర్తా॑ఽసి |
త్వమే॒వ కే॒వల॒o హర్తా॑ఽసి |
త్వమేవ సర్వం ఖల్విద॑o బ్రహ్మా॒సి |
త్వం సాక్షాదాత్మా॑ఽసి ని॒త్యమ్ || ౧ ||

ఋ॑తం వ॒చ్మి | స॑త్యం వ॒చ్మి || ౨ ||

అవ॑ త్వ॒o మామ్ | అవ॑ వ॒క్తారమ్” |
అవ॑ శ్రో॒తారమ్” | అవ॑ దా॒తారమ్” |
అవ॑ ధా॒తారమ్” | అవానూచానమ॑వ శి॒ష్యమ్ |
అవ॑ ప॒శ్చాత్తా”త్ | అవ॑ పు॒రస్తా”త్ |
అవోత్త॒రాత్తా”త్ | అవ॑ దక్షి॒ణాత్తా”త్ |
అవ॑ చో॒ర్ధ్వాత్తా”త్ | అవాధ॒రాత్తా”త్ |
సర్వతో మాం పాహి పాహి॑ సమ॒న్తాత్ || ౩ ||

త్వం వాఙ్మయ॑స్త్వం చిన్మ॒యః |
త్వమానన్దమయ॑స్త్వం బ్రహ్మ॒మయః |
త్వం సచ్చిదానన్దాద్వి॑తీయో॒ఽసి |
త్వం ప్ర॒త్యక్ష॒o బ్రహ్మా॑సి |
త్వం జ్ఞానమయో విజ్ఞాన॑మయో॒ఽసి || ౪ ||

సర్వం జగదిదం త్వ॑త్తో జా॒యతే |
సర్వం జగదిదం త్వ॑త్తస్తి॒ష్ఠతి |
సర్వం జగదిదం త్వయి లయ॑మేష్య॒తి |
సర్వం జగదిదం త్వయి॑ ప్రత్యే॒తి |
త్వం భూమిరాపోఽనలోఽని॑లో న॒భః |
త్వం చత్వారి వా”క్పదా॒ని || ౫ ||

త్వం గు॒ణత్ర॑యాతీ॒తః |
త్వమవస్థాత్ర॑యాతీ॒తః |
త్వం దే॒హత్ర॑యాతీ॒తః |
త్వం కా॒లత్ర॑యాతీ॒తః |
త్వం మూలాధారస్థితో॑ఽసి ని॒త్యమ్ |
త్వం శక్తిత్ర॑యాత్మ॒కః |
త్వాం యోగినో ధ్యాయ॑న్తి ని॒త్యమ్ |
త్వం బ్రహ్మా త్వం విష్ణుస్త్వం రుద్రస్త్వమిన్ద్రస్త్వమగ్నిస్త్వం
వాయుస్త్వం సూర్యస్త్వం చన్ద్రమాస్త్వం బ్రహ్మ॒ భూర్భువ॒: స్వ॒రోమ్ || ౬ ||

గ॒ణాది”o పూర్వ॑ముచ్చా॒ర్య॒ వ॒ర్ణాదీ”oస్తదన॒న్త॑రమ్ |
అనుస్వారః ప॑రత॒రః | అర్ధే”న్దుల॒సితమ్ |
తారే॑ణ ఋ॒ద్ధమ్ | ఏతత్తవ మను॑స్వరూ॒పమ్ |
గకారః పూ”ర్వరూ॒పమ్ | అకారో మధ్య॑మరూ॒పమ్ |
అనుస్వారశ్చా”న్త్యరూ॒పమ్ | బిన్దురుత్త॑రరూ॒పమ్ |
నాద॑: సన్ధా॒నమ్ | సగ్ంహి॑తా స॒న్ధిః |
సైషా గణే॑శవి॒ద్యా | గణ॑క ఋ॒షిః |
నిచృద్గాయ॑త్రీచ్ఛ॒న్దః |
గణపతి॑ర్దేవ॒తా | ఓం గం గ॒ణప॑తయే నమః || ౭ ||

ఏకద॒న్తాయ॑ వి॒ద్మహే॑ వక్రతు॒ణ్డాయ॑ ధీమహి |
తన్నో॑ దన్తిః ప్రచో॒దయా”త్ || ౮ ||

ఏకద॒న్తం చ॑తుర్హ॒స్త॒o పా॒శమ॑ఙ్కుశ॒ ధారి॑ణమ్ |
రద॑o చ॒ వర॑దం హ॒స్తై॒ర్బి॒భ్రాణ॑o మూష॒కధ్వ॑జమ్ |
రక్త॑o ల॒oబోద॑రం శూ॒ర్ప॒క॒ర్ణక॑o రక్త॒వాస॑సమ్ |
రక్త॑గ॒న్ధాను॑లిప్తా॒ఙ్గ॒o ర॒క్తపు॑ష్పైః సు॒పూజి॑తమ్ |
భక్తా॑ను॒కమ్పి॑నం దే॒వ॒o జ॒గత్కా॑రణ॒మచ్యు॑తమ్ |
ఆవి॑ర్భూ॒తం చ॑ సృ॒ష్ట్యా॒దౌ॒ ప్ర॒కృతే”: పురు॒షాత్ప॑రమ్ |
ఏవ॑o ధ్యా॒యతి॑ యో ని॒త్య॒o స॒ యోగీ॑ యోగి॒నాం వ॑రః || ౯ ||

నమో వ్రాతపతయే | నమో గణపతయే | నమః ప్రమథపతయే | నమస్తేఽస్తు లంబోదరాయైకదన్తాయ విఘ్ననాశినే శివసుతాయ వరదమూర్తయే॒ నమ॑: || ౧౦ ||

ఏతదథర్వశీర్ష॑o యోఽధీ॒తే |
స బ్రహ్మభూయా॑య క॒ల్పతే |
స సర్వవిఘ్నై”ర్న బా॒ధ్యతే |
స సర్వత్ర సుఖ॑మేధ॒తే |
స పఞ్చమహాపాపా”త్ ప్రము॒చ్యతే |
సా॒యమ॑ధీయా॒నో॒ దివసకృతం పాప॑o నాశ॒యతి |
ప్రా॒తర॑ధీయా॒నో॒ రాత్రికృతం పాప॑o నాశ॒యతి |
సాయం ప్రాతః ప్ర॑యుఞ్జా॒నో॒ పాపోఽపా॑పో భ॒వతి |
సర్వత్రాధీయానోఽపవి॑ఘ్నో భ॒వతి |
ధర్మార్థకామమోక్ష॑o చ వి॒న్దతి |
ఇదమథర్వశీర్షమశిష్యాయ॑ న దే॒యమ్ |
యో యది మో॑హాద్దా॒స్యతి | స పాపీ॑యాన్ భ॒వతి |
సహస్రావర్తనాద్యం యం కామ॑మధీ॒తే |
తం తమనే॑న సా॒ధయేత్ || ౧౧ ||

అనేన గణపతిమ॑భిషి॒ఞ్చతి | స వా॑గ్మీ భ॒వతి |
చతుర్థ్యామన॑శ్నన్ జ॒పతి స విద్యా॑వాన్ భ॒వతి |
ఇత్యథర్వ॑ణ వా॒క్యమ్ |
బ్రహ్మాద్యా॒వర॑ణం వి॒ద్యాన్న బిభేతి కదా॑చనే॒తి || ౧౨ ||

యో దూర్వాఙ్కు॑రైర్య॒జతి స వైశ్రవణోప॑మో భ॒వతి |
యో లా॑జైర్య॒జతి స యశో॑వాన్ భ॒వతి | స మేధా॑వాన్ భ॒వతి |
యో మోదకసహస్రే॑ణ య॒జతి స వాఞ్ఛిత ఫలమ॑వాప్నో॒తి |
యః సాజ్య సమి॑ద్భిర్య॒జతి స సర్వం లభతే స స॑ర్వం ల॒భతే || ౧౩ ||

అష్టౌ బ్రాహ్మణాన్ సమ్యగ్ గ్రా॑హయి॒త్వా సూర్యవర్చ॑స్వీ భ॒వతి |
సూర్యగ్రహే మ॑హాన॒ద్యాం ప్రతిమా సన్నిధౌ వా జ॒ప్త్వా సిద్ధమ॑న్త్రో భ॒వతి |
మహావిఘ్నా”త్ ప్రము॒చ్యతే | మహాదోషా”త్ ప్రము॒చ్యతే |
మహాప్రత్యవాయా”త్ ప్రము॒చ్యతే |
స సర్వవిద్భవతి స సర్వ॑విద్భ॒వతి |
య ఏ॑వం వే॒ద | ఇత్యు॑ప॒నిష॑త్ || ౧౪ ||

ఓం శాన్తి॒: శాన్తి॒: శాన్తి॑: ||

ఓం భ॒ద్రం కర్ణే॑భిః శృణు॒యామ॑ దేవాః |
భ॒ద్రం ప॑శ్యేమా॒క్షభి॒ర్యజ॑త్రాః |
స్థి॒రైరఙ్గై”స్తుష్టు॒వాగ్ం స॑స్త॒నూభి॑: |
వ్యశే॑మ దే॒వహి॑త॒o యదాయు॑: |
స్వ॒స్తి న॒ ఇన్ద్రో॑ వృ॒ద్ధశ్ర॑వాః |
స్వ॒స్తి న॑: పూ॒షా వి॒శ్వవే॑దాః |
స్వ॒స్తి న॒స్తార్క్ష్యో॒ అరి॑ష్టనేమిః |
స్వ॒స్తి నో॒ బృహ॒స్పతి॑ర్దధాతు ||
ఓం శాన్తి॒: శాన్తి॒: శాన్తి॑: ||

Sri Mahaganapathi Shodasopachara puja – శ్రీ మహాగణపతి షోడశోపచార పూజ

 (గమనిక: ముందుగా పూర్వాంగం చేయవలెను. తరువాత ఈ క్రింది పూజావిధానం చేయవలెను.)

<< పూర్వాంగం>>

పునః సంకల్పం –
పూర్వోక్త ఏవం గుణవిశేషణ విశిష్టాయాం శుభతిథౌ శ్రీమహగణపతిముద్దిశ్య శ్రీమహాగణపతిప్రీత్యర్థం శ్రీమన్ముద్గలపురాణే శ్రీగృత్సమద ప్రోక్త శ్లోకవిధానేన యావచ్ఛక్తి ధ్యానావహనాది షోడశోపచార పూజాం కరిష్యే ||

ప్రాణప్రతిష్ఠ –
ఓం అసు॑నీతే॒ పున॑ర॒స్మాసు॒ చక్షు॒:
పున॑: ప్రా॒ణమి॒హ నో” ధేహి॒ భోగ”మ్ |
జ్యోక్ప॑శ్యేమ॒ సూర్య॑ము॒చ్చర”న్త॒
మను॑మతే మృ॒డయా” నః స్వ॒స్తి ||
అ॒మృత॒o వై ప్రా॒ణా అ॒మృత॒మాప॑:
ప్రా॒ణానే॒వ య॑థాస్థా॒నముప॑హ్వయతే ||
ఆవాహితో భవ స్థాపితో భవ |
సుప్రసన్నో భవ వరదో భవ |
అస్మిన్ బింబే సపరివార సమేత శ్రీమహాగణపతి స్వామినం ఆవాహయామి స్థాపయామి పూజయామి ||

ధ్యానం –
ఓం గ॒ణానా”o త్వా గ॒ణప॑తిగ్ం హవామహే
క॒విం క॑వీ॒నాము॑ప॒మశ్ర॑వస్తమమ్ |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒
ఆ న॑: శృ॒ణ్వన్నూ॒తిభి॑: సీద॒ సాద॑నమ్ ||
చతుర్బాహుం త్రినేత్రం చ గజాస్యం రక్తవర్ణకమ్ |
పాశాంకుశాదిసంయుక్తం మాయాయుక్తం ప్రచింతయేత్ ||
ఓం శ్రీమహాగణపతయే నమః ధ్యాయామి |

ఆవాహనం –
ఆగచ్ఛ బ్రహ్మణాం నాథ సురాఽసురవరార్చిత |
సిద్ధిబుద్ధ్యాదిసంయుక్త భక్తిగ్రహణలాలస ||
ఓం శ్రీమహాగణపతయే నమః ఆవహయామి |

ఆసనం –
రత్నసింహాసనం స్వామిన్ గృహాణ గణనాయక |
తత్రోపవిశ్య విఘ్నేశ రక్ష భక్తాన్విశేషతః ||
ఓం శ్రీమహాగణపతయే నమః ఆసనం సమర్పయామి |

పాద్యం –
సువాసితాభిరద్భిశ్చ పాదప్రక్షాళనం ప్రభో |
శీతోష్ణాంభః కరోమి తే గృహాణ పాద్యముత్తమమ్ ||
ఓం శ్రీమహాగణపతయే నమః పాద్యం సమర్పయామి |

అర్ఘ్యం –
రత్నప్రవాలముక్తాద్యైరనర్ఘ్యైః సంస్కృతం ప్రభో |
అర్ఘ్యం గృహాణ హేరంబ ద్విరదానన తోషకమ్ ||
ఓం శ్రీమహాగణపతయే నమః అర్ఘ్యం సమర్పయామి |

ఆచమనీయం –
సర్వతీర్థాహృతం తోయం సువాసితం సువస్తుభిః |
ఆచమనం చ తేనైవ కురుష్వ గణనాయక ||
ఓం శ్రీమహాగణపతయే నమః ఆచమనీయం సమర్పయామి |

మధుపర్కం –
దధిమధుఘృతైర్యుక్తం మధుపర్కం గజానన |
గృహాణ భావసంయుక్తం మయా దత్తం నమోఽస్తు తే ||
ఓం శ్రీమహాగణపతయే నమః మధుపర్కం సమర్పయామి |

పంచామృత స్నానం –

( పంచామృతాభిషేక మన్త్రాః పశ్యతు || )

నానాతీర్థజలైర్ఢుంఢే సుఖోష్ణభావరూపకైః |
కమండలూద్భవైః స్నానం మయా కురు సమర్పితైః ||
ఓం శ్రీమహాగణపతయే నమః పంచామృతస్నానం సమర్పయామి |

స్నానం –
గంగాది సర్వతీర్థేభ్యః ఆహృతైరమలైర్జలైః |
స్నానం కురుష్వ భగవానుమాపుత్ర నమోఽస్తుతే ||
ఓం శ్రీమహాగణపతయే నమః శుద్ధోదక స్నానం సమర్పయామి |

( శ్రీగణపత్యథర్వశీర్షోపనిషత్ పశ్యతు || )

వస్త్రం –
వస్త్రయుగ్మం గృహాణ త్వమనర్ఘం రక్తవర్ణకమ్ |
లోకలజ్జాహరం చైవ విఘ్ననాథ నమోఽస్తు తే ||
ఓం శ్రీమహాగణపతయే నమః వస్త్రయుగ్మం సమర్పయామి |

యజ్ఞోపవీతం –
ఉపవీతం గణాధ్యక్ష గృహాణ చ తతః పరమ్ |
త్రైగుణ్యమయరూపం తు ప్రణవగ్రంథిబంధనమ్ ||
ఓం శ్రీమహాగణపతయే నమః ఉపవీతం సమర్పయామి |

ఆభరణం –
నానాభూషణకాని త్వమంగేషు వివిధేషు చ |
భాసురస్వర్ణరత్నైశ్చ నిర్మితాని గృహాణ భో ||
ఓం శ్రీమహాగణపతయే నమః ఆభరణాని సమర్పయామి |

గంధం –
అష్టగంధసమాయుక్తం గంధం రక్తం గజానన |
ద్వాదశాంగేషు తే ఢుంఢే లేపయామి సుచిత్రవత్ ||
ఓం శ్రీమహాగణపతయే నమః గంధాన్ సమర్పయామి ||

అక్షతలు –
రక్తచందనసంయుక్తానథవా కుంకుమైర్యుతాన్ |
అక్షతాన్విఘ్నరాజ త్వం గృహాణ ఫాలమండలే ||
ఓం శ్రీమహాగణపతయే నమః అక్షతాన్ సమర్పయామి |

పుష్పం –
చంపకాదిసువృక్షేభ్యః సంభూతాని గజానన |
పుష్పాణి శమీమందారదూర్వాదీని గృహాణ చ ||
ఓం శ్రీమహాగణపతయే నమః నానావిధ పరిమళ పుష్పాణి సమర్పయామి |

షోడశనామ పూజా –
ఓం సుముఖాయ నమః | ఓం ఏకదంతాయ నమః |
ఓం కపిలాయనమః | ఓం గజకర్ణికాయ నమః |
ఓం లంబోదరాయనమః | ఓం వికటాయ నమః |
ఓం విఘ్నరాజాయ నమః | ఓం గణాధిపాయనమః |
ఓం ధూమకేతవే నమః | ఓం గణాధ్యక్షాయ నమః |
ఓం ఫాలచంద్రాయ నమః | ఓం గజాననాయ నమః |
ఓం వక్రతుండాయ నమః | ఓం శూర్పకర్ణాయ నమః |
ఓం హేరంబాయ నమః | ఓం స్కందపూర్వజాయ నమః |
ఓం సర్వసిద్ధిప్రదాయ నమః |

అష్టోత్తరశతనామావళిః 

శ్రీ గణేశ అష్టోత్తరశతనామావళిః పశ్యతు |

ధూపం –
దశాంగం గుగ్గులుం ధూపం సర్వసౌరభకారకమ్ |
గృహాణ త్వం మయా దత్తం వినాయక మహోదర ||
ఓం శ్రీమహాగణపతయే నమః ధూపమాఘ్రాపయామి |

దీపం –
నానాజాతిభవం దీపం గృహాణ గణనాయక |
అజ్ఞానమలజం దీపం హరంతం జ్యోతిరూపకమ్ ||
ఓం శ్రీమహాగణపతయే నమః దీపం దర్శయామి |

నైవేద్యం –
చతుర్విధాన్నసంపన్నం మధురం లడ్డుకాదికమ్ |
నైవేద్యం తే మయా దత్తం భోజనం కురు విఘ్నప ||
ఓం శ్రీమహాగణపతయే నమః నైవేద్యం సమర్పయామి |

ఓం భూర్భువ॒స్సువ॑: | తత్స॑వి॒తుర్వరే”ణ్య॒o భర్గో॑ దే॒వస్య॑ ధీమహి |
ధియో॒ యో న॑: ప్రచో॒దయా”త్ ||
సత్యం త్వా ఋతేన పరిషించామి |
(సాయంకాలే – ఋతం త్వా సత్యేన పరిషించామి)
అమృతమస్తు | అ॒మృ॒తో॒ప॒స్తర॑ణమసి |
ఓం ప్రా॒ణాయ॒ స్వాహా” | ఓం అ॒పా॒నాయ॒ స్వాహా” |
ఓం వ్యా॒నాయ॒ స్వాహా” | ఓం ఉ॒దా॒నాయ॒ స్వాహా” |
ఓం స॒మా॒నాయ॒ స్వాహా” |
మధ్యే మధ్యే పానీయం సమర్పయామి |
అ॒మృ॒తా॒పి॒ధా॒నమ॑సి | ఉత్తరాపోశనం సమర్పయామి |
హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి |

తాంబూలం –
అష్టాంగం దేవ తాంబూలం గృహాణ ముఖవాసనమ్ |
అసకృద్విఘ్నరాజ త్వం మయా దత్తం విశేషతః ||
ఓం శ్రీమహాగణపతయే నమః తాంబూలం సమర్పయామి |

నీరాజనం –
నానాదీపసమాయుక్తం నీరాజనం గజానన |
గృహాణ భావసంయుక్తం సర్వాజ్ఞానవినాశన ||
ఓం శ్రీమహాగణపతయే నమః నీరాజనం సమర్పయామి |

మంత్రపుష్పం –
ఓం గ॒ణానా”o త్వా గ॒ణప॑తిం హవామహే
క॒విం క॑వీ॒నాము॑ప॒మశ్ర॑వస్తమమ్ |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒
ఆ న॑: శృ॒ణ్వన్నూ॒తిభి॑స్సీద॒ సాద॑నమ్ ||
చతుర్వేదభవైర్మంత్రైర్గాణపత్యైర్గజానన |
మంత్రితాని గృహాణ త్వం పుష్పపత్రాణి విఘ్నప ||
ఓం శ్రీమహాగణపతయే నమః మంత్రపుష్పం సమర్పయామి |

ప్రదక్షిణం –
ఏకవింశతిసంఖ్యం వా త్రిసంఖ్యం వా గజానన |
ప్రాదక్షిణ్యం గృహాణ త్వం బ్రహ్మన్ బ్రహ్మేశభావన ||
ఓం శ్రీమహాగణపతయే నమః ప్రదక్షిణ నమస్కారాన్ సమర్పయామి |

సాష్టాంగనమస్కారః –
సాష్టాంగాం ప్రణతిం నాథ ఏకవింశతిసమ్మితామ్ |
హేరంబ సర్వపూజ్య త్వం గృహాణ తు మయా కృతమ్ ||
ఓం శ్రీమహాగణపతయే నమః సాష్టాంగ నమస్కారాన్ సమర్పయామి |

నమస్కారం –
విఘ్నేశ్వరాయ వరదాయ గణేశ్వరాయ |
సర్వేశ్వరాయ శుభదాయ సురేశ్వరాయ ||
విద్యాధరాయ వికటాయ చ వామనాయ |
భక్తిప్రసన్న వరదాయ నమో నమోఽస్తు ||

క్షమాప్రార్థన –
అపరాధానసంఖ్యాతాన్ క్షమస్వ గణనాయక |
భక్తం కురు చ మాం ఢుంఢే తవ పాదప్రియం సదా ||

సమర్పణం –
జాగ్రత్స్వప్నసుషుప్తిభిర్దేహవాఙ్మనసైః కృతమ్ |
సాంసర్గికేణ యత్కర్మ గణేశాయ సమర్పయే ||

అనయా ధ్యాన ఆవాహనాది షోడశోపచార పూజయా భగవాన్ సర్వాత్మికః శ్రీ మహాగణాధిపతి
సుప్రీతో సుప్రసన్నో వరదో భవంతు ||

తీర్థస్వీకరణ –
బాహ్యం నానావిధం పాపం మహోగ్రం తల్లయం వ్రజేత్ |
గణేశపాదతీర్థస్య మస్తకే ధారణాత్కిల ||
శ్రీ మహాగణాధిపతి పాదోదక తీర్థం గృహ్ణామి |

ప్రసాదస్వీకరణ –
తతోచ్ఛిష్టం తు నైవేద్యం గణేశస్య భునజ్మ్యహమ్ |
భుక్తిముక్తిప్రదం పూర్ణం నానాపాపనికృంతనమ్ ||
శ్రీ మహాగణాధిపతి ప్రసాదం శిరసా గృహ్ణామి |

ఓం శాంతిః శాంతిః శాంతిః ||