atisulaBaM bidi yaMdaripAliki - అతిసులభంబిది

ప|| అతిసులభంబిది యందరిపాలికి | గతియిది శ్రీపతి కైంకర్యంబు ||
చ|| పాలసముద్రము బలిమి దచ్చి కొని- | రాలరి దేవత లమృతమును |
నాలుక నిదె హరినామపుటమృతము | యేల కానరో యిహపరసుఖము ||
చ|| అడరి బాతిపడి యవని దేవతలు | బడివాయరు యజ్ఞ భాగాలకు |
విడువక చేతిలో విష్ణుప్రసాదము | కడిగడియైనది కానరుగాని ||
చ|| యెక్కుదురు దిగుదు రేడులోకములు | పక్కన దపముల బడలుచును |
చిక్కినాడు మతి స్రీవేంకటేశ్వరు- | డిక్కడితుదిపద మెఱగరుగాని ||

pa|| atisulaBaM bidi yaMdaripAliki | gatiyidi SrIpati kaiMkaryaMbu ||
ca|| pAlasamudramu balimi dacci koni- | rAlari dEvata lamRtamunu |
nAluka nide harinAmapuTamRtamu | yEla kAnarO yihaparasuKamu ||
ca|| aDari bAtipaDi yavani dEvatalu | baDivAyaru yaj~na BAgAlaku |
viDuvaka cEtilO viShNuprasAdamu | kaDigaDiyainadi kAnarugAni ||
ca|| yekkuduru digudu rEDulOkamulu | pakkana dapamula baDalucunu |
cikkinADu mati srIvEMkaTESvaru- | DikkaDitudipada me~ragarugAni ||

eMta puNyamO yiTu mAku - ఎంత పుణ్యమో

ఎంత పుణ్యమో యిటు మాకు కలిగె
చెంతనే నీకృప సిధ్ధించబోలు

శ్రీపతి మీకథ చెవులను వింటిమి
పాపము లణగెను భయముడిగె
తీపుగ తులసితీర్థము గొంటిమి
శాపము దీరెను సఫలంబాయ

గోవింద మిము కనుగోంటి మిప్పుడే
పావనమైతిమి బ్రతికితిమి
తావుల మీపాదములకు మ్రొక్కితి
వేవేలు కలిగెను వేడుకలాయ

శ్రీవేంకటేశ్వర సేవించితి మిము
ధావతి దీరెను తనిసితిమి
వావిరి ముమ్మారు వలగొని వచ్చితి
నీవారమైతిమి నిలిచితి మిపుడు

eMta puNyamO yiTu mAku kalige
cheMtanE nIkRpa sidhdhiMchabOlu

SrIpati mIkatha chevulanu viMTimi
pApamu laNagenu bhayamuDige
tIpuga tulasitIrthamu goMTimi
SApamu dIrenu saphalaMbAya

gOviMda mimu kanugOMTi mippuDE
pAvanamaitimi bratikitimi
tAvula mIpAdamulaku mrokkiti
vEvElu kaligenu vEDukalAya

SrIvEMkaTESwara sEviMchiti mimu
dhAvati dIrenu tanisitimi
vAviri mummAru valagoni vachchiti
nIvAramaitimi nilichiti mipuDu

sEyanivADevvaDu chEri - సేయనివాడెవ్వడు

సేయనివాడెవ్వడు చేరి చిల్లర దోషాలు
యేయెడ జీవుల జాడ లీశ్వరకల్పితమే

దేవుని నమ్మినయట్టి దేహియట ఆతనికి
యీవల యెంతట పాప మేమి సేసును
భావించి యన్ని నేరాలు పరిహరించు నతడే
ఆవటించు సూర్యునికి అంధకారమెదురా

పూజింపించుకొనువాడు భువనరక్షకుడట
తేజముతో దురితాలు తెంచగలేడా
రాజు సేసిన యాజ్ఞ రాజుకంటెనెక్కుడా
వోజతో వజ్రాయుధాన కోపునా పర్వతాలు

చేతనాత్మకుడట శ్రీవేంకటేశ్వరుడు
జాతిలేని జీవునికి స్వతంత్రమేది
కాతరపు జన్మానకు కార్యకారణమేది
యేతున గరుడనికి నెదురా పాములు

sEyanivADevvaDu chEri chillara dOshAlu
yEyeDa jIvula jADa lISwarakalpitamE

dEvuni namminayaTTi dEhiyaTa Ataniki
yIvala yeMtaTa pApa mEmi sEsunu
bhAviMchi yanni nErAlu parihariMchu nataDE
AvaTiMchu sUryuniki aMdhakAramedurA

pUjiMpiMchukonuvADu bhuvanarakshakuDaTa
tEjamutO duritAlu teMchagalEDA
rAju sEsina yAj~na rAjukaMTenekkuDA
vOjatO vajrAyudhAna kOpunA parwatAlu

chEtanAtmakuDaTa SrIvEMkaTESwaruDu
jAtilEni jIvuniki swataMtramEdi
kAtarapu janmAnaku kAryakAraNamEdi
yEtuna garuDaniki nedurA pAmulu

balavaMtuDitani - బలవంతుడితని

బలవంతుడితని బంట్లమై బ్రతుకుదుము
కిలకిల నవ్వీ సుగ్రీవ నరసింహుడు

దేవదేవుడితడు తేజోరాశి యితడు
భావించ నలవిగాని బ్రహ్మ మితడు
శ్రీవల్లభుడితడు జీవరక్షకుడితడు
కేవలమయిన సుగ్రీవనరసింహుడు

పరమాత్ముడితడు భయహరుడితడు
నిరుపమగుణముల నిత్యుడితడు
వరదుడితడు సర్వవంద్యుడు నీతడు
గిరిగుహలోని సుగ్రీవ నరసింహుడు

లరూపుడితడు కరుణానిధియితడు
మేలిమి జగత్తులకు మేటి యీతడు
మూలమై శ్రీవేంకటశైల నిలయుడితడు
కీలకమిన్నిటికి సుగ్రీవ నరసింహుడు

balavaMtuDitani baMTlamai bratukudumu
kilakila navvI sugrIva narasiMhuDu

dEvadEvuDitaDu tEjOrASi yitaDu
bhAviMcha nalavigAni brahma mitaDu
SrIvallabhuDitaDu jIvarakshakuDitaDu
kEvalamayina sugrIvanarasiMhuDu

paramAtmuDitaDu bhayaharuDitaDu
nirupamaguNamula nityuDitaDu
varaduDitaDu sarvavaMdyuDu nItaDu
giriguhalOni sugrIva narasiMhuDu

larUpuDitaDu karuNAnidhiyitaDu
mElimi jagattulaku mETi yItaDu
mUlamai SrIvEMkaTaSaila nilayuDitaDu
kIlakaminniTiki sugrIva narasiMhuDu

kAnIvE aMdukEmI kanukonE - కానీవే అందుకేమీ

కానీవే అందుకేమీ కనుకొనే పను లెల్ల
యీ నాటకములు నేనెఱగనివా

పంతము లాడిన తానే భ్రమసీ గాక నాకు
యింతలోనే యేమి దప్పె నెందు వోయీని
వింత యడవుల వెంట వెదకడా సీతఁదొల్లి
యెంత లేదు తనగుండె యెఱగనిదా

బిగియుచున్న వాడే బిలిచీగాక నన్ను
తగవులే నెరపేను దాని కేమే
వెగటయి రాధాదేవివెంట తిరుగడా
యెగువనె తనగుట్టు యెఱగనిదా

కడలనున్న వాడే కలసీగాక నన్ను
తడవకు వాని నిట్టె తతి రానీవే
అడరి శ్రీవేంకటేశ్వరుడట్టె నన్ను గలసె
యెడయకున్నాడు నే నిది యెఱగనిదా

ca||kAnIvE aMdukEmI kanukonE panu lella
yI nATakamulu nEne~raganivA

pa||Mtamu lADina tAnE bhramasI gAka nAku
yiMtalOnE yEmi dappe neMdu vOyIni
viMta yaDavula veMTa vedakaDA sIta@Mdolli
yeMta lEdu tanaguMDe ye~raganidA

bigiyuchunna vADE bilichIgAka nannu
tagavulE nerapEnu dAni kEmE
vegaTayi rAdhAdEviveMTa tirugaDA
yeguvane tanaguTTu ye~raganidA

kaDalanunna vADE kalasIgAka nannu
taDavaku vAni niTTe tati rAnIvE
aDari SrIvEMkaTESwaruDaTTe nannu galase
yeDayakunnADu nE nidi ye~raganidA

adiyepO SrIhari nAmamu - అదియెపో శ్రీహరి

అదియెపో శ్రీహరి నామము
తుదిపదమిదియె ధృవమై కలిగె

తొడరి చిత్రకేతు డే నామము
తడవి లోకమంతయు గెలిచె
విడువక బ్రహ్మయు వెస నే నామము
బడిబడి నుడుగుచు ప్రభుడై నిలిచె

హరుడే నామము అదె తారకముగ
నిరతిఁదడవి యెన్నిక మీరె
ధర నే నామము దలచి నారదుడు
సురమునియై సంస్తుతులకు నెక్కె

ధృవుడే నామము దొరకొని నుతియించి
ధృవ పట్టంబున తుద బ్రదికె
జవళి శ్రీ వేంకటేశ్వరుదాసులెల్లాను
భువి నేనామము భోగించి మనిరి

adiyepO SrIhari nAmamu
tudipadamidiye dhRvamai kalige

toDari chitrakEtu DE nAmamu
taDavi lOkamaMtayu geliche
viDuvaka brahmayu vesa nE nAmamu
baDibaDi nuDuguchu prabhuDai niliche

haruDE nAmamu ade tArakamuga
nirati@MdaDavi yennika mIre
dhara nE nAmamu dalachi nAraduDu
suramuniyai saMstutulaku nekke

dhRvuDE nAmamu dorakoni nutiyiMchi
dhRva paTTaMbuna tuda bradike
javaLi SrI vEMkaTESwarudAsulellAnu
bhuvi nEnAmamu bhOgiMchi maniri

nApAli ghana nidhAnamuvu - నాపాలి ఘన నిధానమువు

నాపాలి ఘన నిధానమువు నీవే నన్ను
నీపాల నిడుకొంటి నీవే నీవే

ఒలిసి నన్నేలే దేవుడవు నీవే యెందు
తొలగని నిజబంధుడవు నీవే
పలుసుఖమిచ్చే సంపదవు నీవే యిట్టే
వెలయ నిన్నియును నీవే నివే

పొదిగి పాయని ఆప్తుడవు నివే నాకు
నదన తోడగు దేహమవు నీవే
మదమువాపెడినా మతియు నీవే నాకు
వెదక నన్నియును నీవే నీవే

యింకా లోకములకు నెప్పుడు నీవే యీ
పంకజభవాది దేవపతి నీవే
అంకిలి వాపగ నంతకు నీవే తిరు
వేంకటేశ్వరుడవు నీవే నీవే

nApAli ghana nidhAnamuvu nIvE nannu
nIpAla niDukomTi nIvE nIvE

olisi nannElE dEvuDavu nIvE yemdu
tolagani nijabamdhuDavu nIvE
palusukhamiccE sampadavu nIvE yiTTE
velaya ninniyunu nIvE nivE

podigi pAyani AptuDavu nivE nAku
nadana tODagu dEhamavu nIvE
madamuvApeDinA matiyu nIvE nAku
vedaka nanniyunu nIvE nIvE

yimkA lOkamulaku neppuDu nIvE yI
pamkajabhavAdi dEvapati nIvE
amkili vApaga namtaku nIvE tiru
vEmkaTESvaruDavu nIvE nIvE

Read more