nATiki nADu gotta - నాటికి నాడు గొత్త

నాటికి నాడు (రాగం: ) (తాళం : )

ప|| నాటికి నాడు గొత్త నేటికి నేడు గొత్త | నాటకపుదై వమవు నమో నమో ||

చ|| సిరుల రుక్మాంగదుచేతికత్తిధార దొల్లి | వరుస ధర్మాంగదుపై వనమాలాయ |
హరి నీకృపకలిమి నట్లనే అరులచే | కరిఖద్గధార నాకు గలువదండాయ ||

చ|| మునుప హరిశ్చంద్రమొనకత్తిధార దొల్లి | పొనిగి చంద్రమతికి బూవుదండాయ |
వనజాక్ష నీకృపను వరశత్రులెత్తినట్టి- | ఘనఖడ్గధార నాకు గస్తూరివాటాయ ||

చ|| చలపట్టి కరిరాజు కరణంటే విచ్చేసి | కలుషము బెడబాసి కాచినట్టు |
అలర శ్రీవేంకటేశ ఆపద లిన్నియు బాసి | యిలనన్ను గాచినది యెన్న గతలాయ ||

nATiki nADu (Raagam: ) (Taalam: )

pa|| nATiki nADu gotta nETiki nEDu gotta | nATakapudai vamavu namO namO ||

ca|| sirula rukmAMgaducEtikattidhAra dolli | varusa dharmAMgadupai vanamAlAya |
hari nIkRupakalimi naTlanE arulacE | kariKadgadhAra nAku galuvadaMDAya ||

ca|| munupa hariScaMdramonakattidhAra dolli | ponigi caMdramatiki bUvudaMDAya |
vanajAkSha nIkRupanu varaSatrulettinaTTi- | GanaKaDgadhAra nAku gastUrivATAya ||

ca|| calapaTTi karirAju karaNaMTE viccEsi | kaluShamu beDabAsi kAcinaTTu |
alara SrIvEMkaTESa Apada linniyu bAsi | yilanannu gAcinadi yenna gatalAya ||

Natiki nade na chaduvu - నాటికి నాడే నా చదువు

Natiki nade na chaduvu - నాటికి నాడే నా చదువు | Annamayya Lyrics | Sankeertanalu | Songs | Telugu & English

Listen Audio by VANI JAIRAM:

నాటికి నాడే (రాగం: ) (తాళం : )

ప|| నాటికి నాడే నాచదువు | మాటలాడుచును మరచేటిచదువు ||

చ|| ఎనయ నీతని నెరుగుటకే పో | వెనకవారు చదివినచదువు |
మనసున నీతిని మరచుటకే పో | పనివడి యిప్పటి ప్రౌఢలచదువు ||

చ|| తెలిసి యితనినే తెలియుటకే పో | తొలుత గృతయుగాదుల చదువు |
కలిగియీతని గాదననే పో | కలియుగంబులో గలిగిన చదువు ||

చ|| పరమై వేంకటపతి గనుటకే పో | దొరలగు బ్రహ్మాదుల చదువు |
సిరుల నితని మరచెడికొరకే పో | విరసపుజీవుల విద్యలచదువు ||

nATiki nADE (Raagam: ) (Taalam: )

pa|| nATiki nADE nAcaduvu | mATalADucunu maracETicaduvu ||

ca|| enaya nItani neruguTakE pO | venakavAru cadivinacaduvu |
manasuna nItini maracuTakE pO | panivaDi yippaTi prauDhalacaduvu ||

ca|| telisi yitaninE teliyuTakE pO | toluta gRutayugAdula caduvu |
kaligiyItani gAdananE pO | kaliyugaMbulO galigina caduvu ||

ca|| paramai vEMkaTapati ganuTakE pO | doralagu brahmAdula caduvu |
sirula nitani maraceDikorakE pO | virasapujIvula vidyalacaduvu ||

nAmOmu chUchichUchi - నామోము చూచిచూచి

నామోము చూచిచూచి (రాగం: ) (తాళం : )

నామోము చూచిచూచి నడుమ నేలకొంకేవు
ఆముకొని మెచ్చగానే నడ్డమాడేనా ||

బత్తిగలవాడవు పడతి పాటివింటివి
చిత్తము రంజించి నీకు చెవిబట్టెనా
యిత్తల మే చెమరించె నెంతగరగెనో మతి
పొత్తుల వాకుచ్చి యాకె బొగడగరాదా ||

సరినిడుకొంటివి చదివించితి వాపెను
తిరమైన యాయర్ధము తెలిసితివా
నిరతి బులకలెల్లా నిండెను సంతోసమెంతో
అరుదైన వుడుగరట్టె ఇయ్యరాదా ||

శ్రీ వేంకటేశుడవు చెలియాట చూచితివి
భావించి నీకు గన్నుల పండుగాయనా
యీవల నన్నేలితివి ఇదెంత జాణతనమో?
సేవసేసే మిద్దరము సేసచల్ల రాదా ? ||

nAmOmu chUchichUchi (Raagam: ) (Taalam: )

nAmOmu chUchichUchi naDuma nElakoMkEvu
Amukoni mechchagAnE naDDamADEnA ||

battigalavADavu paDati pATiviMTivi
chittamu raMjiMchi nIku chevibaTTenA
yittala mE chemariMche neMtagaragenO mati
pottula vAkuchchi yAke bogaDagarAdA ||

sariniDukoMTivi chadiviMchiti vApenu
tiramaina yAyardhamu telisitivA
nirati bulakalellA niMDenu saMtOsameMtO
arudaina vuDugaraTTe iyyarAdA ||

SrI vEMkaTESuDavu cheliyATa chUchitivi
bhAviMchi nIku gannula paMDugAyanA
yIvala nannElitivi ideMta jANatanamO?
sEvasEsE middaramu sEsachalla rAdA ? ||

nATakamiMtA navvulakE - నాటకమింతా నవ్వులకే

నాటకమింతా నవ్వులకే (రాగం: ) (తాళం : )

ప|| నాటకమింతా నవ్వులకే | పూటకు బూటకు బొల్లైపోవు ||

చ|| కోటి విద్యలును గూటి కొరకే పో | చాటున మెలగేటి శరీరికి |
తేటల నాకలి దీరిన పిమ్మట | పాటుకు బాటే బయలై పోవు ||

చ|| మెరసేటి దెల్లా మెలుతల కొరకే | చెరల దేహముల జీవునికి |
అర మరవుల సుఖమందిన పిమ్మట | మెరుగుకు మెరుగే మొయిలై పోవు |

చ|| అన్ని చదువులును నాతని కొరకే | సన్నెరిగిన సుజ్ఞానికిని |
యిన్నిట శ్రీ వేంకటేశు దాసునికి | వెన్నెల మాయలు విడివిడి పోవు ||

nATakamiMtA navvulakE (Raagam: ) (Taalam: )

pa|| nATakamiMtA navvulakE | pUTaku bUTaku bollaipOvu ||

ca|| kOTi vidyalunu gUTi korakE pO | cATuna melagETi SarIriki |
tETala nAkali dIrina pimmaTa | pATuku bATE bayalai pOvu ||

ca|| merasETi dellA melutala korakE | cerala dEhamula jIvuniki |
ara maravula suKamaMdina pimmaTa | meruguku merugE moyilai pOvu |

ca|| anni caduvulunu nAtani korakE | sannerigina suj~jAnikini |
yinniTa SrI vEMkaTESu dAsuniki | vennela mAyalu viDiviDi pOvu ||

nApAliGana daivamavu - నాపాలిఘన దైవమవు

నాపాలిఘన దైవమవు (రాగం: ) (తాళం : )

ప|| నాపాలిఘన దైవమవు నీవే నన్ను | నీపాల నిడుకొంటి నీవే నీవే ||

చ|| ఒలిసి నన్నేలే దేవుడవు, యెందు | దొలగని నిజబంధుడవు నీవే |
పలు సుఖమిచ్చే సంపదవు నీవే, యిట్టే | వెలయ నిన్నియు నీవే నీవే ||

చ|| పొదిగి పాయని యాప్తుడవు నీవే, నాకు | నదన దోడగు దేహమవు నీవే |
మదమువాపెడి నామతియు నీవే, నాకు | వెదక నన్నియును నీవే నీవే ||

చ|| ఇంకా లోకములకు నెప్పుడు నీవే, యీ- | పంకజభవాది దేవపతివి నీవే |
అంకిలి వాపగ నంతకు నీవే, తిరు- | వేంకటేశ్వరుడవు నీవే నీవే ||

nApAliGana daivamavu (Raagam: ) (Taalam: )

pa|| nApAliGana daivamavu nIvE nannu | nIpAla niDukoMTi nIvE nIvE ||

ca|| olisi nannElE dEvuDavu, yeMdu | dolagani nijabaMdhuDavu nIvE |
palu suKamiccE saMpadavu nIvE, yiTTE | velaya ninniyu nIvE nIvE ||

ca|| podigi pAyani yAptuDavu nIvE, nAku | nadana dODagu dEhamavu nIvE |
madamuvApeDi nAmatiyu nIvE, nAku | vedaka nanniyunu nIvE nIvE ||

ca|| iMkA lOkamulaku neppuDu nIvE, yI- | paMkajaBavAdi dEvapativi nIvE |
aMkili vApaga naMtaku nIvE, tiru- | vEMkaTESvaruDavu nIvE nIvE ||

nArAyaNuDItaDu narulAla - నారాయణుడీతడు నరులాల

నారాయణుడీతడు నరులాల (రాగం: ) (తాళం : )

నారాయణుడీతడు నరులాల
మీరు శరణనరో మిమ్ము గాచీని

తలచిన చోటను తానే ఉన్నాడు
వలెనను వారికి కైవసమెపుడు
కొలచెను మూడడుగుల జగమెల్లాను
కొలిచినవారిని చేకొనకుండునా

యెక్కడ పిలిచినా ఏమని పలికీ
మొక్కిన మన్నించు మునుముగను
రక్కసుల నణచి రక్షించు జగములు
దిక్కని నమ్మిన తిరముగా నేలడా

చూచిన యందెల్ల చూపును రూపము
వోచిక పొగడిన వుండు నోటను
యేచిన శ్రీవేంకటేశుడే యితడట
చేచేత పూజింప సేవలుగొనడా

nArAyaNuDItaDu narulAla (Raagam: ) (Taalam: )

nArAyaNuDItaDu narulAla
mIru SaraNanarO mimmu gAchIni

talachina chOTanu tAnE unnADu
valenanu vAriki kaivasamepuDu
kolachenu mUDaDugula jagamellAnu
kolichinavArini chEkonakuMDunA

yekkaDa pilichinA Emani palikI
mokkina manniMchu munumuganu
rakkasula naNachi rakshiMchu jagamulu
dikkani nammina tiramugA nElaDA

chUchina yaMdella chUpunu rUpamu
vOchika pogaDina vuMDu nOTanu
yEchina SrIVEMkaTESuDE yitaDaTa
chEchEta pUjiMpa sEvalugonaDA

Sung by:Balakrishna Prasad

Get this widget | Track details | eSnips Social DNA

narayanaya namo - నారాయణాయ నమో

narayanaya namo - నారాయణాయ నమో | Annamayya Lyrics | Sankeertanalu | Songs | Telugu & English

Listen Audio by G BALAKRISHNA PRASAD & VIJAYABALA:

నారాయణాయ నమో (రాగం: ) (తాళం : )

ప|| నారాయణాయ నమో నమో నానాత్మనే నమో నమో |
యీరచనలనే యెవ్వరు దలచిన యిహపర మంత్రము లిందరికి ||

చ|| గోవిందాయ నమో నమో గోపాలాయ నమో నమో |
భావజగురవే నమో నమో ప్రణవాత్మనే నమో నమో |
దేవేశాయ నమో నమో దివ్యగుణాయ నమో యనుచు |
యీవరుసలనే యెవ్వరు దలచిన యిహపర మంత్రము లిందరికి ||

చ|| దామోదరాయ నమో నమో ధరణీశాయ నమో నమో |
శ్రీమహిళాపతయే నమో శిష్టరక్షిణే నమో నమో |
వామనాయ తే నమో నమో వనజాక్షాయ నమో నమో |
యీమేరలనే యెవ్వరు దలచిన యిహపర మంత్రము లిందరికి ||

చ|| పరిపూర్ణాయ నమో నమో ప్రణవాగ్రాయ నమో నమో |
చిరంతన శ్రీ వేంకటనాయక శేషశాయినే నమో నమో |
నరకధ్వంసే నమో నమో నరసింహాయ నమో నమో |
యిరవుగ నీగతి నెవ్వరు దలచిన యిహపర మంత్రము లిందరికి ||

nArAyaNAya namO (Raagam: ) (Taalam: )

pa|| nArAyaNAya namO namO nAnAtmanE namO namO |
yIracanalanE yevvaru dalacina yihapara maMtramu liMdariki ||

ca|| gOviMdAya namO namO gOpAlAya namO namO |
BAvajaguravE namO namO praNavAtmanE namO namO |
dEvESAya namO namO divyaguNAya namO yanucu |
yIvarusalanE yevvaru dalacina yihapara maMtramu liMdariki ||

ca|| dAmOdarAya namO namO dharaNISAya namO namO |
SrImahiLApatayE namO SiShTarakShiNE namO namO |
vAmanAya tE namO namO vanajAkShAya namO namO |
yImEralanE yevvaru dalacina yihapara maMtramu liMdariki ||

ca|| paripUrNAya namO namO praNavAgrAya namO namO |
ciraMtana SrI vEMkaTanAyaka SEShaSAyinE namO namO |
narakadhvaMsE namO namO narasiMhAya namO namO |
yiravuga nIgati nevvaru dalacina yihapara maMtramu liMdariki ||